POP 5

Lajmet më të lexuara të 5 minutave të fundit

Periferi

Të deformuarit e padrejtësisë

...Ato ora e bizhuteri të shtrenjta, ato çanta e kostume firmato, ato taka 13 në konferenca profesionale, dukeshin si të varura në më të shëmtuarat pemë të shtrembëruara nga presione të tmerrshme atmosferike...
Të deformuarit e padrejtësisë

Orë dhe bizhu të shtrenjta të gjyqtarëve

Ata ngjajnë me njëri-tjetrin. Që para se të niste Vettingu i kisha pikasur disa syresh. Për shembull në pamjet e ofruara në media nga Konferencat gjyqësore ku kolegët gazetarë e kameramanë habiteshin me objektet e shtrenjta që mbanin në veshje e nëpër duar. Shumë nga këta njerëz të Drejtësisë kishin një pamje të deformuar, nga këndvështrimi im, asgjë gjenetike, asgjë nga ushqimi, asgjë nga ndonjë sëmundje. Deformimi i tyre i përgjithshëm, mendoj, se vinte nga përpjekjet e shumta për të fshehur, transformuar, devijuar pasuri të pafundme të grumbulluar nga procese gjyqësore të manipuluara.

E duhet të jetë një hall i madh i disa shqiptarëve post tranzicion ky: Ku të fshehim thasët ma para? Mirë një shtëpi, mirë dy, mirë dhurata nga vjehrri, vjehrra, kunati, kunata (më të pasurit u kanë qëlluar njerëzve të drejtësisë), po nuk mjaftojnë. E këtu nis sikleti që mbahet në shpirt. E nis të deformohet një buzë, pastaj një dorë, e pastaj këmbët, e pastaj fytyra. Ndaj ato ora e bizhuteri të shtrenjta, ato çanta e kostume firmato, ato taka 13 në konferenca profesionale, dukeshin si të varura në më të shëmtuarat pemë të shtrembëruara nga presione të tmerrshme atmosferike.

Njerëzit e korruptuar të drejtësisë ngjajnë me njëri-tjetrin. Duket shumë qartë në pamjet e tyre, barra e jashtëzakonshme e padrejtësive që kanë firmosur me koshiencë në kurriz të njerëzve që nuk i kanë paguar.

Ka një metamorfozë, një ndryshim i dukshëm viziv te njerëzit e korruptuar të drejtësisë. Disa prej tyre, që pa u ulur në skanerin e Vettingut, seç “bërtisnin” me pamjen: Kemi bërë shumë, shumë padrejtësi. E kemi të shkruar në ekzistencën tonë, aspak harmonike.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • mond: 01/08/2018 13:17

    Mos i hengshin e mos u ngopshin!por nje gje eshte e sigurte: shume te "lehte" ne cdo kuptim paskan qene, si i vune ato pasuri, si i "justifikuan" dhe si do ti "gezojne" ?????.....

    Përgjigju
  • i rremi: 31/07/2018 19:44

    Tamam keshtu eshte zonja Malltezi.Dhe eshte veshtire per nje shqiptar te zakonshem te kuptoje e te pranoje qe komisionet e vetingut per ndonje gjyqtar apo prokuror,megjithese kane bere hetime etj etj dhe ka pasaktesi,dyshime apo pasuri te gjyqtareve e prokuroreve te pajustifikuara dhe perpiqen me sforco te justifikohen se kane marre borxh nga te aferm te tyre familjare apo kane marre dhurata(dhe cuditerisht vetem atyre u japin borxhe milionesh apo dhurata te tilla)e pranojne kete fakt dhe i quajne te pershtatshem,si puna e te degjenruarit Zaganjori me pasuri nje miliardeshe.Doni me per Belulin? Neve pse nuk na ka dhuruar deri me tani ndonje toke,prone,hyrje,apo miliona leke apo euro...?Apo keta te drejtesise e kane me mjalt...Skandal!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46