Tragjedia e 9 janarit zor se shuhet ne kujtesën e shqiptarëve. Edhe sot pas 15 vitesh nga tragjedia në Vlorë, ku gjeten vdekjen 20 persona, familjarët e tyre ende i kanë të freskëta çastet e ankthit. Kjo ditë përkujtohet cdo vit nga familjarët e tw humburve. Ngjarja e rëndë ndodhi në 9 janar të vitit 2004, ku 20 persona u gjetën të mbytur pasi udhëtonin me një gomone të nisur nga Porti i Vlorës, ndërsa 8 të tjerë edhe sot rezultojnë të zhdukur. Në këtë tragjedi humbën edhe persona nga Shkodra të moshës 15 deri në 33 vjeç.
Në mesin e tyre në udhëtimin e shpresës për një jetë më të mirë ishte edhe Ardjan Xhilaj nga Golemi i Shkodrës, i cili u zhduk edhe ai pasditen e 9 janarit. Ardjani bën pjesë në bilancin e kësaj tragjedie tek personat që sot rezultojnë të humbur, për të cilët nuk u gjet asnjë gjurmë. Me kërkesë të familjes së Ardjanit, kthejmë në vëmendje këtë tragjedi, pasi familjarët kanë ende një shpresë, që sikundër thuhet vdes e fundit. Ardjani kishte jetuar edhe më parë në Itali, vend në të cilin ka shkuar në të njëjtën mënyrë, me gomone. Atje ai ka bashkëjetuar me një shtetase ruse për afro 2 vite. Ajo që mban një fije shprese ende lidhur familjarët me këtë ngjarje, ka të bëjë me faktin se, atë natë kanë folur në telefon me Ardjanin.
Ai u ka pohuar se ka dallgë në det dhe ishin rrugës drejt Italisë. Disa orë më pas familjarët morën vesh lajmin e kobshëm. Një muaj më pas, kur Ardjani rezultoi në skedën e personave, për të cilët nuk u mësua asgjë, dikush merr në telefon me një numër anonim nënën, së cilës i thotë se ishte një shok i Ardjanit. Kaq dhe asgjë më shumë. Telefoni mbyllet. 9 muaj kaluan dhe zilja me numrin e telefonit të Ardjanit binte ende, por nuk e përgjigjej askush. Shtohen dyshimet tek familjarët, ndërsa Ardjani vijonte të ishte ende një person i zhdukur. Familjarët hidhnin para në telefon dhe ai rimbushej. Nga këto fakte familja beson ende se Ardjani një 31-vjecar në atë kohë, mund të jetë gjallë…
Lajme të tjera
-
26 vite nga tragjedia e Otrantos, familjarët e viktimave jetojnë me dhimbje: Nuk na thanë që po iknin! 23 viktima pa varr
28 Mars 2023, 11:52
-
25 vite nga tragjedia e Otrantos, plagët e familjarëve të 81 viktimave ende të hapura! 23 viktima ende pa varr
28 Mars 2022, 10:27 -
25 vjet nga tragjedia e Otrantos/ Beteja e pambaruar me drejtësinë italiane të familjarëve të 24 të humburve në fund të detit Adriatik
27 Mars 2022, 19:11
-
Rama në Itali: Më shumë prezencë të universiteteve italiane te ne! Studentët s’do largohen nga atdheu! Kam folur me Mitsotakis për krijimin e një qendre të përbashkët me Greqinë për të përballuar zjarret
4 Shtator 2021, 07:30 -
Sot 24 vite nga Tragjedia e Otrantos, humbën jetën 81 persona, shumica gra e fëmijë
28 Mars 2021, 08:09 -
Gjonaj vizitë pune në Itali, kujton tragjedinë e Otrantos
3 Shtator 2020, 16:44 -
Detaje të reja nga tragjedia e Bulqizës/ Në dhomën tjetër të tre viktimave u gjet një shishe pesticidesh
16 Shkurt 2020, 14:48
