POP 5

Lajmet më të lexuara të 5 minutave të fundit

Politikë

U dënua me një vit burg, Salianji akuzon gjyqtarin Artan Gjermeni: Ka falsifikuar faktet, vendimi ishte politik (VIDEO)

Salianji ka hedhur akuza ndaj gjyqtarit Artan Gjermeni duke e cilësuar si të influencuar nga Rama për të burgosur deputete dhe gazetarët.  Ndër të tjera Salinaji shprehet se në Britani nuk është çuar materiali bruto i audio-përgjimit për ekspertim por një material i falsifikuar.

TIRANE-Ish-deputeti demokrat Ervin Salianji ka reaguar një ditë pas zbardhjes së vendimit të arsyetuar të gjykatës, që e dënoi me një vit burg me akuzën e kallëzimit të rremë kryer në bashkëpunim, me inskenimin e audio-përgjimit për ish-ministrin e Brendshëm Fatmir Xhafajt. Salianji akuzon gjyqtarin Artan Gjermeni se është ndikuar nga kryeministri Edi Rama në vendimin për dënimin e tij. Ai thotë se vendimi i djeshëm nuk ka asnjë provë, asnjë fakt dhe asnjë linjë logjike se si ka bashkëpunim mes personave që nuk njihen. “Gjyqtari e pranon në vendim që ne nuk kemi njohje të mëparshme, pranon dhe që mes meje apo dhe  gazetarit Olldashi, nuk ka komunikime dhe asnjë kontakt dhe asnjë njohje me dëshmitarin e sajuar Alizoti” thotë ai.

Vendimi, vijon ai më tej në pjesën hyrëse (22 flete) ka krejtësisht copy/paste konkluzionet përfundimtare të prokurorisë, ndërkohë që gjithë pjesa tjetër është vetëm përsëritje. Ish-deputeti akuzon gjyqtarin edhe për falsifikim. “Një nga faktet e falsifikuara në vendimin e gjykatës është mos dorëzimi i materialit origjinal. Gazetari Olldashi e ka dorëzuar materialin origjinal, por qëllimisht kur është ndarë dosja e trafikimit të narkotikëve, nga ajo e kallëzimit të rremë, materiali origjinal është lënë pjesë e dosjes së trafikimit. Tjetër fakt i falsifikuar është ai se në gjykim u provua dijenia e të pandehurve Salianji dhe Olldashi në lidhje me falsifikimin e materialit nga Veliu dhe Alizoti, ndërkohë që gjatë pyetjes në gjykatë vetë dëshmitari i sajuar Alizoti, pranoi që vetëm ai ka qënë në dijeni të këtij fakti deri në datë 01.06.2018,datë që ka bërë dhe denoncimin në polici (pasi ishte përpunuar nga policia). Ky falsifikim është bërë me qëllimin e vetëm për të konsideruar se vepra penale është konsumuar me dashje direkte, si e vetmja mënyrë për tu konsumuar kallëzimi i rremë” thotë Salianji.

Ish-deputeti Ervin Salianji dhe gazetari Jetmir Olldashi u shpallen fajtorë me 18 dhjetor të vitit që lamë pas, nën akuzën e 'kallëzimit të rremë' lidhur me inskenimin e audio-përgjimit me qëllim përfshirjen e vëllait të ish-ministrit të Brendshëm Fatmir Xhafaj në trafikun e drogës. Gjykata Penale vendosi 1 vit burgim për ish-deputetin Salianji me akuzën e kallëzimit të rremë kryer në bashkëpunim. Albert Veliu njohur si Babalja u dënua me 3 vite e 8 muaj burg ndërsa gazetari Jetmir Olldashi u dënua me 6 muaj burg, dënim i cili do të zëvendësohet me 100 orë pune.

Një nga faktet e falsifikuara në vendimin e gjykatës është mos dorëzimi i materialit origjinal. Gazetari Olldashi e ka dorëzuar materialin origjinal, por qëllimisht kur është ndarë dosja e trafikimit të narkotikëve, nga ajo e kallëzimit të rremë, materiali origjinal është lënë pjesë e dosjes së trafikimit. Në gjykim është kërkuar administrimi i kësaj prove, por kjo kërkesë është rrëzuar nga gjyqtari, në mënyrë të qëllimshme: Sot po ju tregoj procesverbalin e dorëzimit të materialit bruto nga gazetari Olldashi (dokumenti). Ky material, materiali bruto është dërguar në Itali për ekspertizë, por më pas ky material nuk u dërgua tek ekspertët britanikë. Tjetër fakt i falsifikuar është ai se në gjykim u provua dijenia e të pandehurve Salianji dhe Olldashi në lidhje me falsifikimin e materialit nga Veliu dhe Alizoti, ndërkohë që gjatë pyetjes në gjykatë vetë dëshmitari i sajuar Alizoti, pranoi që vetëm ai ka qënë në dijeni të këtij fakti deri në datë 01.06.2018,datë që ka bërë dhe denoncimin në polici (pasi ishte përpunuar nga policia). Ky falsifikim është bërë me qëllimin e vetëm për të konsideruar se vepra penale është konsumuar me dashje direkte, si e vetmja mënyrë për tu konsumuar kallëzimi i rremë; Në vendimin e gjykatës përseritet disa herë se motivi për kallëzimin e rremë ka qenë cënimi i reputacionit publik te Geron (Agron) Xhafes. Po si mundet te konsiderohet “reputacion publik” ai i një të dënuari me vendim të formës së prerë të një gjykate të shtetit italian për trafikim lëndësh narkotike!?
Në vendim është falsifikuar fakti në lidhje me aktin e ekspertimit. Në vendim citohet se akti i ekspertimit e rrëzon mundësinë që zeri në audio-pergjim të mund të jetë ai i Geron Agron Xhafës, ndërkohë që vetë akti citon se zëri në audio përgjim është i ngjashëm me atë të Geron Agron Xhafës;

