POP 5

Lajmet më të lexuara të 5 minutave të fundit

Kronikë

Tërmeti/ Procedurat që duhet të ndiqni për të përfituar qiranë

Çdo familje e prekur nga tërmeti i datës 26 nëntor, shtëpia e të cilës është shpallur e pabanueshme, do të strehohet në një banesë të re, me qira të paguar për një vit nga Bashkia e Tiranës. Këta qytetarë duhet të shkojnë drejtë njësisë së tyre administrative dhe të plotësojnë formularin për të përfituar nga Fondi i Qirasë.

Për të gjithë të prekurit nga tërmeti i 26 nëntorit, banesat e të cilëve janë bërë të pabanueshme, për shkak të dëmeve të shkaktuara, do të kenë mundësi të përfitojnë nga Fondi i Qirasë që mundëson Bashkia e Tiranës. Me anë të këtij fondi, bashkia e Tiranës do tu paguajë qytetarëve të prekur nga tërmeti, qiranë e shtëpisë për një vit, me vlerën e tregut.

Por cilat janë procedurat që qytetarët duhet të ndjekin për aplikimin e Fondit të Qirasë?

Familjet që aplikojnë për përfitimin e bonusit të qirasë duhet të paraqiten pranë njësisë administrative ku kanë vendbanimin. Aty do të  depozitojnë pranë dokumentacionin si më poshtë:

a. Formularin e aplikimit, i cili gjendet pranë njësisë administrative

b. Akt konstatimi i Institutit të Ndërtimit;

c. Certifikatë familjare;

d. Numrin e llogarisë bankare, ku do të derdhet pagesa e qirasë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Incidenti në Detin Baltik, NATO do të rrisë praninë në rajon

Incidenti në Detin Baltik, NATO do të rrisë praninë në rajon

27 Dhjetor, 16:06