‘Takimi i djeshëm i Tiranës, i jashtëzakonshëm’, Kryemadhi shpërndan videon dhe i bën thirrje qytetarëve: Më 25 prilli votoni LSI, ndryshimi ka ardhur

Kryetarja e LSI, Monika Kryemadhi mëngjesin e sotëm ka shpërndarë një videomesazh falënderues për të gjithë qytetarët që ditën e djeshme ishin të pranishëm në takimin përmbyllës të Lëvizjes Socialiste për Integrim në Tiranë.

Përmes videos së publikuar ajo i kërkojë qytetarëve të mos ndalen pasi edhe 2 ditë kanë mbetur nga zgjedhjet parlamentare, më 25 prill dhe të trokasin derë më derë për të kërkuar votën e qytetarëve të tjerë për LSI.

“E di që është i vështirë komunikimi me ju nëpërmjet mediave të cila i ka uzurpuar Rilindja por mos ndaloni shpërndajeni videon, shpërndajeni mitingun shpërndani emocionet që kaluar dje aty, mos ndaloni trokisni derë me derë sepse ndryshmi ka ardhur më 25 prill. Mos harroni kërkoni votën për LSI dhe të keni kujdes mos nxjerrin votën e pavlefshme.”, shprehet kryemadhi.

Takimi përmbyllës elektoral i LSI, është zhvilluar pasditen e djeshme në sheshi “Nënë Tereza” në Tiranë.

Mesazhi i plotë e kryetares së LSI, Monika Kryemadhi: 

“Të dashur miq dua ta nis sot ditën, duke falënderuar të gjithë të rinjtë dhe të rejat e Tiranës, të gjithë burrat dhe gratë që ishin dje në shesh edhe pse ditë më shi, ata ishin aty. Energjia, entuziazmi ishin burim frymëzimi. Unë ju jam shumë mirënjohëse por edhe 2 ditë na kanë mbetur deri më 25 prill. Të mos ndalemi. Atë energji, atë pozitivitet, atë dashuri që buron nga zemra ta shpërndajmë në çdo shtëpi, derë me derë, me miq dhe e shokët tanë. Takimi i dijshëm i Tiranës ishte i jashtëzakonshëm, ishte një energji e jashtëzakonshme, ngjyra e kuqe e flamujve të LSI ishte një ngjyrë dashurie cila depërtoje në zemrat e të gjithëve jo vetëm që ishin aty po edhe të qindra e mijëra që na shijonin në rrjete sociale. E di që është i vështirë komunikimi me ju nëpërmjet mediave të cila i ka uzurpuar Rilindja por mos ndaloni shpërndajeni videon, shpërndajeni mitingun shpërndani emocionet që kaluar dje aty, mos ndaloni trokisni derë me derë sepse ndryshmi ka ardhur. Më 25 prill mos harroni kërkoni votën për LSI, të votojnë numrin 6 dhe të keni kujdes mos nxjerrin votën e pavlefshme. “

J.GJ./B.K./Shqiptarja.com

TAG:
• LSI
• monika kryemadhi
• zgjedhjet parlamentare 2021