POP 5

Lajmet më të lexuara të 5 minutave të fundit

Ekonomi

PAMJET/ Tym në TEC-et lundruese në Vlorë, ndizen për herë të parë pas dy vitesh! Do të testohen 72 orë, më pas pritet të nisë prodhimi i energjisë

Pas dy vitesh në Triportin e Vlorës janë ndezur për herë të parë termocentralet lundruese që do të testohen për 72 orë. Pak ditë më parë KESH hapi tenderin për të blerë 21 mijë tonë lëndë djegëse për të nisur prodhimin e energjisë nga TEC-et lundruese.

Janë ndezur për herë të parë pas dy vitesh termocentralet lundruese të vendosura në Triport në Vlorë. Report TV mëson që dy TEC-et do të kalojnë një provë 72-orëshe për të testuar prodhimin e energjisë përmes tyre. Pak ditë më parë Korporata Elektronergjetike hapi tenderin për të blerë 21 mijë tonë lëndë djegëse për të furnizuar termocentralet, në mënyrë që të nisë prodhimi i energjisë prej tyre.

Vënia në punë e gjeneratorëve termikë, vjen në pikun e sezonit veror, kur mungesa e reshjeve ka shtuar importet, pasi prodhimi vendas nuk mbulon me furnizim të gjithë konsumatorët. Edhe vetë KESH sqaronte se prodhimi nga TEC-et vjen në kushtet e mungesës së prodhimit, duke theksuar se ndezja e tyre do të bëhej vetëm në periudha sezonale kur nuk garantohet furnizim.

Pritshmëritë janë që pasi të nisë prodhimi i energjisë prej tyre të mbulohen deri 15% të nevojave të vendit për energji, ndërkohë kapaciteti i prodhimit është 110 megavat orë.

Për të prodhuar një megavat energji, TEC-et lundruese konsumojnë 229 kg lëndë djegëse, ndërsa kostoja e prodhimit përllogaritet mesatarisht 150-170 euro/ një megavat. Ndërsa çmimi i energjisë në bursë luhatet deri në 130 euro/megavati, kurse në momente piku deri në 400 euro, megavati.

Vetëm si rezultat i prodhimit të pamjaftueshëm për të furnizuar qytetarët me energji në kushtet kur mungojnë reshjet e shiut, KESH ka blerë nga muaji qershor kur nisi importet e para deri më tani 38.1 milionë euro energji elektrike.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nik: 17/08/2024 18:10

    Paq fare, ketej tymi i TEC-eve anedej nga jugu tym ashashi dhe thonë pastaj se s'ka turuzem elitar.

    Përgjigju
  • E verteta: 15/08/2024 18:42

    Ku shkon tymi i ketyre? Pyes per nje shokun tim qe ka shtepine aty afer.

    Përgjigju
  • Ervini: 15/08/2024 16:33

    Ci kenaqen turistet me tym nafte.

    Përgjigju
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56