Tha se nuk heton mbi bazën e deklaratave publike, Rama-Krajës: Pse SPAK s'ka lëvizur gishtin për kampionët e korrupsionit në drejtësi?

Kryeministri Edi Rama i ka kthyer menjëherë reagimit që Arben Kraja ka bërë, duke thënë se SPAK nuk nis hetimet mbi baza të deklaratave politike. Rama i kërkon llogari duke thënë se përse nuk ka reaguar aq rrufeshëm për të vënë në pranga 'kampionët e korrupsionit në drejtësi'.

"Unë nuk i heq asnjë presje asaj që deklarova sot dhe nuk mjafton që SPAKU të thotë se e paska pushuar çështjen, pasi faktikisht e mori peng gjykatësin në fjalë pa asnjë arsye në botë, duke i shkuar praktikisht pas avazit Armikut NR.1 të Reformës në Drejtësi, Ilir Metës! 

LEXO EDHE:
Ishte e regjistruar në emër të nënës, GJKKO i kthen makinën e sekuestruar Klea Gjatës, të dashurës së Laert Haxhiut

Po meqë ka marrë përsipër të sqarohet publikisht, SPAKU do të duhej të sqaronte pse reagoi rrufeshëm, për një kallëzim absurd për një vepër penale imagjinare të njeriut të shpallur nga DASH kampion i antikorrupsionit,ndërkohë që për kampionët e korrupsionit në drejtësi s'ka lëvizur ende gishtin!

SPAKU ka pasur, ka dhe do të ketë mbështetjen tonë të palëkundur, por Shqipëria e shqiptarët meritojnë një drejtësi të drejtë, të gjithanshme e të guximshme dhe e meritojnë atë pa humbur kohë e pa shmangur peshkaqenët me nam botëror të pushtetit gjyqësor apo politik", shkruan Rama.

Lajmi kryesor:

Arben Kraja: Punojmë me kallëzime, jo deklarata politike! Çështja e Dvoranit, e pushuar me kohë! I përgjigjet Rama: SPAK i shkoi pas avazit armikut nr.1 të drejtësisë, Metës

B.K./J.GJ./Shqiptarja.com

TAG:
• spak
• edi rama
• ardian dvorani
• Ilir Meta
• arben kraja