TIRANE-Zv/ kryeministri Erjon Braçe drejtoi sot mbledhjen e shtatë të jashtëzakonshme të qeverisë në mungesë të kryeministrit Edi Rama, që ndodhet në Londër në Samitin e NATO-s. Ai kërkoi që fokusi tashmë të jetë në zonat rurale, që kanë mbetur pak mbrapa. Braçe ngriti edhe dy shqetësime kryesore në mbledhje, e para se shtesat mbi pallatet para viteve 1990 rrezikojnë strukturën e godinës, jo tani, por më tutje dhe e dyta denoncimet që ka marrë nga disa qytetarë se kolonat e garazhe janë sharruar për t'u hapur vende. Edhe pse Rama në ditët e fundit ka bërë paralajmërime të qarta për ndërtuesit që duhet të paraqiten për të riparuar dëmet e pallateve që kanë ndërtuar (ata që nuk kanë dëme në strukturë), Braçe tha se deri tani në Tiranë nuk është paraqitur asnjë.
Zv/ kryeministri kishte edhe një tjetër detyrë për ministritë në lidhje me dëmtimet e institucioneve publike. "Ende nuk kemi një përgjigje për instrumentin financiar me të cilin do të ndërhyjmë për objektet publike. Ministrat e kanë paraqitur shqetësimin, Ministrja e Drejtësisë për institucionet e sigurisë, Ministrja e Shëndetësisë për objektet shëndetësore dhe ajo e Arsimit për institucionet arsimore. Sa më parë duhet të kemi instrumentin financiar brenda tavaneve buxhetore me qëllim që puna të fillojë edhe në këtë aspekt dhe të ofrojmë edhe kushte të tjera në ato objekte ku janë goditur lehtë dhe dëmi mund të riparohet fare thjeshtë për këtë gjë" tha Braçe.
Ndërkohë që ministri fuqiplotë, Bledi Çuçi bëri një bilanc të personave që janë strehuar deri tani dhe dëmeve në godina. "Strehimi ka shkuar 12 mijë persona që janë akomoduar në hotele, çadra, qendra sociale, palestra, etj. 4 mijë persona janë në hotele, 254 në palestra, 6.5 mijë në çadra, 395 në qendra sociale, 769 në Kosovë dhe 436 në akomodime të tjera. Përsa i takon dëmeve, në 26 shkolla me 10300 nxënës janë me dëme, 15 në Durrës, 2 në Lezhë dhe 9 në Tiranë. Nga objektet 656 janë inspekuar në Durrës, 242 të pabanueshme, 27 për t'u prishur. Në qarkun Tiranë jaën 525 pallate të dëmtuara dhe 3921 banesa dhe 146 biznese.
Në Lezhë 400 banesa të dëmtuara, 138 me dëme të mesme, 53 pallate të dëmtuara rëndë, 13 institucione me dëme të rënda dhe 3 të mesme. Sot përfundon strehimi për të gjitha familjet e prekura me viktima. U bëj thirrje për pak durim banorëve, asnjë banesë nuk do të mbetet pa verifikim. Prioritet tjetër është hartimi i listës së ndërtuesve me dëme, dje 12 pronarë shprehën gatishmëri për rindërtimin e pallateve që nuk kanë marrë goditje në strukturë.
Sot do të fillojmë me lejet përkatëse që të fillojnë menjëherë. Duhet një udhëzim për bashkitë e prekura për trajtim të bonuesve të qirasë deri kur të përfundojë akomodimi. 20 objekte të shembura deri tani në bazë të procedurave, nga akti i konstatimit te dosja procedurale, para ndërhyrjes së shembjes me fiksimin e vendit të ngjarjes dhe marrjes së provave, 8 në Thumanë dhe 12 në Durrës. Donacionet janë gjithmonë në rritje" tha Çuçi.
Erjon Braçe denoncoi se ka marrë shqetësime nga shumë banorë në pallate të reja për sharrimin e kolonave. Ai tha se duhet t’u përgjigjemi qytetarëve së bashku me ata që janë përgjegjës, pra me ndërtuesit. "Në Tiranë unë personalisht kam marrë një seri shqetësimesh që janë në pallate të reja, shqetësime me atë që nuk duken, kryesisht me garazhe, ku janë lëvizur dhe sharruar kolona për t'u hapur vende për t'u strehuar. Janë raste sporadike, por ne duhet t’u përgjigjemi së bashku me ata që janë përgjegjës, pra me ndërtuesit. Puna duhet të përfshijë ata që kanë leje. Nuk kanë përmasën e Durrësit as në sasi, por as në përmasën e dëmit. Duhet t’u japim garanci njerëzve" tha ai.
