Numri i personave që kërkojnë azil ra ndjeshëm në 2022, pas rritjes që kishte shënuar në 2021, si rrjedhojë e ardhjes së shtetasve afgane, që i ikën luftës, dhe erdhën përkohësisht në Shqipëri, në bazë të marrëveshjes mes qeverisë shqiptare dhe asaj amerikane.
Në 2022 kishte vetëm 125 kërkesa për azil, nga 2533 në 2021, sipas INSTAT. Në të kundërt, është shtuar numri i shtetasve që marrin pasaporte shqiptare, që në 2022-shin ka shënuar një nivel rekord. Në 2022 kishte 1.527 shtetas që morën nënshtetësinë shqiptare, nga 711 vitin e mëparshëm. 81% e tyre ishin nga Kosova, të tjerët nga Italia, Turqia e Siria.
Një tjetër tendencë është lënia e nënshtetësisë shqiptare. 721 persona nuk mbajtën më pasaportën e vendit mëmë, pothuajse në të njëjtat nivele me vitin e kaluar. Kryesisht janë të rinjtë që po e lënë nënshtetësinë. Grupmosha nga 20-39 vjeç përbënte rreth 65% të personave që kanë lënë nënshtetësinë shqiptare.
Azilkërkuesit në Shqipëri
Referuar Drejtorisë së Azilit dhe të Huajve, si dhe Shtetësisë pranë Ministrisë së Brendshme, në 2022, rezultojnë 125 azilkërkues, duke pësuar një ulje të ndjeshme, krahasuar me një vit më parë. Azilkërkuesit me origjinë nga Afganistani zënë 28,8% të azilkërkuesve gjithsej dhe rezultojnë 36 persona.
Duke analizuar vendin e origjinës së azilkërkuesve, vërehet se numri më i lartë i azilkërkuesve është me origjinë nga Afganistani me 36 azilkërkues, duke vijuar me 27 azilkërkues nga Ukraina. Gjatë vitit 2022, rezultojnë 24 vendime pozitive për dhënie të statusit të mbrojtjes plotësuese për azilkërkuesit, nga këto raste 10 i përkasin shtetasve me origjinë nga Afganistani, 6 shtetasve me origjinë nga Egjipti, 5 shtetasve nga Siria dhe 3 raste shtetasve nga Tunizia.
Fitimi dhe lënia e shtetësisë Shqiptare
Në 2022 rezultojnë 1.527 persona të cilët kanë fituar shtetësi shqiptare, duke pësuar rritje me 114,8%, krahasuar me vitin 2021. Po të analizojmë të dhënat sipas gjinisë, vëmë re se 931 persona, që kanë fituar shtetësinë Shqiptare, janë meshkuj dhe 596 femra. Vihet re një dominim i meshkujve me 61,0%.
Në 2022, rezultojnë 721 persona të cilët kanë hequr dorë nga shtetësia shqiptare, duke pësuar një rënie me 0,4%, krahasuar me vitin 2021. Po të analizojmë të dhënat sipas gjinisë, vëmë re se 406 persona, që kanë lënë shtetësinë Shqiptare janë femra dhe 315 meshkuj. Vihet re një dominim i femrave me 56,3%.
Duke analizuar vendin e origjinës të personave që kanë fituar shtetësinë Shqiptare, vërehet se 85,1% e përbëjnë ato me origjinë nga Kosova, 4,3% me origjinë nga Turqia dhe 2,1% me origjinë nga Italia.
Gjatë 2022, 27,1% e personave që kanë fituar shtetësinë Shqiptare i përkasin grup-moshës 30-39 vjeç, e ndjekur nga grup-mosha 40-49 vjeç dhe 20-29 vjeç respektivisht me 20,3% dhe 19,1%.
Për personat që kanë lënë shtetësinë Shqiptare, grup-mosha që dominon është 30-39 vjeç me 48,3%, e ndjekur me grup-moshën 40-49 vjeç dhe 20-29 vjeç respektivisht me 22,1% dhe 16,5%./Monitor
Lajme të tjera
-
Ekonomia u rrit me 4.09% gjatë sezonit veror! Ndikim kryesor, bumi turistik dhe rritja e pagave në administratë
24 Dhjetor, 12:20
-
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Rrogat ulen te privati, 354 mijë s'arrijnë pagën mesatare! Eksperti: Punonjësi shihet si kosto e jo investim
22 Dhjetor, 14:25
-
Turizmi, shqiptarët preferojnë pushimet jashtë, daljet u rritën me 14.7% në janar-tetor
20 Dhjetor, 11:05 -
2024-a 'bilanc' negativ/ 1 në 4 biznese nëndeklaruan pagat! Gjysma e të punësuarve marrin deri në 2300 lekë në ditë
17 Dhjetor, 16:05
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Në vitin 2025 do të shpenzohen mbi 8 mln euro për mbetjet! Bashkia Durrës do marrë 2.5 mln euro për trajtimin e tyre
9 Dhjetor, 18:39
-
S’ka më banesa individuale, por rezidenca shumëkatëshe! Mbi 2 mln metër katrorë ndërtime të reja me vlerë 806 mln €, u miratuan në 9 muaj nga bashkitë
29 Nëntor, 08:07
-
Shtohen të huajt në shtator, shqiptarët nuk po bëjnë më pushime! Ja shifrat e INSTAT
23 Nëntor, 07:52 -
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18
