Gjenerali i mirënjohur Nexhip Vinçani ka marrë dekoratën e lartë “Nderi i Kombit” (pas vdekjes). Lajmin e ka bërë me dije gjenerali Piro Ahmetaj, i cili shkruan se me propozimin dhe insistimin e Aleancës Kombëtare të Ushtarakëve të Shqipërisë, më në fund ai është zyrtarizuar “Nderi Kombit” (pas vdekjes).
Gjatë luftës, gjenerali Vinçani ka kryer funksione të larta, si Komandant Brigade, Drejtues Qarku, Zëvendës Komandant për çlirimin e Tiranës, etj. Mbas çlirimit, gjenerali ka shkëlqyer si Komandant Divizioni, Drejtor Drejtorie deri Zv/Shef i Shtabit të Përgjithshëm të FA.
Megjithë këto vlera të spikatura dhe kontribute në dobi të kombit, ai nuk i shpëtoi “shënjestrës” nga regjimi komunist i diktatorit Enver Hoxha. Kështu në 1958 u çmobilizua nga ushtria dhe për rreth 20 vjet u “degdis” në ndërmarrjet e bonifikimi në Fier, Lushnjë, etj.
Në Kongresin e parë të PKSH, Enver Hoxha filloi goditjen ndaj Nexhipit që ishte në postin e Zv / Shefit të Shtatmadhorisë, duke dyshuar se ai me Tahir Kadarenë e kishin shtyrë Gjin Markun që të nxiste Koci Xoxen për të folur rreth fajeve që rëndonin mbi Enverin, duke e bërë atë përgjegjësin kryesorë për lidhjen e Traktatit të Miqësisë me Jugosllavinë. Nexhip Vinçani, u burgos e u torturua në mënyrën më çnjerzore. Piro Ahmetaj e cilëson të “vonuar” dekorimin e tij megjithëse e çmon shumë të merituar.
Postimi i Pirro Ahmetajt:
Shumë i merituar dekorimi i Gjen Vinçanit. Te nderuar koleg dhe miq. Me propozimin dhe insistimin e Aleancës Kombëtare të Ushtarakëve të Shqipërisë, më në fund është zyrtarizuar “Nderi Kombit” (pas vdekjes) për Gjeneral Nexhip VINCANI.
Duke përfituar nga kjo ngarje por dhe në nderim të personaliteteve dhe bashkëudhëtarëve të ndjerë, Rrahman PARLLAKU dhe Naim MUHAJ, e konsideroj privilegj dhe “detyrim-amanet” të ndaj lajmin e mirë, bashkë me një përmbledhje rreth Gjeneral Vinçanin: Nuk është e lehtë të përshkruash jetën e çdo njeriu të zakonshëm, por është mision i pamundur të përmbledhesh në vetëm pak rreshta udhëtimin, përpjekjet, vuajtjet, zhgënjimet, modestinë dhe vlerat e një qytetari shëmbullor, një patrioti model, Gjenerali të talentuar dhe shtetari me integritet të spikatur si Nexhip Kareman Vinçani.
Pinjoll i një familje elitare, bashkë me babain Kareman Beu dhe 2 vëllezërit e Tij, kanë mbajtur peshë gjatë luftës nacional-çlirimtare në qarkun e Korçës dhe mbarë kombin. Gjatë luftës, ka kryer funksione të larta, si Komandant Brigade, Drejtues Qarku, Zëvendës Komandant për çlirimin e Tiranës, etj. Mbas çlirimit, Gjenerali ka shkëlqyer si Komandant Divizioni, Drejtor Drejtorie deri Zv/Shef i Shtabit të Përgjithshëm të FA.
Megjithë këto vlera të spikatura dhe kontribute në dobi të kombit, nuk i shpëtoi persekucionit nga regjimi komunist i E. Hoxhës. Kështu në 1958 u çmobilizua nga Ushtria dhe për rreth 20 vjet u ‘degdis” në ndërmarrjet e bonifikimi në Fier, Lushnjë, etj. Ndërsa edhe pse në pension pleqërie, mbas 11 muaj hetuesi, në 1982 u shpall “armik i popullit” dhe u internua në fshat të Gramshit ! Duke e parë kështu, edhe sigurisht “e vonuar”, e çmoj shumë të merituar dekorimin e Tij.
Në shtesë, përveç Gjeneralit të ndjerë, mendoj se kjo dekoratë u bën edhe më shumë nder vajzave, nipërve, mbesave, familjarëve të Tij si dhe kolegëve ushtarak që kanë shërbyer apo vijojnë të kontribuojnë me vetëmohim shëmbullor në dobi të kombit dhe shoqërisë.
Lajme të tjera
-
4 Prilli, data që i bën nder anëtarësimit të Shqipërisë në NATO!
4 Prill 2023, 10:46
-
Rikthim i frikshëm i tankeve Ruse dhe i skenarëve destabilizues në rajon!
27 Shtator 2021, 16:13
-
Ish-këshilltari i Bashës: Fundi pa lavdi i PD së kanakarit të Berishës
24 Shtator 2021, 15:15
-
Ish-këshilltari i Bashës: I neveritur nga kryetari i 'ish' PD! Ka humbur 8 vite në mënyrë turpëruese dhe ka përdhosur besimin e shqiptarëve
11 Shtator 2021, 13:17 -
Ish-këshilltari i Bashës, Ahmetaj: 30 gushti maskaradë, turpi dhe marrja nuk kanë të sosur
30 Gusht 2021, 12:00
-
Meta vlerëson komandantin e LANÇ me dekoratën 'Nderi i Kombit': Kontribute të shquara për organizimin e luftës
11 Gusht 2021, 13:09 -
Ish-këshilltari i Bashës, sulmon Berishën: Falë SHBA, po u vjen fundi politikanëve zullumqarë! Pasi vodhën e shkatërruan Shqipërinë, tani janë kundër amerikës
24 Qershor 2021, 10:06 -
13 Qershori i Bashës, si funeral poshtërimi ndaj vlerave dhe besimit të PD
3 Qershor 2021, 14:45
-
Gjenerali Piro Ahmetaj i ashpër ndaj Bashës: Vish opingat e Sheros dhe largohu kokulur! Shko shkruaj librin 2 me dështimet e tua
15 Maj 2021, 14:59 -
6 mesazhe të këshilltarit të dorëhequr të Bashës, sekserët vranë shpresën, mos votoni lista të bëra natën nga kryetari pa këllqe i PD
26 Mars 2021, 10:45
-
E mori nga Meta, Bashës i ikën edhe gjenerali! Piro Ahmetaj jep dorëheqjen nga Këshilltari i Sigurisë pasi s'e futi në lista
17 Mars 2021, 14:14 -
Gjenerali Piro Ahmetaj shpërthen ndaj Bashës pasi e gënjeu se do ta bënte deputet: Kjo është palo-politikë
10 Mars 2021, 09:26
