Të vetmet “shpërthime” që duhet të na interesojnë

Të vetmet “shpërthime” që duhet të na interesojnë

Është e çuditëshme se sa shumë kohë dhe dedikim i kushtojmë zhdukjes së urrejtjes dhe sa pak rezultate pozitive në këtë luftë arrijmë. Që në hapat e parë në familje, në shkollë të gjithë janë të përkushtuar të mësojnë se “për të sjellë paqen, duhet zhdukur urrejtja”. Edhe sot, në kohët e Inteligjencës Artificiale, nëse e pyet ChatGpt se si mund të përmirësohet bota, pika e parë që do të përgjigjet është: ”...Elimino urrejtjen, promovo paqen dhe jo dhunën...”

Sa energji janë shpenzuar për të fokusuar njerëzit se: ”Urrejtja lind nga paragjykime dhe injorancë dhe se duhet kërkuar të flitet me kë lëshon urrejtje në mënyrë konstruktive dhe të qetë. Por ama, nëse personi rezulton i palogjikshëm dhe i dhunshëm, është më mirë të shmangësh ndërveprimin e të kalosh gjetkë”.

Për fat të mirë Shqipëria nuk është një vend në luftë, edhe pse kemi kaluar ditë vërtetë të vështira edhe ne. E megjithatë “shpërthimet” njerëzore plot urrejtje janë në rend të ditës. “Shpertheu ky ndaj këtij”, “Shpërtheu kjo ndaj asaj...”. Nuk e di nëse ka vend tjetër që përdor të njëjtën fjalë për të ilustruar shqiptimin e urrejtjes ndaj njërit apo tjetrit me: Shpërthime!

Në kohë paqeje, ne kemi krijuar një tokë të minuar me shpërthime virtuale urrejtje, pa menduar aspak se çdo shpërthim, përvec atij pranveror të natyrës, sjell vetëm dëme dhe varfëri rreth e qark.

Pavarësisht se mund të rezultojnë spektakolare në moment të parë, pavarësisht se shfaqja e çdo urrejtjeje lë pa fjalë edhe më të përgatiturin me skena të realizimit të saj, në të vërtetë, vetëm zhdukja e urrejtjes dhe shmangia e njerëzve urryes përqark, është më i bukuri art.

Prandaj, këtë pranverë, le të lemë hapësirë sa më shumë vetëm për shpërthimin e luleve, gjetheve, gurgullimën e lumenjve e këngën e zogjve. Shpërthimet e urrejtjeve le t’i lëmë në vetminë e tyre, heshtja dhe indiferenca jonë i bën të dëgjohen fare pak. Ose aspak.

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?



×

Lajmi i fundit

Polarizimi politik në Ballkanin perëndimor dhe Europën lindore, studiuesit theksojnë rreziqet

Polarizimi politik në Ballkanin perëndimor dhe Europën lindore, studiuesit theksojnë rreziqet