Të shtëna me armë zjarri janë regjistruar pasditen e kësaj të premte në Qafë Kashar, në periferi të Tiranës. Persona të armatosur kanë qëlluar nga një automjet.

Menjëherë pas marrjes së informacionit, policia u vu në ndjekje të automjetit, ndërsa bëri të mundur ndalimin e tij pranë sheshit "Shqiponja". 

Policia ndaloi 5 persona si të dyshuar për ngjarjen, por gjatë kontrolleve të ushtruara në automjet, nuk është gjetur arma me të cilën qëlluan në Qafë Kashar. Ata janë lënë të mirë pas marrjes në pyetje. 

Komunikata e Policisë:

Lidhur me lajmin e publikuar në disa rrjete sociale sqarojme se:

Eshtë marrë njoftim në numrin e emergjencave 112, për të shtena me armë zjarri, menjëherë u dërguan shërbimet policore, të cilët nisën kontrollet.
Nga ana e shërbimeve nuk u konstatuan gëzhoja në vendin e njoftuar, pavaresisht se u ndaluan një mjet tek sheshi "Shqiponja", në të cilin udhëtonin 5 të rinj, të cilët u shoqëruan si të dyshuar në lidhje me këtë njoftim.

U verifikuan dhe u lanë të lirë pasi nuk iu konstatua asnjë send i kundraligjshëm.


Redaksia Online
l.q/Shqiptarja.com