Kryevepra botërore “Princi i vogël” e shkrimtarit Antoine de Saint-Exupery vjen për artdashësit nga aktorja e mirënjohur Yllka Mujo, regjisori Armand Bora dhe kompozitori Aulon Naci në një vend sa alternativ aq dhe të veçantë, në Fontanën Monumentale të parkut arkeologjik të Orikumit.
Tashmë monumentet e kulturës po shndërrohen në skena arti duke tërhequr publikun vendas dhe turistët e huaj që të prekin historinë dhe njëkohësisht të përjetojnë artin.
Ky spektakël teatror do të zhvillohet ditën e sotme më datë 17 Gusht, ora 19:00, dhe organizohet nga Drejtoria Rajonale e Trashëgimisë Kulturore Vlorë, Bashkia Vlorë dhe “Format Plus”, në bashkëpunim me “Baza Detare Pashaliman”, “Toena” dhe “Creative City”.
“Princi i vogël” arrin të prekë tema e çështje jo thjesht konkrete, jo thjesht e rëndomtazi praktike, madje pragmatike, por të tilla, që sjellin thellimin në mendime të lexuesit, që e shtyjnë këtë të fundit të përjetojë ndjesinë e përgjegjësisë së të qenit njeri i qytetëruar.
Përmes një stili të thjeshtë deri në nivele fëminore, përtej një tejpashmërie të kristaltë të shtjellimit të subjektit, ne befas ndjejmë fuqinë rrëmbenjëse të një arti çuditërisht të thellë, të një arti që na vë përpara pikëpyetjesh, mprehtësia e të cilave mund ta gjejë shumëkënd të papërgatitur për t’u përgjigjur.
Në kohën kur botohej “Princi i vogël”, në Evropë sidomos, por edhe në Azi e pjesërisht në Afrikë njerëzimi ndodhej në mesin e Luftës II botërore, ndodhej i përfshirë në gjirin e një përleshjeje – sot pothuaj të papërfytyrueshme – midis tërbimit të forcave të vdekjes dhe heroizmit e përkushtimit të ndershëm deri në fund të forcave të jetës.
Leximi i një vepre si “Princi i vogël” mund të bëjë të vetëdijshëm cilindo së paku për dy gjëra: për nivelin e aftësive të tij gjykuese dhe për rrugën që ka përshkuar në këta dhjetëvjeçarë njerëzimi. Natyrisht mund ta bëjë të vetëdijshëm lexuesin edhe për atë që e vërteta është e bukur dhe e bukura është e thjeshtë.
Dhe kjo është shenjë e një letërsie të mirëfilltë, pikërisht e asaj letërsie, për të cilën kemi aq shumë nevojë dhe që na mungon.
Posteri i shfaqjes 'Princi i vogël' që do vihet në parkun e Orikumit
Lajme të tjera
-
Mbrëmje poetike e paharrueshme! Aktorët më të mirë të teatrit shqiptar interpretojnë në Vlorë poezitë e Ali Asllanit
19 Tetor, 14:25 -
Dashuri në moshën 70-vjeçare, Alfred Trebicka si protagonist i “Para perëndimit”: Liria e individit triumfon!
13 Prill, 11:47
-
49 portrete në skulpturë të ish të dënuarve, ekspozohen në Burgun e Spaçit! Kori Ndërkombëtar ‘Bujart’ në Katedralen Ortodokse! Teatrot me shfaqje për fëmijë e të rritur!
13 Prill, 11:39 -
‘Gjysmë-jeta e Marie Curie’, te Metropoli me Yllka Mujon e Armela Demaj! ‘Triptiku’, tri vepra të Puçinit në Opera! ‘Mbretëresha e borës’ te ‘Migjeni’!
29 Shkurt, 10:46 -
Drama "7 minuta" me 11 aktore të njohura shfaqet në Lezhë
1 Shkurt, 20:18
-
‘Hir Krishtlindjesh’ mes ikonave të shenjtëve në Muze! Yllka Mujo uron shqiptarët pas mbrëmjes me poezi e tinguj: U bashkuan vargjet e poetëve me të shpirtit
27 Dhjetor 2023, 16:23
-
‘Një lojë xhin’, Yllka Mujo, Viktor Zhusti dhe Rozi Kostani përballin publikun me braktisjen dhe vetminë e të moshuarve
24 Maj 2023, 16:45
-
'Vetëm njëri-tjetrin kemi', Amos Zaharia 'nuk ruan sekrete': Sot numëroj më shumë role se Yllka Mujo! Nga marrëdhënia e veçantë me Elian te rroga që i dha Ermal Mamaqi
11 Dhjetor 2022, 14:46 -
‘Mes çarçafëve’, Yllka Mujo dhe Ermira Hysa, interpretojnë në Muze dramat e dy grave. Londo: Vepër që në një orë prek kaq shumë tema!
21 Tetor 2022, 20:30
-
Papagjoni analizon teatrot në 2022-shin: Është limfa e artit, mbyllur mbaron! Premtimet për godinën, TK të mos mbahet ‘peng’ i politikës
8 Gusht 2022, 16:20
-
'Mes çarçafëve' premierë në Berat! Regjisori Londo dhe aktorja Yllka Mujo: Shfaqje delikate, të lumtur që e nisim nga këtu
7 Maj 2022, 16:44
-
'Tre dimra' ngjisin në skenën e Teatrit Metropol Yllka Mujon, Luiza Xhuvanin, Marjeta Ljarjen dhe Viktor Zhustin
1 Prill 2022, 18:36
