Transport falas në Tiranë? Veliaj: Pse s'e bëjnë në Shkodër, e kanë vetë në dorë! Berisha-Meta, rrena të reja dhe të vjetra! Këlliçi, kukulla e radhës

Erion Veliaj ka ironizuar kandidatët për zgjedhjet e 14 majit duke thënë se shumica janë të majtë që hiqen si të djathtë. Sipas Veliajt, nuk merret me ata që i quan ‘pjellat e PD’ se janë humbje kohe.   

“Poshtërimi që iu bë Berishës është mungesë etike. Si mund të kishte stadiumi më shumë njerëz për Ilir Metën. Bëhet burri lolo për të shpëtuar hallin e vet. Thonë halli ynë u bëftë i të gjithëve. Ne themi hallet u bëfshin zgjidhje. Këtu e majta është forcë dominuese. PS ka dhe një këshill të vetëm, ne s’kemi kompleks për drejtuesit.

Ti ke sot kandidat komunist, marksist, shumicat e kandidatëve janë të majtë e hiqen si të djathtë. Vendi dominohet nga e majta. Unë dua të avancoj kauzat e majta, është gëzim kur kërcejnë nga e djathta e shkojnë në leninizëm. Kur thonë falas e falas, janë përtej Enverit. Kur sheh kandidatët që thonë liri demokraci, është fyerje për të përndjekurit. Në këtë situatë, të merresh me të gjithë pjellat e PD është humbje kohe. Ti pa fituar gjë e të ka hipur tangërlliku për t’u futur me autobus në stadium.

Nuk dua të them marrëzi që si besoj as vetë”, tha Veliaj.

Në intervistën për ‘Kontrast’ në Report Tv kryetari i Bashkisë së Tiranës Erion Veliaj akuzoi Belind Këlliçin se nuk flet më për projektin e pastrimit të ujërave të zeza për shkak se ia ka ndaluar Ilir Meta.

“Nuk flasin më për pikën e pastrimit të ujërave të zeza në Tiranë. Për atë projekt gjysma e Partisë së Ilir Metës është futur në burg. Mbaruan lekët e japonezëve para se të përfundonin punën. Dhe kur kukulla e radhës e mori vesh këtë nuk foli më.  E keni vërë re që nuk merren më me kullat? Patjetër! Se kur marrin fondet ua japin ndërtuesit kushti është që të mos flasin më. Familjarët e tyre janë projektues kullash. Një pjesë e tyre janë aksionerë në kulla”, tha Veliaj.

Kryetari i Bashkisë së Tiranës Erion Veliaj thotë se stadiumi ishte bosh kur foli Sali Berisha në hapjen e fushatës për shkak se aq sa kishin ardhur ishin aty për Ilir Metën dhe ata ikën.

“Në një moment Saliu kishte më shumë kandidatë sesa spektatorë. Dikur e quante ‘arena e korrupsionit’. Stadiumi ishte gjysmë dhe ajo gjysma ishte për Ilir Metën dhe kur ai mbaroi fjalimin të gjithë ikën dhe për Berishën më erdhi keq. Ai ka nevojë për ndihmë psikologjike.  Kemi shumë psikologë që mund të ndihmojnë në këtë rast”, tha Veliaj.

Erion Veliaj ka komentuar çështjen e ndërtimit të shkollave të reja duke thënë se nuk ka pllaka me 60 euro metri katror. sipas Veliajt, me të njëjtin standard si shkollat bëhen edhe pallatet ndaj sfidon se e lë punën nëse gjejnë pllaka me këtë çmim.

Për Sali Berishën shprehet se është e dhimbshme që një person që ka drejtuar vendin nuk e di si janë çmimet.

