POP 5

Lajmet më të lexuara të 5 minutave të fundit

‘Tingujt e kujtesës’, përshpirtje për viktimat në diktaturë, pianistja Dakoli dhe sopranoja Katroshi kujtojnë të afërmit e vrarë! Andrea: Përballja me të shkuarën e domosdoshme

Me historitë personale të vrasjes së gjyshërve në kohën e diktaturës artistet Elida Dakoli e sopranoja Alisa Kaltroshi, kthehen për të ndërgjegjësuar përmes “Tingujve të Kujtesës”. Aktorja Ema Andra, bëhet zëri i atyre që s’mund të rrëfejnë çka ndodhur.

Me historitë personale që mbeten në udhëkryq, për të parët që nuk kanë ende një vend që të prehen, tri artiste gra kujtojnë viktimat e komunizmit…

“Nuk është e lehtë të përballesh me të shkuarën, por është e domosdoshme, për të mos i dënuar ato viktima për të dytën herë me harresë”, thotë aktorja Ema Andrea.

Në Qendrën Kulturore të Katedrales Ortodokse, pianistja Elida Dakoli me dy gjyshërit e vrarë në diktaturë, e sopranoja Alisa Katroshi stëmbesë e Mit’hat Vorpsit të zhdukur pa gjurmë në ’51-shin, trokasin në përvuajtjet e komunizmit përmes “Tingujve të kujtesës”.

“Im atë, xhaxhai im, më kanë treguar histori të ndryshme, tepër të dhimbshme që më kanë prekur shumë, por edhe më kanë nxitur që unë të bëj më shumë për viktimat e komunizmit, për familjen time, sepse sot unë e kam mundësinë”, thotë pianistja Dakoli. 

“Dua t’ia dedikoj këtë mbrëmje mamasë sime që prej diktaturës ajo nuk arriti të ndiqte dot ëndrrën e saj që të bëhej balerinë, por vajza e saj sot ia doli jo vetëm në Shqipëri por edhe në EVropë”, thotë sopranoja Katroshi.

Ndërsa aktorja Ema Andrea edhe kësaj here bëhet zëri i atyre që nuk munden më të rrëfejnë se ç’pësuan në gjysmë shekulli diktaturë, si poeti Havzi Nela.

Koncerti memorial për viktimat e komunizmit i mbajtur nga Fondacionet Kujto dhe Konrad Adenauer, i ngjan një përshpirtje, ku arti është gjuha e komunikimit që kujton të mos harrojmë ç’ka ndodhur, për të gjetur mekanizma demokracie për të ndërtuar të ardhmen.

“Raporti që krijuam dhe mbajtëm me regjimin komunist dhe krimet e tij nuk është thjesht një nga gjërat që nuk bëmë mirë në këto 30 vjet liri. Në lidhje me zbardhjen, dënimin dhe kujtesën e krimeve të komunizmit, në thelb ne nuk kemi bërë pothuajse asgjë krahasuar me pritshmëritë” thotë Agron Shehaj themeluesi i Fondacionit Kujto.

“Ndarja e përvojës sonë gjermane në përballjen më të kaluarën dhe angazhimi me ish të përndjekurit politik këtu është një fushat kryesore me të cilat merret Fondacioni Konrad Adenauer”, thotë Tobias Rüttershoff, drejtor i zyrës për Shqipërinë i fondacionit Konrad Adenauer.

Dakoli sot një pianiste e njohur në Amerikë, ndërsa emri i Katroshit po lë gjurmë ne skenat Evropiane, të dyja i përbashkojnë rrënjët, e jo vetëm që përçojnë muzikën shqiptare përtej kufijve, por rikthehen me kontribute e mesazhe të forta.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56