Tema e emisionit ‘Repolitix’ mbrëmjen e sotme në Report Tv ishte vendimi i Urdhrit të Stomatologëve për të rritur me 100% tarifat dentare, ndërsa ka sjellë reagime të shumta nga qytetarët. Report Tv mëson se vendimi është marrë në datë 14 dhjetor të vitit të kaluar, ndërsa do të futet në fuqi në mars. E ftuar në studion e Repolitix, zv/ ministrja e Shëndetësisë, Mira Rakacolli sqaroi se vendimi është marrë në shkelje të ligjit, prandaj është dërguar në gjykatë.
“Unë në fakt u trondita kur e pashë atë vendim. Jo vetëm me vlerën, por edhe me veprimin. Urdhri i Stomatologut operon në bazë të një ligji, ku janë të shprehura qartë kompetencat. Ligji nuk i jep të drejtë urdhrit të Stomatologut të vendosë për çmimin. Një përfaqësues i MSH është i zgjedhur në këtë Urdhër dhe vota e tij ka qenë kundër. Presidenti i Urdhrit të Stomatologut e ka shprehur se përfaqësuesi i ministrisë së Shëndetësisë ka votuar kundër. Ne kemi bërë padi në gjykatë për këtë. Tarifat ende nuk janë vendosur” tha Mira Rakacolli.
Ligji, asnjë pikë nuk parashikon që Urdhri i Stomatologëve vendos çmimet
Ish-ministri i Shëndetësisë, Gjergji Koja e cilësoi vendim kriminal dhe çmenduri. “Kjo është aventurë që duhet të kthehet pas. Kjo është halabakëri dhe çmenduri, akt kriminal, duhet të tërhiqet dhe të kërkohet falje. Për çmimet mund të bëhet një konsultë, një mbledhje me grupet e interesit. Ku e gjen tagrin asambleja e Urdhrit të Stomatologut për të marrë këtë vendim për rritjen e çmimeve. Këto çmime të hedhin në erë” tha Gjergj Koja. Stomatologia Ersida Calja sqaroi se ‘Është marrë një mesatare nga çmimet e klinikave dhe ka dalë ky çmim, që është dysheme. Nuk jam pro rritjeve ekstreme, bie ndesh me standardin e jetesës në Shqipëri. Duhet gjetur një rrugë e mesme, por cilësia kushton. Detyrohemi të rrisim çmimin për të rritur standardin”.
Ndërsa stomatologia Arisa Bidaj tha se “Shumica nuk kanë mundësi, por për të lyer flokët shkojnë apo për të blerë një bluzë..., stomatologjisë nuk i jepet rëndësi sa duhet. Nuk është logjike që të lodhesh një orë me një mbudhje dhe të mos marrësh 3 mijë lekë, kurse një bluzë apo një palë këpucë kushtojnë 5 mijë lekë, ndërkohë që mbushja zgjat më e pakta 5 vite. A do ndryshoni çmimet? Jemi në pritje të vendimit, pasi është diçka e rëndësishme për stomatologun”.
Gjithashtu dy stomatologet ngritën disa shqetësime nisur nga cilësia e materialeve, konkurrenca e pandershme, ofrimi i shërbimit dhe të tjera, ndërsa Koja shtoi se duhet të bëhet kontroll për mënyrën se si bëhet evadimi i mbetjeve spitalore. Një ditë më parë Urdhri i Stomatologëve njoftoi se prej fillimit të 2019-s, klinikat dentare në vend do aplikojnë një listë të re me çmimet dysheme për shërbimet bazë që ofrojnë, duke i rritur tarifat me 100%. Për një mbushje dhëmbi të gradës së dytë, përpara 1 janarit, pacientët në klinikën e tij duhet të paguanin 2,000 lekë, ndërsa tani me çmimin dysheme që ka vendosur Urdhri i Stomatologut, pacientët duhet të paguajnë 4,000 lekë, ose dyfish. Ministria e Shëndetësisë ka ndërmarrë hapa konkretë kundër vendimit të Urdhrit të Stomatologëve për të dyfishuar çmimet e shërbimeve dentare. Kjo Ministri i është drejtuar sot Gjykatës Administrative për të rrëzuar këtë vendim. Report Tv siguroi padinë e Ministrisë së Shëndetësisë depozituar në Gjykatë (lexo këtu).
Komente
Lajme të tjera
-
Peripecitë për familjet me të sëmurë të shëndetit mendor në shtëpi! Report Tv sjell historinë e Fatbardhës: U sëmur kur lindi, s’ merr mjekimin
25 Shkurt, 17:40
-
Ekskluzive/ Nga 1 shkurti konsultë në shtet me mjekun jashtë orarit, Rakacolli zbulon sa do jetë tarifa në spitalin e Fierit
30 Janar, 15:01
-
Shëndetësia 2024/ 100 çifte do përfitojnë nga fertilizimi invitro në shtet! Paruke e protezë falas për gratë me kancer gjiri! Prindërit kërkojnë ilaçe për fëmijët me fibrozë cistike
15 Nëntor 2023, 18:49 -
5 vite punë në Shqipëri, studentët protestë para Kuvendit kundër ligjit: Do ta dërgojmë në Kushtetuese! Zv. ministrja: Ligji i konsultuar gjerësisht, s’ka kthim pas
20 Korrik 2023, 09:24 -
Dita Botërore e Diabetit, në Shqipëri rreth 80 mijë raste! Diabeti i tipit 2 prek në masë fëmijët! 61-vjeçarja: E mësova se isha sëmurë rastësisht
14 Nëntor 2022, 16:32
-
Autonomia spitalore, debate te Shëndetësia, Duma: S'keni asnjë informacion për shpenzimet! Rakacolli: Kostot janë në ligjin e financimit
4 Korrik 2022, 14:14 -
Drafti për shërbimin spitalor nxit debat në komision! LSI: Ligj pa risi! PD: Spitale autonome pa nxjerrë kostot?
20 Qershor 2022, 19:35
-
PD përplaset me Rakacollin te 'ligjet': Situata në spitale, skandaloze! Urgjenca pa elementet bazë, mjeku thotë ‘ik bli pambuk’
14 Qershor 2022, 19:34 -
Debat te 'Ligjet'/ Alibeaj: Jeni kthyer në Ministri Huamarrëse! Rakacolli: Nuk po bëjmë lojë kungulleshkash, mjekët dhe infermierët nuk ikin në Gjermani vetëm për rrogën
1 Qershor 2022, 12:21 -
Report Tv sjell historinë e 31-vjeçarjes së paralizuar nga skleroza multiple! Pacientët: Vetëm 2 ilaçe në vend për kurimin, të pamjaftueshme
30 Maj 2022, 18:37
-
Rakacolli: Në Shqipëri asnjë humbje jete si pasojë e vaksinave! Alimehmeti: COVID-i do të kthehet në virus që do prekë më shumë fëmijët
26 Prill 2022, 22:34 -
COVID-19, Komiteti i Ekspertëve: Dozë të katërt vaksine për mbi 60 vjeçarët, hiqet detyrimi për mbajtjen e maskës, hapen klubet e natës! Nga 1 maji, në kufi jo më vaksinim apo test
26 Prill 2022, 11:03
Duhet të ngrihen çmimet, që të kemi një shërbim cilësor europian.
PërgjigjuDhe karburanti nga më të shtrenjtët në botë është si çmim, por cilësia është MUT
Po paske logjike dhen ti ama Si sthot njeri te ngrihet dita e punes e puntrve te thjesht qe punojne si ne dimer e si ne ver jashata