Të enjten ndryshimet kushtetuese në seancë plenare, SHBA-BE thirrje deputetëve: Votoni zgjatjen e afateve të vettingut, s'është çështje partiake

Më pak se 48 orë na ndajnë nga seanca e Kuvendit kur do të hidhen në votim propozime i mazhorancës për të ndryshuar Kushtetutën për zgjatjen e afateve të vettingut, SHBA dhe BE përmes një deklarate të përbashkët i bëjnë thirrje deputetëve që të votojnë të gjithëpro këtyre ndryshimeve.

Delegacioni i BE në Shqipëri e ambasada e SHBA nënvizojnë se reforma në drejtësi po jep rezultate dhe edhe falë saj vendi ka bërë shumë përparim.

“Gjatë viteve të fundit, Shqipëria ka bërë përparime domethënëse në reformat e anëtarësimit në BE. Ndër hapat më të vështirë, por thelbësorë, ka qenë miratimi dhe zbatimi i reformës në drejtësi. Jemi në një moment të rëndësishëm pasi reforma në drejtësi po jep rezultate”, thuhet në deklaratë.

LEXO EDHE:
SHBA/ Aktivistja provokon Alec Baldwin: Thuaj ‘Palestina e lirë’! Aktori s’përmbahet e godet me grusht (VIDEO)

Sipas përfaqësive diplomatike më të rëndëishme në Tiranë vetingu i gjyqtarëve dhe prokurorëve është një element themelor i reformës në drejtësi dhe për t'u mundësuar institucioneve të vetingut të kryejnë misionin e tyre, është i nevojshëm ndryshimi i kushtetutës për ta zgjatur mandatin e tyre për nje periudhë të kufizuar.

"Komisioni i Venecias konfirmoi se zgjatja e propozuar është në përputhje me standardet evropiane dhe është e nevojshme për të garantuar barazinë para ligjit dhe sigurinë juridike. Zgjatja e propozuar e vetingut mbështetet fuqishëm nga miqtë e Shqipërisë që dëshirojnë ta shohin Shqipërinë në BE sa më shpejt të jetë e mundur. Kjo nuk është çështje partiake. Shpresojmë që të gjithë deputetët- pavarësisht nga përkatësia partiake- ta shohin këtë si një çështje të interesit kombëtar dhe të votojnë në përputhje me të, ashtu siç kanë mbështetur gjithmonë rrugën evropiane të Shqipërisë. Vota për zgjatjen e vetingut është votë për të ardhmen e Shqipërisë në BE”, thuhet në deklaratën e SHBA dhe BE.

Ishte seanca e kaluar e Kuvendit më 3 shkurt e cila vendosi që ndryshimet Kushtetuese për zgjatjen e afateve të vetingut të votohen në seancën plenare të 10 shkurtit. Kjo u kërkua nga kreu i grupit parlamentar të PS, Taulant balla, ndërsa u miratua në Kuvend. Ishte kreu i grupit të PD, Enkelejd Alibeaj, i cili tha se i gjithë procesi i zhvilluar deri më tani është bërë në mënyrë të njëanshme nga mazhoranca. Sipas tij, ndërhyrjet në Kushtetutë duhet të jenë sa më të pakta dhe të harmonizuara mes palëve. Opozita asnjëherë nuk e ka bërë një deklaratë në qartë për votën e saj për këto ndryshime kushtetuese.

Kujtojmë se i gjithë komuniteti ndërkombëtar ka ushtruar presion që zgjatja e afateve të vettingut të votohet. Të njëjtin mesazh dha sot paradite edhe ambasadori i Gjermanisë në vendin tonë, Peter Zingraf.

Në qershor të 2022 Komisionit të Pavarur të Kualifikimit njohur si vetingu në shkallën e parë, i skadon afati, në një kohë që gjysma e gjyqtarëve dhe prokurorëve nuk i janë nënshtruar ende procesit të verifikimit për ligjshmërinë e pasurive, pastërtinë e figurës dhe aftësitë profesionale. Afati i këtij institucioni ishte 5 vite, për shqyrtimin e figurës së afro 800 subjekteve, gjë që nuk u arrit në kohë. Për këtë arsye mazhoranca ka artikuluar se do të kërkojë shtyrjen e afatit të trupës së shkallës së parë të vetingut dhe komisionerit publik, ndërsa i ka bërë thirrje opozitës që të bashkëpunojnë në këtë aspekt.

Kushtetuta ka parashikuar kur KPK-së i mbaron mandati, puna i kalon KLP-së dhe KLGJ-së. Por nga socialistët është argumentuar se mirë do të ishte zgjatja e mandatit pasi kur proces i filluar nga ky komision pra vetingu i gjyqtarëve dhe prokurorëve, të mbyllet nga ky komision.

Rendit zhvillimet sipas orarit:

Të Fundit Të Parat

K.T.//Shqiptarja.com

TAG:
• ndryshimet kushtetuese
• Vetting
• SHBA
• BE
• Kuvendi i Shqiperise