POP 5

Lajmet më të lexuara të 5 minutave të fundit

Sociale

Tiranë/ 10 foshnje erdhën në jetë gjatë natës, duke u gdhirë 1 janari 2025! Koçiu u jep bonusin

10 foshnje kanë lindur në të dy maternitetet në Tiranë, gjatë natës duke u gdhirë 1 janari 2025. Ministrja e Shëndetësisë dhe Mbrojtjes Sociale, Albana Koçiu  vizitoi sot nënat dhe të porsalindurit që kanë ardhur në jetë në Maternitetin “Mbretëresha Geraldinë” dhe “Koço Gliozheni”.

Tiranë/ 10 foshnje erdhën në jetë gjatë natës, duke u gdhirë 1 janari 2025! Koçiu u jep bonusin

Femijet e lindur në orët e para të 1 janarit 2025

Tirane- 10 foshnje kanë lindur në të dy maternitetet në Tiranë, gjatë natës duke u gdhirë 1 janari 2025. Ministrja e Shëndetësisë dhe Mbrojtjes Sociale, Albana Koçiu  vizitoi sot nënat dhe të porsalindurit që kanë ardhur në jetë në Maternitetin “Mbretëresha Geraldinë” dhe “Koço Gliozheni”.

Ares dhe Rajd ishin dy binjakët që që lindën shëndosh e mirë në maternitetin “Mbretëresha Geraldinë” sapo akrepat e orës shënuan 12:00. Po në këtë maternitet pas mesnate kanë lindur edhe 6 foshnje të tjera të cilët gëzojnë shëndet të plotë.

Ndërsa në maternitetin “Koço Gliozheni” ku në natën e Vitit të Ri kanë ardhur në jetë 2 foshnje.

Ministrja e Shëndetësisë dhe Mbrojtjes Sociale, Albana Koçiu falënderoi stafin e mjekëve dhe infermierëve që ishin në shërbim të nënave dhe fëmijëve në natën e ndërrimit të viteve dhe në ditët e para të Vitit të Ri.

Prej vitit 2019, qeveria dhe MSHMS vijojnë të mbështesin programin e bonusit të bebes të cilin e kanë përfituar rreth 227 mijë familje që kanë sjellë në jetë fëmijët e tyre.
Nga 1 Janari deri në Nëntor 2024 e kanë përfituar bonusin e bebes 24061 të porsalindur.

Bonusi i bebes përfitohet vetëm nga familjet që jetojnë e kontribuojnë në Shqipëri duke mbështetur në masën 40 000 lekë për lindjen e foshnjës së parë; 80 000 lekë për fëmijën e dytë, 120 000 lekë për lindjen e foshnjës së tretë.

Edhe në buxhetin e vitit 2025, për Programin e Bonusit të Bebes është akorduar një fond prej 2.2 miliardë lekësh, duke mbështetur familjet që në hapat e parë të saj.

S.G/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Nuk do shkojë në burg, por Trump do dënohet! Gjykatësi shpall vendimin më 10 janar

Nuk do shkojë në burg, por Trump do dënohet! Gjykatësi shpall vendimin më 10 janar

4 Janar, 07:22