VIDEO
“Ne në Kosovë nuk do të lejojmë që historia jonë të rishkruhet për të turbulluar dallimin në mes të shtypësit dhe të shtypurit. Ne do të mbrojmë trashëgiminë e luftës sonë, lirinë e Kosovës dhe pavarësinë tonë. Nuk ka kosovarë, përfshirë këtu edhe veten time, i cili do të qëndrojë duarkryq dhe të lejojë që gjykata jonë speciale të barazojë veprimet gjenocidale të Sllobodan Millosheviqit, ish-Presidentit të Serbisë, me veprimet e dëshpëruara e kriminale të individëve të komunitetit të shtypur, të kryera gjatë ose pas luftës. Lufta e Serbisë kundër Kosovës është bërë me përfshirjen e ushtrisë, policisë dhe njësiteve paraushtarake dhe është mbështetur edhe nga intelektualët serbë. Thjesht dhe qartë kjo luftë e Serbisë ishte një fashizëm i pastër”, tha Thaçi në KS të OKB-së.
Ndërkaq kërkesa e Kosovës për t’u anëtarësuar në UNESCO ka shkaktuar replika mes dy ministrave të jashtëm të Kosovës e Serbisë, veçanërisht pas lobimit të Ivica Daçiç për ta penguar këtë proces.
“Përpjekjet e Kosovës për t’u anëtarësuar në organizatat ndërkombëtare, janë të papranueshme për Serbinë. Të mos harrojmë se rezoluta 1244 e OKB-së nuk e njeh Kosovën si shtet. Nëse injorojmë këtë rezolutë, injorojmë vetë Kombet e Bashkuara”, ka thënë Daçiç.
Zëvendëskryeministri i Serbisë deklaroi se nga viti 1999 deri më sot, 236 kisha, manastire dhe objekte të tjera kulti, janë bërë pjesë e sulmeve të ndryshme në Kosovë.
Gjatë mbledhjes, zëvendëskryeministri i Kosovës, Hashim Thaçi u ka bërë thirrje anëtarëve të OKB-së që të mbështesin peticionin e nënshkruar nga më shumë se 150,000 qytetarë për drejtësi për gratë e përdhunuara gjatë luftës.
Zëvendëskryeministri ftoi vendet e Bashkimit Evropian që të nënshkruajnë Marrëveshjen e Stabilizim Asociimit me Kosovën në muajin shtator duke theksuar se izolimi i Kosovës nuk i shërben aspak procesit të integrimit.
Nga ana tjetër Thaçi shtoi se qeveria në Prishtinë ka marrë masa të fuqishme për të ulur numrin e emigrantëve dhe azilkërkuesve kosovarë. Thaçi nuk kurseu as ironinë ndaj homologut të tij serb duke i thënë se meqë ka lindur në Prizren mund të aplikojë për të marrë pasaportën e Kosovës pasi lejohet dyshtetësia.
Redaksia Online
(a.h/shqiptarja.com)
Lajme të tjera
-
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
