Treguesit e punësimit janë përmirësuar më tej gjatë vitit të kaluar, por të dhëna të detajuara nga INSTAT tregojnë se punësimi pa pagë në biznesin e familjes është zgjeruar shumë më tepër se punësimi me pagë. Në Anketën e Forcës së Punës, që mat treguesin zyrtar të punësimit, konsiderohen si të punësuar edhe personat që janë të angazhuar në bizneset e familjes, por që nuk paguhen.
Në vitin 2022 u raportuan 279,542 të punësuar në biznesin e familjes pa pagë, ose 28 mijë persona më shumë se në vitin 2021. Nga ana tjetër, numri i të punësuarve me pagë arriti në 610,774 persona më 2022 ose 12, 898 persona më shumë se në vitin 2021.
Siç shihet punësimi pa pagë është rritur dy herë më shumë se punësimi me pagë dhe është kontribuuesi më madh në rritjen e punësimit vitin e kaluar. Të vetëpunësuarit pa pagë në bizneset e familjes përbëjnë 20% të totalit të punësimit dhe bëjnë pjesë në kategorinë e vetëpunësimit. Numri i personave të vetëpunësuar arriti në rreth 408 mijë në vitin 2022, por shumica e tyre rreth 68% ishin të punësuar pa pagë.
Më herët analizat mbi informalitetin në tregun e punës tregojnë nivele të larta në punës në të zezë tek të vete-punësuarit. Sektori më vetëpunësimin më të madh pa pagë është bujqësia. Analiza e punësimit sipas grup-profesioneve reflekton strukturën e punësimit sipas sektorëve.
Në vitin 2022, punonjësit e kualifikuar të bujqësisë dhe të lidhur me tregtinë, përbëjnë 46,2% të të punësuarve, e ndjekur nga grupet: ‘Menaxherë, profesionistë dhe teknikë’ dhe ‘Nëpunës dhe punonjës të shitjeve dhe shërbimeve’ të cilët përbëjnë 20,4% dhe 18,6% të të punësuarve përkatësisht.
Sipas vlerësimeve të anketës për vitin 2022, rezulton se për grup-moshën 15 vjeç e lart, 47,0% e të punësuarve janë të punësuar me pagë, 31,5% janë të vetë-punësuar (punëdhënës ose të vetëpunësuar pa të punësuar të tjerë) dhe 21,5% janë punëtorë pa pagesë në biznesin e familjes Krahasuar me vitin 2021, punësimi është rritur me 3,0%, ndërsa shkalla e papunësisë për grup-moshën 15-74 vjeç është ulur me 0,6 pikë përqindje gjatë vitit të kaluar.
Rreth 65,0% e popullsisë 15-64 vjeç është e punësuar, 8,2% është e papunë dhe 26,8% është ekonomikisht jo aktive (jashtë forcave të punës). Më shumë se, 71% e meshkujve 15-64 vjeç ishin të punësuar, 8,7% ishin të papunë dhe 20,0% ishin jashtë forcave të punës. Rreth 60% e femrave 15-64 vjeç janë të punësuara, 7,8% janë të papuna dhe 33,3% janë jashtë forcave të punës./Monitor
Lajme të tjera
-
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18 -
ANALIZA e shifrave mbi nëndeklarimin/ Informaliteti në paga, një pjesë në dorë e tjetrën në bankë ‘krim ekonomik’ në kurriz të punonjësve
24 Tetor, 16:47
-
Sa të vjetra janë ndërtesat ku jetojnë shqiptarët? Dominojnë banesat e 1981-2000
20 Tetor, 07:45 -
Zhvlerësimi i valutave godet prodhimin vendas, në 9 muaj eksportet u ulën 47 mld lekë! ‘Made in Albania’ vlejnë më pak se vjet
18 Tetor, 21:06
-
Tregu i apartamenteve/ Të etur për prona, bum shitjesh të pasurive të paluajtshme! INSTAT: Në 6 muaj u shitën prona me vlerë 58 mld lekë
13 Tetor, 17:34
-
Shqiptarët shpenzojnë 40% të të ardhurave për ushqime, produktet e mishit ‘zbrazin’ portofolin! Kukësi e Dibra qarqet më të varfër
4 Tetor, 12:08
-
Ekonomia u rrit me 4.06% në tremujorin e dytë! Ndërtimi ‘mundi’ turizmin, ngecin shitjet e pasurive të paluajtshme
1 Tetor, 13:00
-
Shqipërinë e vizituan mbi 8.5 mln turistë në 8 muaj! Vetëm në gusht mbi 2.1 mln të huaj
25 Shtator, 17:10
-
Turizmi nuk e rriti konsumin, tregtia në rënie të fortë! Krahasuar me korrikun, eksportet ranë me 32% dhe importet me 19%
17 Shtator, 16:41
-
Bien industria dhe energjia në tremujorin e dytë të 2024, prodhimin e mban në këmbë ndërtimi
17 Shtator, 07:40
