Të gatuajmë me zonjën Vjollca/ Musaka me presh dhe Petulla

Musaka me presh

1.5 kg presh

2 qepë

400 gr mish i grirë

Vaj ulliri

50 ml pure domate

Kripë dhe piper i zi

2 gjethe dafine

2 lugë gjelle majdanoz

Beshameli

1 lugë gjelle gjalp

1 lugë gjelle miell

1 gotë qumësht

Përgatitja:

Në një tigan vendosim 3 lugë vaj ulliri dhe kaurdisim preshin sa të zbutet por dhe të zverdhet pak. ½ e sasisë së preshit e shtrojmë si bazë në një tavë që e kemi lyer më parë me vaj dhe spërkatur me peskimadhe. Gjysmën e ruajmë për shtresën e sipërme.

Në po atë tigan shtojmë 3 lugë vaj ulliri dhe kaurdisim qepët të prera në kubikë të vegjël derisa ato të zverdhen. Më pas shtojmë mishin e grirë dhe e kaurdisim duke shtuar dhe pak pure domateje. Shtojmë dy gjethe dafine, kripë, piper të zi dhe një gotë ujë dhe e lemë të ziejë për 10 minuta.

Ndërkohë në një tenxhere të vogël përgatisim pak beshamel ku kaurdisim fillimisht miellin me pak gjalpë për 5 minuta dhe më pas shtojmë qumështin, kripë dhe piper të zi. E trazojmë mire dhe e lemë beshamelin të ziejë për 3 minuta.

Shtrojmë kimën e përgatitur në tavën ku kemi vendosur shtresën e parë të preshit e mbulojmë më pas me një shtresë tjetër presh, një shtrese kimë dhe në fund një shtresë beshamel. E vendosim tavën në furrën e parangrohur në temperaturën 180 gradë Celsius për 30-40 minuta.

 

 

Petulla

Përbërësit:

2 vezë

1 gotë kos

1/2 filxhan çaji ujë i gazuar

500-600 gr miell

1 lugë çaji sodë buke

1 lugë kafe pluhur pjekës

50 ml qumësht

Kripë

Vaj vegjetal për skuqje

Përgatitja:

Sitim miellin dhe e përziejmë me sodë buke dhe pak pluhur pjekës. Në një tas rrahim vezët me kos qumësht e kripë dhe i përziejmë mirë duke shtuar duar duar miellin dhe duke trazuar me kosin e vezët. Kështu vazhdojmë deri sat ë na formohet një brumë jo shumë i fortë , pak më i butë se brumi i byrekut. E mbulojmë dhe e lëmë të pushojë për 30 minuta. Më pas hapim një me trashë si 0,5 cm dhe e presim në katrorë. Vendosim tiganin me vaj të bollshëm. Sapo vaji të ngrohet shtojmë copat e prera nga peta, i lëmë të skuqen mirë nga të dyja anët dhe në fund pasi ti kemi hequr nga zjarri e servirim me djath ose reçel dhe mjalt.

D.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO i caktoi masë sigurie arrest në burg, reagon ish drejtori i IMT Qato: Kam zbatuar ligjin, SPAK ka rënë pre e presionit politik

GJKKO i caktoi masë sigurie arrest në burg, reagon ish drejtori i IMT Qato: Kam zbatuar ligjin, SPAK ka rënë pre e presionit politik