POP 5

Lajmet më të lexuara të 5 minutave të fundit

Receta

Të gatuajmë me zonjën Vjollca/ Pite me djathë, kos e vezë dhe pulë me patate e speca

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Pite me djathë, kos dhe vezë

Përbërësit:

1 pako peta

400 gr djathë i bardhë

1 gotë kos

1 gotë ujë i gazuar

1 filxhan çaji vaj

Kripë

4 vezë

1 vezë për lyerjen e pites

Përgatitja:

Fillimisht përgatisim mbushjen. Në një tas vendosim djathin të thërrmuar mirë, shtojmë kosin, ujin e gazuar, katër vezët, kripë dhe piper të zi, vajin dhe i përziejmë mirë të gjithë përbërësit derisa të formohet një masë e lëngshme.

Lyejmë me vaj një tavë të thellë. Vendosim 4-5 peta poshtë dhe i mbledhim duke i rrudhur, i lagim mirë me mbushjen e përgatitur. Kështu vazhdojmë me të gjitha petët duke i mbledhur dhe lagur me mbushjen e përgatitur derisa të mbushet tepsia.

Ruajmë dy peta për ti vendosur në fund për mbulesë. E presim piten në racione katrore. Rrahim një vezë dhe e lyejmë sipërfaqen e pites me të. E vendosim tepsinë në furrë, në temperaturë 200 gradë Celsius, për 30-35 minuta.

Pulë me patate dhe speca

Përbërësit:

600 gr mish pule me kocka

1 qepë e vogël

2 thelpi hudhra

2 speca të kuq

1 lugë gjelle salcë domate

1 lugë çaji piper i kuq

Spec pikant (nëse dëshironi)

600 gr patate

Kripë dhe piper i zi

1 lugë gjelle erëza të thata

2 lugë gjelle majdanoz i grirë

1 gjethe dafinë

Përgatitja:

Në një tigan të thellë ngrohim vajin dhe skuqim lehtë copat e pulës duke i zverdhur pak ato. Largojmë copat e pulës dhe në të njëjtën yndyrë kaurdisim qepën sa të zverdhet pak, më pas shtojmë hudhrën, specat e prerë në shirita dhe i kaurdisim për pak.

Më pas shtojmë edhe 1 lugë gjelle salcë domate, piper të kuq (spec ose piper pikant nëse dëshironi). I trazojmë së bashku duke shtuar patatet të prera në kubikë, sipas dëshirës suaj.

Shtojmë edhe copat e mishit, kripë dhe piper të zi, erëzat e thata, majdanozin e grirë imët si dhe një gjethe dafinë.

Shtojmë ujë deri në nivelin e patateve dhe e mbulojmë tiganin me kapak. E lëmë të ziejë për 35-40 minuta dhe e servirim të ngrohtë.

 

D.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

Gjendet trupi i rabinit të zhdukur Zvi Khogan, ministri izraelit i Mbrojtjes: Përgjegjësit e këtij akti kriminal të paguajnë për veprimet e tyre

24 Nëntor, 09:30