POP 5

Lajmet më të lexuara të 5 minutave të fundit

Kultura

Teatri i Metropolit çel sezonin artistik, “Pesë ditë mbret” e Çapalikut në tarracën e Pallatit të Kulturës

Teatri i Metropolit do t’i rikthehet jetës artistike në kryeqytet. Drejtoresha Jonida Beqo rrëfen disa nga projektet e këtij sezoni, teksa ndal edhe tek 14 muaj bashkëpunim për aktivitete kulturore mes Malit të Zi, Rajonit të Puglia-s dhe Shqipërisë

Prej mëse gjashtë muajsh, për shkak të pandemisë COVID 19, trupa e Teatrit të Metropolit po punon me shfaqje alternative online, por edhe në hapësira publike. Drejtoresha e Teatrit të Metropolit, Jonida Beqo na rrëfen se cilat janë strategjitë që do të ndjekin për këtë sezon teatror, që sapo ka nisur. Ndërsa, shfaqja e parë do të jetë “Pesë ditë mbret” me regji të  Stefan Çapalikut në datë 11 shtator 2020 në tarracën e Pallatit të Kulturës.
“Kjo është një rrethanë e paprecedentë, jo vetëm për Metropolin, por për mbarë globin. Po kërkojmë mënyra të reja të të bërit art për t’iu përshtatur këtij realiteti të ri. Gjatë pandemisë jemi përshtatur me vepra nga arkivi edhe vepra online, edhe pastaj duke provuar metoda të tjera në një kontekst urban, duke dëgjuar fjalën e MSH për t’iu kthyer jetës kulturore me këto kushte të reja. Në radhë të parë, javës tjetër vijmë me shfaqjen “Pesë ditë mbret” të Stefan Çapalikut në hapësirat e tarracës së Pallatit të Kulturës” shprehet Beqo.

Teksa shprehet optimiste për zhvillimet e reja edhe projektin e ri 14-mujor, (AIDA Adriatic Identity through Development of Arts), që Shqipëria do të jetë pjesë së bashku me Malin e Zi edhe Rajonin e Puglia-s, shton se ky projekt do të ketë në qendër hulumtimin e historisë edhe identitetit të lagjes së “Kombinatit”.

“Projekti synon që në radhë të parë të hulumtohen pjesë të memories kolektive, edhe duke e bërë këtë secili nga partnerët do të gjejmë të përbashkëtat e Adriatikut. Në këtë projekt marrin pjesë disa teatro. Fokusi i Metropolit është hulumtimi i historisë dhe identitetit të lagjes së “Kombinatit”. Në radhë të parë do bëhet një studim antropologjik që do të kulmohet me një gjetje artistike. Të gjithë partnerët do të marrin elemente nga këto zona, që do të shfaqjen në vendet përfaqësuese dhe në vende të tjera rajonale”.

Drejtoresha e Metropolit përfundon, se duke zbatuar edhe udhëzimet e Ministrisë së Shëndetësisë, gradualisht do të gjejnë module të përshtatshme për zhvillimin e jetës artistike në qytet.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01