Prej kohësh kryeministri Rama dhe presidenti i vendit Ilir Meta kanë hedhur akuza ndaj njëri tjetrit, dhe marrëdhënia e tyre ka qenë e akullt. Pas një lufte politike, e cila prej disa muajsh ka përplasur insitucionalisht disa herë kryeministrin Edi Rama dhe presidentin Ilir Meta, ata sot u gjenden në të njëjtin vend vetëm disa metra larg njëri-tjetrit.
Edhe sot, pavarësisht se janë bërë bashkë në organizimin e Ambasadës Gjermane me rastin e 3 tetorit që shënon bashkimin e Gjermanisë, marrëdhënia e Ramës dhe Metës ka vijuar e ftohtë, pa asnjë shikim apo shtrëngim duarsh.
Në këtë ceremoni ka qenë i pranishëm edhe kreu i grupit parlamentar të PS, Taulant Balla, së bashku me kreun e Kuvendit Gramoz Ruçi. Por ndryshe nga socialistët e tjerë, Meta është takuar 'kokë më kokë' me Kreun e Kuvendit Gramoz Ruçi. Presidenti ka bërë edhe një reagim në rrjetet sociale në lidhje me këtë event të organizuar nga Ambasada Gjermane, ku ka shpërndarë edhe disa foto nga eventi. Presidenti është kujdesur që në foto në asnjë vend të mos duket kryeministri Rama, ndërkohë me Ruçin ka postuar një foto ku shihen bashkë.
Pas nismës së kuvendit për shkarkimin e tij si shkelës i rëndë i kushtetutës, Ilir Meta ka hedhur edhe publikisht akuza të rënda në drejtim të qeverisë, duke e quajtur “shtet të propagandës dhe PPP-ve”.
"Kënaqësi të merrja pjesë sot në pritjen e organizuar nga Ambasada Gjermane në Tiranë, me rastin e 3 tetorit, Ditës së Bashkimit të Gjermanisë dhe t'i shprehja ambasadorit Peter Zingraf urimet më të ngrohta e të përzemërta për popullin mik gjerman. Shqipëria do vijojë të mbështetet fort në Gjermaninë mike dhe partnere strategjike.
Mirënjohje të thellë për kontributin e çmuar, të gjithanshëm dhe të përhershëm që Gjermania i ka dhënë Shqipërisë në procesin e integrimit europian, konsolidimin e shtetit të së drejtës dhe reformave demokratike!" ka shkruar Meta krahas fotove të publikuara.
Aktivitet e “Tetorit Gjerman” do të vijojnë gjatë të gjithë muajit me shtrirje kulturore, artistike, sociale dhe politike. Tetori Gjerman është shndërruar tanimë në një eveniment të për vjetshëm në jetën kulturore të Shqipërisë dhe gëzon një efekt të qartë identifikimi si i tillë. Ai simbolizon angazhimin e madh të Gjermanisë në Shqipëri dhe marrëdhëniet intensive gjermano-shqiptare.
Lajme të tjera
-
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58
