Tirana në përgatitje për Samitin e Procesit të Berlinit, Bashkia në terren për detajet e fundit

Tirana po bën përgatitjet e fundit për të pritur Samitin e Procesit të Berlinit, një ngjarje e rëndësishme ku do të marrin pjesë liderët e vendeve të Ballkanit, të shteteve anëtare të Bashkimit Europian dhe përfaqësuesit më të lartë të BE-së.

Bashkia e kryeqytetit ka nisur një fushatë intensifikimi për pastrimin e grafitëve dhe rregullimin e pikave hyrëse të qytetit. Përveç sheshit “Nënë Tereza”, dhe pikave hyrese të qytetit, punëtorët po punojnë për të siguruar që gjithçka të jetë në perfeksion për këtë event të madh.

Ky është një prej eventeve më të mëdhenj për Tiranën në 30 vite, për të shfaqur progresin, por dhe pritjen e saj të ngrohtë ndaj liderëve të rajonit dhe të BE-së. Samiti i Procesit të Berlinit do të jetë një mundësi për të promovuar bashkëpunimin rajonal dhe perspektivën e anëtarësimit të Ballkanit në BE.

Lajmi kryesor:

Nesër Samiti i Procesit të Berlinit, mbi 2000 efektivë ‘fortifikojnë’ Tiranën! Rrugët që do të bllokohen nga sot

SI.E./Shqiptarja.com

TAG:
• samiti i berlinit ne tirane
• samiti i berlinit