Tentuan të niseshin me gomone drejt Britanisë, policia belge arreston 12 shqiptarë, në pranga edhe dy kontrabanduesit që i prisnin në Londër

Policia belge ka arrestuar 12 shqiptarë të cilët u kapën në tentativë për të kaluar kanalin e La Manshit duke përdorur një gomone. Në pranga kanë rënë edhe dy persona të moshës 48 dhe 44 vjeç të cilët raportohet se ishin organizatorët e kontrabandës së emigrantëve të paligjshëm.

Mësohet se kontrabanduesit të cilët u arrestuan në Nottingham të Londrës, janë gjithashtu shqiptarë. Ata ndodheshn tashmë në paraburgim ku po merren në pyetje. Aksioni ka qenë një bashkëpunim mes policisë belge dhe asaj britanike të cilat kanë intensifikuar veprimet për parandalimin e kontrabdndës së emigrantëve të paligjshëm drejt kufijve britanikë.

Ndërkohë në Britaninë e Madhe debati për emigracionin e paligjshëm është në qendër të vëmendjes, ku më së shumti janë shigjetuar të rinjtë shqiptarë që përbëjnë një numër të madh të personave që kalojnë kanalin e La Manshit me gomone.

Ditën e sotme, kryeministri, Edi Rama zhvilloi një bisedë telefonike me homologun e tij britanik, Rishi Sunak ku u ra dakord që të zgjidhet edhe problemi i kthimit të azil-kërkuesve shqiptarë që u refuzohet azili, në mënyrë që ata të mos mbahen gjatë në Britani, por kthimi i tyre në atdhe të realizohet më shpejt.

B.V/Shqiptarja.com

TAG:
• belgjike
• Britania e Madhe
• debati per shqiptaret ne britani