Në vendim citohet termi "kallëzim publik", term ky i panjohur më parë sepse ato që njihen deri tani janë "denoncimi publik" dhe "kallëzimi penal". Ne këtë rast ka vetëm denoncim publik, por gjyqtari me qëllim ka përdorur termin “kallëzim publik”. Në vendim nuk gjendet asnjë përshkrim e aq më pak ndonjë arsyetim në lidhje me drejtuesit e policisë që janë përfshirë në krijimin dhe rekrutimin e dëshmitarit të rremë Alizoti, pavarësisht se rezultoi që të kishim konsumuar veprën penale të deklarimit të rremë, para prokurorit në rastin më të mirë.
Falsifikim i fakteve është edhe arsyetimi se në datën 24.10.2017 ka qenë e pamundur që të kenë qenë fizikisht, njëkohësisht Veliu, Olldashi dhe Xhafaj pasi nga tabulatet e plota, rezulton që në harkun kohor 12.45 deri 13.45 ata të kenë qenë në të njëjtën rreze në qytetin e Vlorës, siç konfirmohet edhe nga deklarimet e gazetarit Olldashi që ka sqaruar se audio përgjimi është realizuar rreth orës 13.30. Gjykata, po ashtu si prokuroria, pavarësisht se i ka administruar tabulatet të plota, zgjedh të citojë vetëm ato të pas orës 14.00, kur edhe këta persona janë larguar nga njëri-tjetri.

Falsifikim i fakteve është edhe citimi se njohja mes Veliut dhe Olldashit është kryer nga unë e për më tepër, ky “fakt” (tel e datës 20.10.2017 nga Veliu tek unë) konsiderohet dhe momenti i fillimit të bashkëpunimit mes meje dhe të pandehurve të tjerë. Vetë tabulatet tregojnë se komunikimi ka nisur në datë 18.10.2017 me sms të dërguar nga Olldashi tek unë dhe ka vijuar dhe me date 19, çka tregon se iniciator në komunikim ka qenë Olldashi. Falsifikim i fakteve është edhe konsiderimi si fakt i asaj se audio-përgjimi është realizuar në datat 14 ose 15 janar 2018, pasi vetë deklarimet e Alizotit që janë e vetmja bazë e këtij fakti, bien ndesh me tabulatet e telefonave të tij dhe të Veliut. Ata nuk kanë ardhur asnjëherë në Tirane në këto data e në vijim, për të sjellë stilolapsin e pretenduar. Vendimi i Gjermenit bie ndesh me jurisprudencën e GjEDNj, pasi i jep prioritet privatësisë dhe reputacionit publik të një të dënuari me vendim të formës së prerë për trafik narkotikësh që ka vëllain Ministër te Brendshëm, në dëm të lirisë së shprehjes së një politikani të opozitës dhe një gazetari investigativ. Banditët me apo pa mbështetje politike, në polici, prokurori, gjyqësor apo kudo janë, do të mbajnë përgjegjësi një më një, para ligjit dhe nuk do ketë prehër krimineli që do ti shpëtojë." u shpreh Salianji. 


/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ÇELI SHEGA: 06/01/2020 11:02

    Akoma çuni shegës vazhdon e llomotit se ska shtet që e lë të lir ktë lloi e nuk e çon në burg. Se aty ju bën dhe nder burgaxhinjve se do kaloi dor më dor e sumën tja bëjn forr kti bastardi.

    Përgjigju
  • Une: 06/01/2020 02:04

    I pafytyre. Turp

    Përgjigju
  • REGJIZORI: 05/01/2020 18:24

    O salinjan regjizori maje brimën me dori se te burgu të pret tutori. Se je çuni shegës e mëso nga shega që shum do fitosh e si shega do përfundosh.

    Përgjigju
  • sifi: 05/01/2020 16:58

    Nuk mashtron gjykatesi qe ka para tij dosjen me prova ,por ti qe more dy halabak rrugesh ,dhe mashtrove nje popull.Mashtrimi jot ka kosto se shkaktove rremuja prandaj jo nje vit po ti do nja 10 vjet qe te zesh mend or debil.Pale beje te fortin duke i thene zotit Loka qe ti heq mbathjet nga koka.Ti nuk ke b** per force por per atje ku do shkosh.Po nuk u denove me burg drejtesia do tregoj se eshte kunder ligjit dhe e korruptuar legen

    Përgjigju
  • xXx: 05/01/2020 16:10

    S'ka për të bërë asnjë ditë burg ky...Edhe sikur të bëjë duhet ta bëj te burgu grave...

    Përgjigju
  • Anjeza: 05/01/2020 16:06

    Luli mbaje salianjin se ska Strasbourg e Hage qe I lan mekatet e tij. Le ta beje ate denimin se edhe piqet ne burg dhe mesojne ata te tjeret qe te mos guxojne te prodhojne filmat me cilesi te dobet.

    Përgjigju
  • Mamadhia: 05/01/2020 16:05

    Guxim I madh o salinj te shantazhosh dhe te shpifesh per gjyqtaret dhe prokuroret! Hajde mos u merzit se SPAK po vjen

    Përgjigju
  • Zen: 05/01/2020 15:11

    Shko edhe ti ne Zvicer kerko azil

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin ditën e Krishtlindjes Zelensky e quajti çnjerëzore, reagon Moska: Ishte sukses! Ne i arritëm objektivat

Sulmin ditën e Krishtlindjes Zelensky e quajti çnjerëzore, reagon Moska: Ishte sukses! Ne i arritëm objektivat

26 Dhjetor, 08:46