TV Bafta 2015, triumfojnë
komedianët britanikë Ant & Dec

Edicioni i 60-të I ndarjes  së çmimeve  britanike "Bafta" për televizionin ka kulmuar me fitoren në kategoritë përkatëse të Ant & Dec, Sherlock, Jon Snow, Georgina Campbell etj.

Eventi u mbajt në teatrin e Londrës “Drury Lane”, ku yjet botërorë të televizionit britanik kanë “sfiluar” me veshjet e tyre në tapetin e kuq.

Dyshja e komedianëve, Anthony McPartlin dhe Declan Donnelly  janë bërë të njohur si aktorë të prodhimeve kinematografike për fëmijë si dhe me performancën e tyre në emisionin Ant & Dec - Ant & Dec's Saturday Night Takeaway.

Aktorët  kanë qenë të shoqëruar në ndarjen e këtyre çmimeve nga partneret e tyre.

Ndërkohë në kategorinë aktori më i mirë është shpallur fitues aktori Jason Watkins nga seriali britanik “The Lost Honour of Christopher Jefferies”, ndërsa Georgina Campbell  ka rrëmbyer çmimin Bafta si aktorja më e mirë nëpërmjet serialit “Murdered By My Boyfriend”.
 









Redaksia Online
(xh.k/shqiptarja.com)