POP 5

Lajmet më të lexuara të 5 minutave të fundit

Kronikë

Tragjedia nga tërmeti/ Inxhinieri në Repolitix: 14 pallate të pabanueshme në Durrës, 9 që u shembën ishin jashtë standardeve (VIDEO)

Inxhinieri Arben Meçe i ftuar në studion e emisionit 'Repolitix' në Report Tv u shpreh se në Durrës së bsahku me grupin e punës që ka qenë i pranishëm ka nxjerrë 14 pallate të pabanueshme.

TIRANE-Inxhinieri Arben Meçe i ftuar në studion e emisionit 'Repolitix' në Report Tv u shpreh se në Durrës së bashku me grupin e punës që ka qenë i pranishëm në terren ka nxjerrë 14 pallate të pabanueshme. Ai tha se të gjitha pallatet që janë nxjerrë të pabanueshme nuk kanë dëmtime në konstruksion, por vetëm të mureve. Ndërsa përsa i përket atyre që janë shembur, inxhinieri theksoi se 9 objektet kanë qenë të ndërtuara jashtë standardit.

"Tërmeti nuk ishte fatal, pasi nuk kishte asnjë nga objektet me dëme konstruktive. Unë isha në një zonë, me grupet e terrenit, bëmë inspektim në terren për të bllokuar ato ndërtime që rrezikonin jetën e njerëzve.

Ne bllokuam futjen e njerëzve që rrezikonin jo të shembeshin, por në rastin e një lëkundje njerëzit do i zinin brenda. Unë kam nxjerrë 14 pallate te pabanueshme në rajonin nr. 3 në Durrës dhe të 14 asnjëri prej tyre nuk kishte probleme konstruktive dhe asnjë në gjithë Durrësin, por të zbatimit të strukturës të rifiniturës të mureve.

Pallatet ishin nga 9-13 kate. Prova e 6.4 ballë klasifikohet i rëndë por jo për konstruksionin. Nga Tërbufi deri në Tiranë ka vetëm 9 objekte të rrëzuara. Këto ranë pasi janë ndërtuar jashtë standardit, jashtë kontrollit shtetëror, që ne i themi legalizim tani. 300-500 mijë objekte janë jashtë kontrollit sizmik" deklaroi ai.

Inxhinieri kishte edhe disa këshilla për qytetarët në momentin e rënies së tërmetit. "Nga Tirana në Kurbin nuk ka asnjë ndërtim të ri të dëmtuar. 90% e personave të dëmtuar në spital janë si pasojë e momentit të parë, alertit. Ne jemi në lëvizje dhe nuk kuptojmë. nga 10-30 sekonda duhet të rrimë në shtëpi të futemi poshtë tavolinës, thotë japonezi.

Afrohu te kolona apo trau. Pasi të bjerë vala tërmetit dil jashtë. Zona e plazhit është më delikate, pasi është informale dhe me shumë kate. Objektet që kanë rënë kanë rënë për këtë arsye, se është nisur me kolona për një apo dy kate dhe është ngritur më shumë. Në zonën më informale të Shqipërisë nga Laçi në Tiranë, përfshirë Kënetën nuk ke një ndërtim" tha ai.

Sizmologu Edmond Dushi i ftuar në Repolitix tha se tërmeti ka zgjatur 20-25 sekonda, "ishte 8-9 ballë në epiqendër dhe me përshkallëzim në distancën ndryshon më pas. Por e kemi përcaktuar si 8 ballë" tha ai.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • MAKS VELO: 27/11/2019 02:14

    ME DUKET SIKUR NE E KEMI NGARKUAR KETE TERITORIN TONE ME NDERTIME PALLATE TE SHUMTA NE NJE ZONE TE NGUSHTE,, PA PLAN,E RREGULL,PA HAPSIRA TE MJAFTUESHME NGA NJERI -TJETRI,,,DHE ME DUKET SIKUR ZOTI MEZI PO E MBANTE KETE PESHE NE KURRIZ DHE VENDOSI TA SHKARKOJE PERDHE,,,ASHTU SIC BEN KALI APO GOMARI KUR NGARKOHEN SHUME,,..IA KEMI BERE VETES,,SEPSE JEMI TREGUAR TE PAAFTE TE MENAXHOJME TERITORIT SIC BEJNE FQINJET TANE...

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Kush është gruaja e fshehur në Vjenë, që di gjithçka për aferat e Metës: I duhej një dëshmi force për t’u mbyllur gojën dëshmitarëve

Kush është gruaja e fshehur në Vjenë, që di gjithçka për aferat e Metës: I duhej një dëshmi force për t’u mbyllur gojën dëshmitarëve

19 Prill, 10:51