POP 5

Lajmet më të lexuara të 5 minutave të fundit

Kronikë

U fut në Shqipëri me grupin e refugjatëve, arrestohet terroristi që ka luftuar në Siri

Një sirian që ka qenë pjesë e grupeve terroriste në vendin e tij dhe në Irak është ndaluar nga policia, pasi po tenton që të kalonte nga Shqipëria për në vendet e BE.

Një emigrantë që dyshohet se ka qenë pjesë e grupeve terroriste në Siri dhe ka mbërritur në Shqipëri, është ndaluar nga policia. Një burim nga Prokuroria i tha Report Tv se bëhet fjalë për një person rreth 35 vjeç, i cili ka hyrë në Shqipëri dy ditë më parë, me një grup emigrantësh që po tentonin të shkonin në vendet e BE-së.

Ky person nuk ka pasur asnjë mjet identifikimi, por një informacion sekret i dhënë nga Shërbimi Informativ Shtetëror, e identifikoi terroristin e dyshuar. Menjëherë Policia e ndaloi dhe e çoi në Qendrën e Mbyllur për të Huajt në Kareç të Shijakut. Ky person sipas burimeve, ka qenë pjesë e një grupi terrorist në Siri, që ka luftuar me ta, por që ka tentuar të shkojë drejt vendeve të BE-së me një identitet të ri.

Terroristi i dyshuar ka qenë pjesë e një grupi prej 16 emigrantësh që u kapën dy ditë më parë pranë pikës kufitare të Kapshticës. Ai nuk e ka dhënë emrin e tij të saktë para policisë, por informacioni i SHISH, që ka ardhur nga agjencitë e huaja, bëri të mundur identifikimin e terroristit të dyshuar.

Nuk është hera e parë që ndodh që në Shqipëri ndalohen persona që mund të kenë luftuar përkrah grupeve terroriste në Siri dhe Irak. Autoritetet shqiptare janë përpjekur ta mbajnë sekret arrestimin e sirianit.

Të dhënat për terroristin e dyshuar janë çuar te Prokuroria e Krimeve të Rënda dhe tashmë pritet që ky person të dorëzohet tek autoritetet e huaja. Edhe largimi nga Shqipëria i personave që dyshohet se kanë luftuar me grupet terroriste mbahet i fshehtë.

Anëtarë të grupeve terroriste shpesh u bashkohen grupeve të emigrantëve që duan të shkojnë në vendet e Bashkimit Evropian, duke tentuar që të fshehin të kaluarën e tyre. Ata i hedhin mjetet e identifikimit dhe paraqesin një emër të ri para autoriteteve. Zbulimi i tyre bëhet nga agjencitë sekrete që këta persona i mbajnë në vëzhgim.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 28/07/2018 09:30

    Më kollaj e keni ti ktheni në kufi me dy hapa andej nga erdhën apo ti transportoni në kampe duke i harxhuar shtetit edhe benzinë?! Por nuk iu intereson tradhëtarëve të shitur..

    Përgjigju
    • Boni: 28/07/2018 15:59

      ESHTE LOJE E PISET E SHTETIT E PUSHTETARVE TONE......

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, ndërron jetë 65- vjeçari

Kurbin/ Humb kontrollin e mjetit dhe del nga rruga, ndërron jetë 65- vjeçari

25 Dhjetor, 08:23