POP 5

Lajmet më të lexuara të 5 minutave të fundit

Arkiva

Të paktën 72 gjermanë dhe 49 spanjollë mes viktimave të avionit të ”Germanwings”

BERLIN, 25 mars /ATSH-AFP/ – Avioni i ”Germanwings” që u rrëzua në Francë transportonte sipas informacioneve aktualisht të disponueshme 72 pasagjerë të kombësisë gjermane, deklaroi sot drjetuesi i kompanisë. Thomas Winkelmann njoftoi gjithashtu për 35 qytetarë spanjollë, një shifër e ulët me atë të komunikuar më herët nga Madridi, 49 shtetas spanjollë, por shtoi se […]

Avioni i "Germanwings" që u rrëzua në Francë transportonte sipas informacioneve aktualisht të disponueshme 72 pasagjerë të kombësisë gjermane, deklaroi sot drjetuesi i kompanisë.

Thomas Winkelmann njoftoi gjithashtu për 35 qytetarë spanjollë, një shifër e ulët me atë të komunikuar më herët nga Madridi, 49 shtetas spanjollë, por shtoi se kombësia e disa pasagjerëve nuk ishte zbardhur ende.

"Të paktën 49 spanjollë bënin pjesë mes 150 të vdekurve të avionit 'Germanwings"' njoftoi sot sekretari i Shtetit spanjoll për Sigurinë.
"Aktualisht ne kemi identifikuar 49 viktima spanjolle", deklaroi Francisco Martinez në një konferencë shtypi pasi shpjegoi se autoritetet kishin mundur të hartonin këtë listë duke e krahasuar atë të pasagjerëve me të dhënat e njoftuara nga të afërmit e viktimave të aksidentit.

Numërimi është i vështirë veçanërisht nga prania në bord e personave me dy kombësi.

"Germanwings" filial i "Lufthansa"-s ka kontaktuar me 123 familjarë të viktimave dhe për 27 të tjerë ata kërkojnë të vendosin kontakte me ndihmën e ministrisë gjermane të Punëve të Jashtme.

"Objektivi ynë është t'i japim çdo familjeje përkatëse një mbështetje", theksoi Winkelmann.
Mes kombësive të tjera të pranishme, "Germanwings" ka regjistruar dy qytetarë amerikanë, dy australianë, dy venezuelianë dhe dy argjentinas, një kolumbian, një japonez, një danez, një holandez, një izraelit.

"Germanwings" dhe "Lufthansa" kanë vendosur ekipe mbështetëse për të ndihmuar të afërmit e viktimave në Barcelonë, nga ku u nis avioni, në Dyseldorf që ishte destinacioni si dhe në Frankfurt dhe Mynih.

Nesër një avion do të niset nga Dyseldorfi dhe një tjetër nga Barcelona për në jug të Francës, për të dërguar familjet e viktimave në afërsi të vendit të aksidentit./​ATSH/

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

28 Janar, 22:00 nga Danjela Maloku