POP 5

Lajmet më të lexuara të 5 minutave të fundit

Politikë

Tahiri dënohet me burg, reagon Rama: E kam ditur çfarë kam bërë kur kam udhëhequr reformën në drejtësi! 100 herë të kthehesha mbrapsht, do bëja të njëjtën gjë

Kryeministri Edi Rama ka folur për herë të parë lidhur me dënimin e ish ministrit të tij të Brendshëm Saimir Tahiri, ku tha se nuk komenton vendimet e gjykatës. I pyetur nëse dënimi me burg i Tahirit ishte vendim surprizë, Rama tha se e ka ditur mirë se çfarë ka bërë kur ka udhëhequr Reformën në Drejtësi dhe se po të kthej pas do të bënte sërish të njëjtën gjë.

Kryeministri Edi Rama ka folur për herë të parë lidhur me dënimin e ish ministrit të tij të Brendshëm Saimir Tahiri, ku tha se nuk komenton vendimet e gjykatës. I pyetur nëse dënimi me burg i Tahirit ishte vendim surprizë, Rama tha se e ka ditur mirë se çfarë ka bërë kur ka udhëhequr Reformën në Drejtësi dhe se po të kthej pas do të bënte sërish të njëjtën gjë. Rama e ka bërë gjithmonë të qartë se kush ka probleme me ligjin do të përgjigjet i vetëm para drejtësisë dhe se PS nuk do të bëhet mburojë e askujt,

"Unë nuk komentoj vendimet e gjykatave, unë e kam ditur mirë çfarë kam bërë kur kam udhëhequr reformën në drejtësisë  dhe 100 herë të kthehesha mbrapsht prapë të njëjtën gjë do bëja. Nuk do doja të shfokusoheshim nga çështja e Ukrainës", tha Rama.

Pas një seance maratonë GJKKO e dënoi Saimir Tahirin me 5 vite burg për ‘Shpërdorim të detyrës’. Por me gjykim të shkurtuar dënimi ulet në 3 vite e 4 muaj burgim.  Tahiri u dënua vetëm për "Shpërdorim detyre" duke i ‘shpëtuar’ akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal". Në argumentimet e vendimit, Apeli i GJKKO nënvizon se rezulton se Tahiri ka lidhje me Moisi Habilaj dhe Artan Habilaj dhe këto lidhje kanë ndikuar që grupi kriminal të infiltrohet në radhët e punonjësve të policisë dhe të shtetit dhe të pengojë luftën ndaj trafikut të drogës.

Sipas Gjykatës, Tahiri provohet se ka përfituar nga Moisi Habilaj dhe Artan Habilaj për përfitime të padrejta dhe njëkohësisht shpërdorimi i detyrës duke dëmtuar interesat e shtetit. Saimir Tahiri e nisi ‘betejën’ e tij me drejtësinë në vitin 2017, kur kishte 4 vite ministër i Brendshëm, si ministri më jetëgjatë në atë dikaster. Organet e drejtësisë e vunë në shënjestër pasi autoritetet italiane goditën një grup të strukturuar kriminal në trafikun e marijuanës, që drejtohej nga vëllezërit Habilaj –të afërm të Tahirit.

Tahiri është lënë i vetëm në qelinë e godinës nr.2 të burgut 313 , për arsye  sigurie pasi në kohën kur ka qenë ministër i Brendshëm, janë arrestuar shumë nga të burgosurit që ndodhen aty. Ish ministri do të jetë nën vëzhgimin e autoriteteve të IEVP për 10 ditë, ndërsa pritet që dhe dënimin ta kryer po te 313.

I.K/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pku: 05/02/2022 16:28

    Nu qe i thoni z km jeni me moterqira se km

    Përgjigju
  • Xxxx: 05/02/2022 14:57

    Z kryeminister,hetojeni drejtoreshen Brunilda Dhamo ne Fier sepse ne bashkepunim me disa aty ne DRAP ne Fier fallcifikojne dokumente per interesat e tyre dhe per te larguar ata we duan nga puna.Sigurisht i thone nje fjale karma dhe ndaj saj dhe Alma Bakiut drejtoreshes se ZVA ne Vlore do veproje zoti ,por ,nuk po durojme dot deri atehere.Ju lutem i hiqni keto personazhe negative nga arsimi

    Përgjigju
  • Une: 05/02/2022 14:48

    Burgosja e Tahirit qe ka fut ne burg 90% te njerezve tek 313 tregon qarte qe eshte burg politik. Reforma ne drejtesi u gropos. Edhe Saliu me me Meten do denohen per akuza qesharake.

    Përgjigju
  • Gazi: 05/02/2022 13:24

    Zoti Kryeminister po e dime si po behet drejtesia po hiq dhe ata drejtor qe ke tek te dhenat tek konkurenca qe jane prej vitesh per ne burge dhe ti i mbane akoma qe kane grabitur toka pa funde ne palas dhe dhermi me dokumenta fallco apo ska gje te vjedhin dhe populli te veje ne burge pr kashte apo per nje fatir dritash keto shiko ti

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

EUROPOL godet grupin kriminal të drogës në Spanjë, 9 në pranga! Shqiptari u pastronte paratë përmes kriptomonedhave

EUROPOL godet grupin kriminal të drogës në Spanjë, 9 në pranga! Shqiptari u pastronte paratë përmes kriptomonedhave

18 Dhjetor, 11:40