Ministri fuqiplotë për gjendjen e jashtëzakonshme, Bledi Çuçi deklaroi se sot do të përfundojë strehimi i familjeve të viktimave të tërmetit tragjik, teksa pak ditë më parë disa prej tyre u akomoduan në Shkozë, te banesat sociale. “Sot përfundon strehimi për të gjitha familjet e prekura me viktima" tha ai.
Zv/ kryeministri Erjon Braçe tha se duhet të merret një vendim se cfarë do të bëhet me shtesat me apo pa leje mbi pallatet e ndërtuara para 1990, pasi rrezikojnë strukturën e godinave. "Çdo të bëhet me shtesat me leje apo pa leje mbi pallatet para viteve 1990? Për mendimin tim sa kam parë, ata që janë bërë me leje sipas ekspertëve rrezikojnë strukturën e pallatit që sot është në rregull, por rrezikon më tutje, ata zyrtarë që kanë këto gjëra duhet të mbajnë përgjegjësi. Atje ku janë pa leje po prapë të mbajnë ata që i kanë bërë. Duhet marrë një vendim teknik se çfarë do të bëhet me shtesat mbi lejet e ndërtimit që rrezikojnë pallatet. Gjatë fazës së kontrollit duhet të kemi parasysh edhe këtë fakt" tha ai.
Zv/ kryeministri Erjon Braçe që drejtoi mbledhjen e qeverisë, të shtatë të jashtëzakonshme në mungesë të kryeministrit Edi Rama kërkoi vëmendje për zonat rurale. "E gjithë vëmendja të përqendrohet te zonat rurale për shkak edhe të motit dhe nisjes së dëborës. Të dërgohen çadra dimërore. Banorët e Krujës dhe Vorës të akomodohen në Tiranë për strehim në banesat me qira. Për vlerësimin e dëmeve, është bërë një punë shumë e mirë deri tani, ekspertët kanë dhënë siguri për një pjesë të madhe.
Por duhet të mbyllim procesin tani. Lezha dhe Laçi të kthehen në prioritet, për shkak të panikut atje, por edhe se cfarë duhet të bëhet me ata njerëz, por edhe për ti vënë limit abuzimit. Zona rurale ka mbetur pak më mbrapa për vlerësimin e dëmeve. Ka njerëz që i kanë shtëpitë me plasaritje të lehta, por nuk hyjnë për shkak të frikës".
Erjon Braçe deklaroi se në Tiranë nuk i është përgjigjur asnjë ndërtues thirrjes së kryeministrit Rama që të paraqiten për të riparuar dëmet e pallateve që nuk rrezikojnë në strukturë, por kanë dëme të lehta. "Mua më duket sporadike paraqitja e aq ndërtuesve, e ndërsa në Durrës janë paraqitur aq sa thatë ju, në Tiranë nuk është paraqitur asnjë. Janë banorët vetë që po ndërhyjnë në mënyrë të pakontrolluar. Banorët të mos lejohen që të kryejnë punime të pa certifikuara".