“Sot nuk gjen pllaka me 60 euro metri katror. nëse shkolla është 10 mijë metra katror, si Sami Frashëri, Vaçe Zela e Nënë Tereza, e lë punën sot po gjete pllaka me 60 euro metri katror. një njeri që ka drejtuar Shqipërinë nuk e di sa janë çmimet dhe kjo është e dhimbshme. Instalimet në shkollat do i bësh si pallatet. Një politikan që në 60 vite angazhim nuk di çmimet. Mjafton të shihje Saliun si i fliste karrigeve të kuqe e kupton që duhet adresuar mjekëve. Sa është metri katror i çmimeve në Tiranë, me aq ndërtohen nga shkollat.

Ngeli ta zbulojë Saliu ndërkohë që kemi 5 palë sy auditi e kontabilistësh që shohin çdo investim. Shkollat e BE janë më të shtrenjta. Nëse shkolla është në ambient rural dhe s’ka ashensor e punime nëntokë, në fshat shkon 350 euro metri katror. Me aq herë sa i kanë çuar shkollat në SPAK s’do isha me juve këtu. Monika Kryemadhi shkonte në SPAK për Sami Frashërin. Të shohësh gruan që varet te tela përdit, po mirë ju vjen turp. Unë jap llogari në SPAK e kudo, po duhet mbajtur dhe një përgjegjësi”, tha Veliaj.

Kryetari i Bashkisë së Tiranës, Erion Veliaj ka treguar se ideja e Belind Këlliçit për të bërë tunele nëntokë nuk realizohet. Sipas tij kanë vitë që eksplorojnë çdo gjë dhe është e pamundur të bëhet. Ndërkohë tregon planin e PS për të bërë njerëzit që të lënë makinat për të ulur trafikun.

“Sheshi Skënderbej është 5 kate nëntokë. Të gjitha idetë kemi vite që i eksplorojmë. Për shpirt do i bëja vetë falas. Nuk ka asnjë vend të botës që njerëzit prej autobusit të lënë njerëzit makinën. Në Itali dështoi me sukses. Po do të vjedhësh diçka, vidhe tamam të plotë. Në të gjitha qytetet, lëvizja ekspres bën njerëzit që të lënë makinën. Do të jetë Kinostudio-Kombinat që do të jetë e pandërprerë nga kthesat. Kemi një skuadër profesionistësh. Në qendër do kemi stacion tranzit pas Operas dhe do i publikojmë të gjitha piketimet. Terminali lindor ka mbaruar ndërkohë që fillojmë dhe terminalin perëndimor te kthesa e Kamzës. Nuk do të ketë stacione autobusi në qendër të qytetit. Në terminali kryesor do niset rrugëtimi i gjatë. Ne nuk e kemi luksin për të gënjyer. Ne e pamë Tiranën falas me torta e govata. Zgjati pak e na dëmtoi shumë”, tha Veliaj.

Kryetari i Bashkisë së Tiranës, Erion Veliaj thotë se Berisha dhe Meta e duan bashkinë e Tiranës vetëm sepse pretendojnë se kështu do të rrëzojnë Edi Ramën.

“Beteja për transformimin e Tiranës se ku do të gjejmë terren për të vazhduar punën. Ndërsa problem i tyre është tjetër. Kam dëgjuar që thonë se ta marrim bashkinë për të rrëzuar Ramën. Tirana ia ka parë qarin bashkëpunimit me Edi Ramën. Ajo që na rezulton është që këta bllokonin çdo projekt kur kishin konflikt me Bashkinë e Tiranës”,  tha Veliaj në ‘Kontrast’ në Report Tv.

I pyetur për shkollat në Kryeqytet Veliaj tha se që nga çlirimi i Shqipërisë nuk është bërë kurrë
“një buqetë kaq e madhe shkollash”.  

“Për një vit ne do të mbyllim këto të lotit të fundit. Sot kemi dy shkolla me emra të kolegëve tuaj ‘Ardian Klosi’ dhe ‘Andrea Stefani’. Dhe të gjithë nxënësit që shkojnë në këto dy shkolla më parë shkonin në shkolla të tjera dhe ngarkesa është më e vogël”, tha Veliaj.