POP 5

Lajmet më të lexuara të 5 minutave të fundit

Shëndeti

Editorial

Të rejat mbi Obstetrikën, Gjinekologjinë dhe Ekografinë

Reduktimi i vdekshmërisë foshnjore dhe parandalimi i lindjes parakohe të nënës, kanë qenë kryefjala e diskutimeve, që mblodhi bashkë gjinekologët më të mirë nga Shqipëria, Mali i Zi, Maqedonia dhe Kosova, në kongresin e 7 të organizuar në vendin tonë. 
Të rejat mbi Obstetrikën, Gjinekologjinë dhe Ekografinë
TIRANË- Reduktimi i vdekshmërisë foshnjore dhe parandalimi i lindjes parakohe të nënës, kanë qenë kryefjala e diskutimeve, që mblodhi bashkë gjinekologët më të mirë nga Shqipëria, Mali i Zi, Maqedonia dhe Kosova, në kongresin e 7 të organizuar në vendin tonë. Në shkëmbimin e eksperiencave të mjekësisë për gjinekologjinë dhe obsetrinë ishin të ftuar dhe mjekë të huaj, të cilët referuan të dhënat e tyre në lidhje me të rejat e fundit në këtë fushë mjekësore.

Ajo që është theksuar si prioritare, duket se ka qenë shëndeti i nënës dhe fëmijës edhe pse për këtë të fundit, avancimi i teknologjisë ka bërë që të parandalohet lindja e fëmijëve handikapë.
 
Drejtues i këtij kongresi ishte Prof.Dr. Orion Gliozheni, i cili është dhe presidenti i Shoqatës Shqiptare të Mjekësisë Prenatale. Kjo shoqatë në bashkëpunim me Ministrinë e Shëndetësisë, Universitetin e Mjekësisë dhe spitaleve private organizuan këtë kongres shkencorë për gratë shtatëzëna.

“Kjo lidhet kryesisht me vlerësimin e hershëm të riskut për gruan dhe beben e saj.  Diagnostifikimin e hershëm të anomalive fetale si dhe masat parandaluese apo trajtimin më të mirë të porsalindurve të fëmijëve ne peshë të vogël”, tha mjeku Orion Gliozheni gjatë fjalës së tij.

Por, problem për mjekun Gliozheni vijon të jenë lindjet e parakohshme, çka rrisin riskun e jetëgjatësisë së foshnjës.

“Vdekshmëria e të porsalindurve në moshë të vogël është 40 herë më e lartë se ajo e fëmijëve të lindur në kohë. Dëmtimet e sistemit nervorë të fëmijëve para kohë janë rreth 10 herë më të shpeshta nga ato të fëmijëve të lindur në kohë. Prapambetja mendore është rreth 5 herë më e madhe se ato të lindur në kohë”, tha mjeku Gliozheni.

Zv/ministrja e Shëndetësisë Milva Ekonomi, vlerësoi lehtësirat monetare që shteti ka vënë në dispozicion të grave shtatzëna, në rastin konkret të eko-ve falas në gjithë periudhën e shtatëzanisë. Por prioritare sipas saj, mbetet infrastruktura spitalore që vjen në investime bashkëkohore. 

“Në Shqipëri, për fatin e mirë, fekondimi in-vitro ekziston në sektorin privat dhe kjo do të shkojë edhe në atë publik. Por, kjo duhet të zhvillohet pak më tej në Shqipëri”, tha zv/ministrja Ekonomi gjatë fjalës së saj.
 
Por, a kanë informacionin e duhur gratë dhe vajzat sa i takon shtatzanisë dhe atë që ofrohet nga spitalet tona? Duket se media zë rol kryesor, e për këtë, në konferencë një vend i veçantë i ishte rezervuar dhe gazetarit Carlo Bollino, që ka treguar interesin e tij sa i takon çështjeve të shëndetësisë, konkretisht "kancerin në gji". 

“Kontributi që duhet ta japim duhet të fillojë nga një bashkëpunim reciprokë. Nga një shkëmbim informacionesh më të ngushta dhe nga një ftesë reciproke në aktivitetet tona. Përveç rolit kryesor që gruaja luan në familje, brenda shoqërisë, brenda ekonomisë së një vendi gratë kanë edhe këto kompetenca të veçanta që i ka caktuar zoti për të krijuar jetën”, tha gjatë fjalës së tij në këtë konferencë gazetari Carlo Bollino.

Kongresi shkencor do të mbahet nga data 14 deri në datën 16 mars.

Redaksia online
(esh/shqiptarja.com)

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Gili dhe Redoni tërhiqen nga gara, Egli në lot, ja si reaguan banorët e tjerë

Gili dhe Redoni tërhiqen nga gara, Egli në lot, ja si reaguan banorët e tjerë

26 Dhjetor, 14:58