POP 5

Lajmet më të lexuara të 5 minutave të fundit

Kronikë

Tërmeti/ Kreu i bashkisë së Shijakut për Report Tv: Nga 10600 banesa të dëmtuara, 1400 duhet të rindërtohen nga fillimi

Prej 3 ditësh në bashkinë e Shijakut ka nisur procesi i aplikimit për rindërtimin e banesave të dëmtuara nga tërmeti i 26 nëntorit. Janë 10600 banesa të dëmtuara prej të cilave 1400 do t'i nënshtrohen rindërtimit nga e para ndërkohë që deri tani janë kryer 380 aplikime.

SHIJAK- 1400 banesa nga 10600 të dëmtuara nga tërmeti i 26 nëntorit në një prej bashkive të më prekura atë të Shijakut do t'i nënshtrohen procesit të rindërtimit nga e para. Report TV ishte këtë të hënë në këtë bashki ku prej 3 ditësh ka nisur procesi i aplikimit online të rindërtimit ku deri tani kanë aplikuar 380 banorë të prekur.

Kryetari i  bashkisë së Shijakut, Elton Arbana shprehet për ReportTv se ky procesi i aplikimit online pas klasifikimi të dëmeve objekteve nga ana e instutit të ndërtimit. Gjithashtu Arbana shtoi se për strehimin e këtyre banorëve të cilët janë prekur nga kjo fatkeqësi bashkia ka aprovuar bonusin e qirasë  për 496 persona nga 550 në total.

“Në bashkinë e Shijakut janë 9200 banesa që kanë dëmtime DS1, DS2 dhe DS3, pra lehtë mesatare dhe të rënda. Të tjerat kanë Ds4, Ds5 që duhen rindërtim. Nga rënia e tërmeti kemi marrë masa që familjarët të përfitojnë bonusin e qiras. Të gjithë që kanë aplikuar 95 % e tyre janë me bonus. 497 kanë 63 familje kanë bërë aplikimin por jetojnë jashtë vendit.”- u shpreh kryetari i bashkisë së Shijakut, Elton Arbana.

Por si bëhet aplikimi online i rindërtimit?

"Duhet të paraqiten së bashku me listat e afishuara. Me këto dokumenta duhet të vijën këtu për të bërë aplikimin online janë 7 hapa. Merret një pëlqim për plotësimin së bashku. Të dhënat e banesës gjendje n e banesës. Më pas pajiset me një kopje të bërë online. Afërsisht 10 minuta të mban aplikimi.”- u shpreh punonjësja e bashkisë së Shijakut.

Nga ana tjetër pas përfundimit të procesit të aplikimit online,  qytetarët e Shijakut janë shprehur se kjo është mënyra e duhur për t'i dhënë zgjidhje problemit të tyre.

"Aplikimi online më duket një akt konstatimi më preçiz, për të shmangur normalisht edhe ankesa e qytetarëve. Proçesi  aplikimit është i thjeshtë me dokumenta lehtësisht të disponueshme  kartë ID, fotokopje e tapisë së shtëpisë që çdokush e disponon, një llogari bankare edhe një çertifikatë familjare. nuk ka vonesa siç e shikoni edhe vetë maksimumi 10 minuta, deri tani jemi të kënaqur. “

“Procesi ishte fare normal, me rregulla duke marrë numrat që tek sporteli poshtë dhe aplikimi lart ku ishin në dispozicion 6-7 punonjës ku secili kryente punën e vet me rregullsi me disiplinë, nuk ka sesi më mirë."- shprehën disa nga qytetarët.

Procesi i aplikimit online do të zgjasë një muaj që nga publikimi i saj në fletoren zyrtare më 22 shkurt për t'i lënë më pas rrugë rindërtimit që pritet të nis në muajin mars. Për të përballuar fluksin e aplikimeve në Bashkinë e Shijakut janë vënë në dispozicion 18 sportele për plotësimin e formularëve të rindërtimit në cdo ditë të javës  nga ora 8 deri në 23:00 të mbrëmjes.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Toksikologu: 03/02/2020 23:13

    Kryetari i bashkisë e tërheqka mirë të bardhën... E them me bindje profesionale.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

24 Nëntor, 07:05