Kreu i Grupit Parlamentar të Partisë Socialiste, Taulant Balla, ka publikuar në faqen e tij në Instagram një fotografi ku duket Gentjan Progni duke goditur me vezë punonjësin e Policisë, gjatë protestës së sotme jashtë sallës së Parlamentit.

Balla ka shkruar krahas fotografisë së publikuar se Gentjan Progni është një shkelës i hershëm i ligjit, i cili sipas tij, tashmë sulmon edhe efektivët e Policisë së Shtetit.

Më tej Balla i ka cilësuar protestuesit që ishin sot jashtë Kuvendit dhe që shkaktuan tensione, si një bandë kriminale e terroriste.

Deputeti socialist ka theksuar se persona si Gent Progni, sëbashku me kryetarët e partive të vogla, po i përdorin protestat që po zhvillohen prej ditësh në Tiranë për interesa personale.

“Gentjan Progni, ky shkelës i shumëhershëm i ligjit, godet Policin e Shtetit

Janë kjo bandë kriminale dhe terroriste, bashkë me kryetarët e partiçkave me një anëtar dhe me të tijët që po e përdorin për interesat e veta këtë protestë”, ka shkruar Balla në faqen e tij në Instagram.


Lajmi kryesor:

Protestë te Kuvendi/ Sulmohen me vezë e shishe uji makinat e deputetëve dhe policët! Pas shoqërimit, lirohen Goxhaj dhe 5 të tjerët! Protestuesit edhe te Policia e Tiranës (VIDEO)