POP 5

Lajmet më të lexuara të 5 minutave të fundit

Sport

Të premten starton Kategoria Superiore, Skënderbeu-Partizani çel siparin e kampionatit

Të premten starton Kategoria Superiore në futbollin shqiptar dhe, si për ironi të fatit, shorti ka vënë në sfidën e parë Skënderbeun dhe Partizanin, dy ekipet që i ka dhënë tonin kampionatit shqiptar ndër vite, ku shpesh edhe rivalë për titull.
Të premten starton Kategoria Superiore, Skënderbeu-Partizani çel siparin e kampionatit

Ekipi i Skënderbeut

Skënderbeu “i ri” pret që në javën e parë Partizanin rival dhe trajneri Orges Shehi ka një provë të vështirë në stolin korçar, para tifozëve që janë mësuar ta shohin në fushë. Të premten, në orën 19:45, në Korçë, Kategoria Superiore hap siparin me super ndeshjen Skënderbeu-Partizani. Skënderbeu vjen me moral të lartë, pasi të dielën e kaluar fitoi Superkupën ndaj Laçit. Trajneri Shehi e cilëson këtë një ogur të mirë.

Vijmë tashmë në një eveniment më të madh siç është kampionati. Kemi 5 javë që kemi nisur përgatitjet dhe një javë pas ndeshjes së Superkupës së Shqipërisë, që e mbyllëm me sukses, por tani çdo gjë ndryshon. Formacionin nuk e kemi zbardhur, por do të bazohemi tek ata lojtarë që luajtën në Superkupë. Çdo skuadër ka objektivat e veta dhe lufton për to. Kemi përballë një rival që në javën e parë të kampionatit, pasi shorti i tillë është. Jemi të bindur që është një ndeshje e vështirë, por do të bëjmë maksimumin që të marrim maksimumin, sepse luajmë përpara tifozërisë tonë.

Trajneri Orges Shehi

Trajneri Shehi e konsideron sfidën me Partizanin një përballje rivalësh, ndërkohë që beson te “senatorët” se do të dinë ta udhëheqin ekipin drejt suksesit. 

Një përballje rivalësh, qe e luajmë në shtëpinë tonë dhe do të bëjmë çmos që ta kalojmë me sukses. Jemi të përqendruar te kampionati, por kemi edhe prurjet e reja në ekip, lojtarët e rinj, që duan ende kohë që ne të japim një vlerësim real. Pikat e forta të Skënderbeut, si trajner i tij, i shoh kudo, por le t’ia lëmë kohës. “Arma” jonë më e fortë është mentaliteti i të stërviturit, i të punuarit. Kemi lojtarë më shumë tituj, që kanë ende uri dhe që e treguan edhe para një jave këtë gjë. Janë ata që do ta udhëheqin ekipin në këtë kampionat.

 Trajneri Orges Shehi

Skënderbeu është rinovuar shumë, por kjo nuk do të thotë se ka hequr dorë nga objektivat, duke kërkuar sërish titullin kampion dhe Kupën e Shqipërisë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin

Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin

26 Dhjetor, 13:06