Një i ri është arrestuar pasi ka plagosur me thikë në këmbë ish të fejuarën e tij.

Vajza është dërguar menjëherë në Qendrën Spitalore Universitare dhe ndodhet jashtë rrezikut për jetën.

Ngjarja ka ndodhur në afërsi të shkollës Bajram Curri.

Policia
Parandalohet një ngjarje e rëndë kriminale.

Efektivët e Komisariatit të Policisë Nr 4, pas informacionit të marrë dhe reagimit në kohë kanë bërë të mundur parandalimin e një ngjarjeje të rëndë kriminale në afërsi të Shkollës "Bajram Curri". 

Si rezultat i ndërhyrjes në kohë u kap në flagrancë shtetasi Altin M., i cili ka goditur me thikë në këmbë, ish të fejuarën e tij shtetasen A. N., e cila u dërgua në SQU dhe ndodhet jashtë rrezikut për jetën.

Grupi hetimor po punon për sqarimin e plotë të rrethanave të ngjarjes.

Redaksia Online
Al.N/Shqiptarja.com