PRISHTINË, 7 Qershor /ATSH/.- Zëvendëskryeministri i parë, njëherësh ministër i Punëve të Jashtme të Republikës së Kosovës, Hashim Thaçi, ka udhëtuar për në Paris, ku do të pritet nga homologu i tij francez, Laurent Fabius.
Njoftimi i MPJ-së kosovare dërguar nga Parisi bën të ditur se, në takimin me ministrin e Jashtëm të Francës, Fabius, zëvendësministri Thaçi do të diskutojë për thellimin e marrëdhënieve mes Kosovës dhe Francës, për mbështetjen franceze dhënë nënshkrimit sa më të shpejtë të MSA-së, për liberalizimin e vizave për qytetarët e Kosovës dhe për anëtarësimin e Kosovës në UNESCO.
Zëvendëskryministri Thaçi do të takohet edhe me përfaqësuesin e qeverisë franceze për marrëdhëniet ekonomike Francë-Ballkan, Alain Richard, me të cilin do të diskutojë për nxitjen më të madhe të investimeve nga biznesmenët francezë në të gjithë sektorët ekonomikë në Kosovë. Ndërsa, në kuadër të përpjekjeve të intensifikuara për anëtarësimin e Kosovës në UNESCO, zëvendëskryeministri Thaçi do të takojë edhe shumicën e ambasadorëve të shteteve anëtare të UNESCO-s, duke përfshirë ata të Gjermanisë, Turqisë, Austrisë, Holandës, Katarit, El Salvadorit dhe Shqipërisë, prej të cilëve do të kërkojë përkrahje përmes lobimit për pranimin e Kosovës në UNESCO./b.j/ /a.g/
Lajme të tjera
-
Serbia intensifikon lobimin e saj në Perëndim
28 Korrik 2023, 16:56 -
Skandali i lobimit të Katarit në PE, zv. Presidentja jep dëshminë: I kërkova tim ati të merrte paratë nga shtëpia ime, nuk ishin të mijat
16 Dhjetor 2022, 21:26 -
Deputetët francezë kërkojnë komision hetimor për financimet ruse në politikë, akuzojnë partinë e Le Pen
24 Shtator 2022, 17:23 -
Dosja e SPAK, Petrit Vasili firmosi kontratat e lobimit të Metës me para të dyshimta, nuk u deklaruan në KQZ dhe ILDKP! Rrezikon të merret i pandehur
11 Korrik 2022, 16:26
-
Ato ditë kur presidenti ngjizte lobing me 700 mijë dollarë
22 Qershor 2022, 09:58
-
Gazetarja Xharra: Politikanët kanë paguar për lobimin e tkurrjes së Kosovës
8 Qershor 2020, 23:00
