Tunele poshtë sheshit ‘Skënderbej’? Veliaj për premtimin e Këlliçit: Idetë kemi vite që i eksplorojmë! Sheshi është 5 kate nëntokë

 

Kryetari i Bashkisë së Tiranës, Erion Veliaj ka treguar se ideja e Belind Këlliçit për të bërë tunele nëntokë nuk realizohet. Sipas tij kanë vitë që eksplorojnë çdo gjë dhe është e pamundur të bëhet. Ndërkohë tregon planin e PS për të bërë njerëzit që të lënë makinat për të ulur trafikun.

“Sheshi Skënderbej është 5 kate nëntokë. Të gjitha idetë kemi vite që i eksplorojmë. Për shpirt do i bëja vetë falas. Nuk ka asnjë vend të botës që njerëzit prej autobusit të lënë njerëzit makinën. Në Itali dështoi me sukses. Po do të vjedhësh diçka, vidhe tamam të plotë. Në të gjitha qytetet, lëvizja ekspres bën njerëzit që të lënë makinën. Do të jetë Kinostudio-Kombinat që do të jetë e pandërprerë nga kthesat. Kemi një skuadër profesionistësh. Në qendër do kemi stacion tranzit pas Operas dhe do i publikojmë të gjitha piketimet. Terminali lindor ka mbaruar ndërkohë që fillojmë dhe terminalin perëndimor te kthesa e Kamzës. Nuk do të ketë stacione autobusi në qendër të qytetit. Në terminali kryesor do niset rrugëtimi i gjatë. Ne nuk e kemi luksin për të gënjyer. Ne e pamë Tiranën falas me torta e govata. Zgjati pak e na dëmtoi shumë”, tha Veliaj.

LEXO EDHE:
Dhunë në Këshillin Bashkiak të Tiranës, Tedi Blushi i hedh dosjen me letra Veliajt, grusht Halit Valterit! Reagon kryetari: Rrugaçi i fundit i Metës (VIDEO)

Lajmi kryesor:

Transport falas në Tiranë? Veliaj: Pse s'e bëjnë në Shkodër, e kanë vetë në dorë! Berisha-Meta, rrena të reja dhe të vjetra! Këlliçi, kukulla e radhës

/KT/Shqiptarja.com

TAG:
• bashkia tirane
• erion veliaj
• Tirane
• zgjedhjet vendore 2023
• kulla