Komente
Lajme të tjera
-
3 vite nga tërmeti tragjik, rindërtimi ende në proces! Në Fushë-Krujë, Thumanë e Bubq familjet në shtëpitë e reja, në Krujë mbi 1100 ende me bonus qiraje
26 Nëntor 2022, 16:33
-
3 vjet nga tërmeti tragjik, Berisha: Qeveria përgjegjëse, 51 persona humbën jetën në shtëpiat e shpallura të pabanueshme! Askush pas hekurave
26 Nëntor 2022, 12:12 -
Sot 3 vite nga tërmeti tragjik, ç'ndodhi mëngjesin e 26 nëntorit që i mori jetën 51 shqiptarëve! Ambasadorja e BE: Vazhdojmë me programet e rindërtimit
26 Nëntor 2022, 08:13 -
Tërmeti i 26 nëntorit, Gjykata e Durrësit shpall të pafajshëm 4 persona! Mes tyre pronari i lokalit që dëmtoi strukturën e pallatit ku vdiqën 2 persona
7 Nëntor 2022, 09:36 -
Mbi 4700 nxënës në Durrës mësim me dy turne! 3 vite pa tërmetit, 12 shkolla ende në rindërtim, Thërmija: Tenderimi ka pasur vonesa
2 Shtator 2022, 18:43
-
Rama në Manzë, hapen dyert e 230 apartamenteve të reja për banorët që humbën shtëpinë në tërmetin e 26 nëntorit! Kryeministri: Njëlloj i qëndrojmë pranë shqiptarëve edhe në krizën e çmimeve
28 Mars 2022, 12:01 -
U dëmtua banesa nga tërmeti, për të tretin vit radhazi mungon festa e Vitit të Ri për familjen Veseli në Fushë-Milot: Edhe këtë vit e kaluam në çadër, vajza është sëmurë se fle në të ftohtë
2 Janar 2022, 14:24
-
SPECIALE/ COVID-19 dhe ekonomia, në ditarin e gazetareve Doris Sallaku dhe Eliza Gjediku
1 Janar 2022, 18:38
-
Rishikimi/ Rritet me 70 milionë dollarë buxheti për rindërtimin, shkon edhe për shkolla dhe infrastrukturën publike
7 Dhjetor 2021, 14:44
-
Banka Botërore 29.5 mln dollarë për shëndetësinë në Shqipëri, financohen spitalet e dëmtuara nga tërmeti
2 Dhjetor 2021, 12:31 -
Speciale/ Dy vjet pas tërmetit! Humbi familjen në rrënojat e Thumanës, i mbijetuari planifikon të krijojë familje të re
27 Nëntor 2021, 18:34
-
2 vite nga tërmeti, 1400 familje futen në shtëpitë e reja! U premtua të mbyllej në 2020, rindërtimi përfundon në 2022
26 Nëntor 2021, 22:36
Beni zhurme tani sa te kaloni rradhen. Kush e di sa ankesa ka nga banoret per shtesa dhe nderhyrje dhe asgje s’eshte bere dhe gjasme vetem tani po e shihni qe ka abuzime. Grabit sa ke pushtetin dhe mos te plas trapi ca ndodh me mbrapa. Kam pershtypjen as termeti nuk do ndryshoj gje ne Shqiperi. Pak zhurme dhe pastaj me shume vjedhje akoma. Gerdeci eshte rast shume i ngjashem
PërgjigjuANKOHET EDHE ZV.KRIE MINISTRI PER SHTETIN SE SKA SHTET....
PërgjigjuPo mire keta te PD e dime se cfare llumi jane,,po ju te ps keni 6 vjet ne qeveri pse nuk keni bere kontrolle ne katet e para ne tirane ku jane hequr muret mbajtes apo po merreshit me vjedhje tenderash,,pisa jeni dhe ju si PD...
PërgjigjuPo pse duhet te paraqiten ndertuesit se i do b*tha kryeministrit, Demet e shkaktuara nga termetet skane pergjegjesi ndertuesit .Qeveria duhet te nderhyje me fondet e emergjences qe i ka bo b*th.
Përgjigjupo ne lurshnje te bullica pallati I rrumullaket qe ka bo bled kociu. Jan 2 katet e fundid paleje jon bo shtess do I parishes????? Ishalla vjen me veshin tuaj ky koment
PërgjigjuPo normale që ndërtuesit do fshihen e do thonë falimentuam sepse shteti që ditën e parë pas tërmetit duhej urgjentisht të bënte ngrirjen e cdo aseti bankar për të gjithë njerzit derisa të dilej te llogaria bankare e cdo ndërtuesi, aty pastaj i bllokohej llogaria derisa të shlyente dëmet ose të riparonte pallatet ku ata kishin pasur pronësinë si investitor. Shkurt fare :Bllokoni kapitalet se vijn vet me vrap ata biznesleshet e ndertimit.
PërgjigjuPo ca prisni jepi ultimatum ketyne hajduteve te tiranes per 2 muj te marojn gjithe ndertimet e lena pergjys ose burg pa afat, dhe do e shifni si do vijn si kurva se ashtu jane pa perjashtim
Përgjigju