POP 5

Lajmet më të lexuara të 5 minutave të fundit

Ekonomi

Tërmeti dhe pandemia/ Banka Botërore: Ekonomia shqiptare mund të tkurret 6.9%

Shqipëria duhet të përgatitet për një rënie në masën 6.9% të ekonomisë së saj këtë vit, vlerësojnë ekspertët e Bankës Botërore në raportin e tyre për vendet e Ballkanit Perëndimor. Ky është parashikimi më pesimist, ndërkohë që një prognozë optimiste e ul PBB-në e vendit tonë 5%

Banka Botërore vlerëson që, nëse kriza e shkaktuar nga pandemia e koronavirusit do të ndikojë edhe gjatë 6-mujorit të dytë të këtij viti, Shqipëria duhet të përgatitet për një rënie të ekonomisë së saj në masën 6.9%.

Sot është prezantuar në mënyrë dixhitale Raporti i Rregullt ekonomik për vendet e Ballkanit Perendimor, i cili fokusohet ne ndikimin makroekonomik te pandemisë COVID 19 ne keto vende. Rajoni i Ballkanit Perëndimor pritet të bjerë në recesion në vitin 2020, ku të gjashtë vendet parashikojnë normë negative të rritjes ekonomike teksa vijojnë përpjekjet për të trajtuar efektet ekonomike të pandemisë së COVID-19, theksojnë ekspertët e Bankës Botërore.

Më parë, edhe Fondi Monetar Ndërkombëtar kishte paraqitur një prognozë për Shqipërinë me një tkurrje prej 5 përqindësh të Prodhimit të saj Bruto. Banka Botërore mendon se shifra 6.9% përbën skenarin më të keq, megjithatë, edhe në rast se kriza përfundon brenda qershorit, Prodhimi i Brendshëm në vendin tonë do të ishte në rënie 5 për qind, sa ç’është edhe vlerësimi i FMN.

Raporti thekson se tërmeti i Nëntorit 2019 dhe pandemia COVID-19 kanë ngrirë një pjesë të madhe të ekonomisë shqiptare. Por qeveria shqiptare ka ndërmarrë një seri masash për të mbështetur ekonomine dhe zbutur pasojat e pandemisë në jetën e njerëzve.

Sipas BB, Shqipëria, Kosova dhe Mali i Zi do përjetojnë rënie me 20-35 përqind të ardhurave nga turizmi për vitin 2020, dhe kjo do ketë impakt negative të ndjeshëm në rritjen ekonomike të tyre në vitin 2020 për shkak se për të tre vendet, të ardhurat e drejtpërdrejta dhe indirekte të turizmit vlerësohet se përbëjnë 15 deri më shumë se 25 përqind të PBB-së.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vijon puna në aksin Bogë-Theth për largimin e dëborës, borëpastrueset në terren

Vijon puna në aksin Bogë-Theth për largimin e dëborës, borëpastrueset në terren

26 Dhjetor, 10:36