Teksa është nisur drejt Athinës, për takimin me emigrantët shqiptarë, kryeministri Edi Rama në një prononcim për median greke ‘Kthimerini’ thotë se në fjalimin e tij nuk ka në plan të që të flasë për rastin e kryebashkiakut të zgjedhur të Himarës, Fredi Belerit, në burg për blerje votash.
“Në Tiranë po bëjmë një betejë historike. Ne duam ta bëjmë drejtësinë të pavarur nga pushteti politik për herë të parë që kur Shqipëria shpalli pavarësinë e saj nga Perandoria Osmane”, tha Rama për Kathimerini.
Rama thotë për median greke se janë në një ‘betejë’ për t’i dhënë për herë të parë drejtësisë në Shqipëri pavarësinë nga pushteti politik. Kreu i qeverisë bën të qartë, se mes rastit të Belerit dhe zyrtarëve të PS që janë dënuar nuk ka asnjë ndryshim, duke shtuar se nuk ka asnjë arsye përse t’i drejtohet komuniteti shqiptar në Greqi mbi këtë rast.
“Historia e gjatë e imunitetit për politikanët po përfundon dhe nuk shoh asnjë ndryshim midis rastit që ju referoni në Greqi dhe atyre të kryebashkiakëve dhe ministrave nga partia ime që janë dënuar, ndonjëherë për diçka më pak të rëndë se blerja e votës. Nuk ka asnjë arsye për t'iu referuar këtij rasti kur flas me komunitetin e madh shqiptar në Greqi”.
Vizita e Ramës ka ngjallur shumë polemika në shtetin helen, pasi përkon me 1 vjetorin e arrestimit të Belerit, por vjen edhe para zgjedhjeve për parlamentin europian. Sa i takon pyetjes, nëse kjo është një ndërhyje në zgjedhje, Rama thotë se Greqia është një shtet i pavarur dhe se kjo vizitë nuk është ndërhyrje në zgjedhje, ndryshe nga disa politikanë greke që ndërhyjnë në punët e brendshme të Shqipërisë.
Kryeministrin grek Rama e konsideron si një mik të mirë dhe që e respekton shumë, ndërsa shton se Mitsotakis është i interesuar për forcimin e marrëdhënieve greko-shqiptare.
“Ajo që kam mësuar duke parë më nga afër lajmet në shtëpi është se ju jeni edhe më mirë se ne në sajimin e teorive konspirative, duke i kthyer thashethemet në fakte dhe më pas duke i përdorur ato si provë për shumë përfundime të pabaza. Kyriakos është kryeministri i Greqisë, është një mik që e respektoj shumë. Unë besoj se ai është kryeministri grek që, më shumë se çdo paraardhës i tij me të cilin kam punuar, është vërtet i interesuar për forcimin e marrëdhënieve greko-shqiptare. Gjithashtu, Greqia është një shtet i pavarur ku as që mund të mendoj të ndikoj në zgjedhje, gjë që e kuptoj megjithatë mund të jetë e vështirë për t'u besuar për disa politikanë grekë apo propagandistë mediatikë që ndërhyjnë në punët e brendshme të Shqipërisë", tha Rama për Kathimerini.
Një mesazh drejtuar popullit grek nuk do të mungojë.
“Po, ndoshta do t'u drejtohem grekëve, ndaj të cilëve kam vetëm respekt dhe ndjenja pozitive. Arsyetimi im këmbëngulës është se pse politika e deritanishme ka dështuar në ngritjen e marrëdhënieve ndërshtetërore në nivelin e mirë që janë marrëdhëniet e dy popujve. Kjo është një arsye thelbësore ndër të tjera pse e urrej nacionalizmin ballkanik dhe pse i konsideroj nacionalistët ballkanikë sharlatanë të pastër”, u shpreh kreu i qeverisë.
Pas Athinës Rama do të jetë në Milano, Londër dhe Duseldorf për t’u takuar me shqiptarët që jetojnë në Itali, Mbretërinë e Bashkuar dhe Gjermani.
Lajme të tjera
-
'Vatikani SUFI, rruga liberale drejt Islamit', Baba Mondi flet për 'La Repubblica'
17 Nëntor, 12:39
-
‘Po flirton me Erdoganin dhe Ramën’, Mitsotakis përjashton nga partia Demokracia e Re ish-kryeministrin Samaras
16 Nëntor, 16:49 -
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
Mbi një dekadë në opozitë, i padëshiruar dhe nën arrest shtëpie, Berisha kërcënon Sorosin se do e shpallë ‘non grata’! Thotë dhe se Rama do shkojë për azil te Lukashenko
15 Nëntor, 17:06 -
GJKKO kalon për gjykim dosjen e Jorgo Goros për tjetërsimin e 10 mijë metra katror tokë! Ish kryebashkiaku i Himarës kërkon gjykim të shkurtuar
15 Nëntor, 10:56
-
Pamjet me dron/ Magjia e Vermoshit nën vellon e dëborës, Ftesa e Ramës: Shijoni Alpet edhe gjatë dimrit
15 Nëntor, 09:27 -
Sondazhi në Report Tv/ Nëse zgjedhjet mbahen sot, Rama ‘korr’ mandatin e 4! Rikthimi i Trump nuk 'shpëton' Berishën nga non grata! 73.5% e quajnë dështim mosbindjen civile të PD
14 Nëntor, 21:08 -
Rikonstruktohet muzeu Etnografik i Kavajës, rrëfime historike përmes teknologjisë
14 Nëntor, 16:25 -
Turi i diasporës, Rama më 24 nëntor në Londër
14 Nëntor, 14:44 -
Greqi/ Në kërkim për vjedhjen e 7 banesave, arrestohet ‘skifteri’ shqiptar
13 Nëntor, 17:10 -
Rama i ulet në gjunjë Melonit dhe e përqafon (VIDEO)
13 Nëntor, 14:23
