POP 5

Lajmet më të lexuara të 5 minutave të fundit

Politikë

U tha se ishte larguar drejt PS/ Avokati 'ndërron mendje': Vijoj të jem me LSI

Avokati Esmerald Xhafa duket se "ka ndërruar" mendje dhe ka zgjedhur që të vijojë të jetë me LSI, edhe pse shprehet që nuk ka qenë shumë dakord për me mënyrën e organizimit dhe të sjelljes para fushatës elektorale.

TIRANË- Avokati Esmerald Xhafa duket se "ka ndërruar" mendje dhe ka zgjedhur që të vijojë të jetë me LSI, edhe pse shprehet që nuk ka qenë shumë dakord për me mënyrën e organizimit dhe të sjelljes para fushatës elektorale.

Megjithatë, pavarësisht kësaj, ai shprehet se do të vijojë të jetë pjesë e LSI-së, dhe nuk do t'i bashkohet PS-së në zgjedhjet e 25 prillit.

"Të dashur miq. Në lidhje me lajmin për largimin tim nga Partia Lëvizja Socialiste për Integrim më duhet tiu sqaroj se: Kam patur përplasje në lidhje me mënyrën e organizimit dhe të sjelljes para fushatës elektorale. Diskutimet e mia kanë qenë parimore, dihet botërisht që unë kam qenë pjesë e anëtarësisë së LSI,dhe nuk kam qenë pjesë e strukturave drejtësuese të kësaj force politike. Kam reaguar gjithmonë kur kam menduar se një veprim i caktuar ka qenë i gabuar si dhe kam ngritur zërin kundër çdo padrejtësie, kam protestuar,kam shprehur mendimin tim në çdo medium që kam patur mundësi të shprehem.

Mendoj se ndryshimi nuk vjen duke u sjellë arrogantë me strukturat dhe me ata të cilët kanë dhënë kontributin e tyre për të rritur LSI që nga themelimi i saj deri më sot,si dhe nuk mendoj se duhet të vazhdojmë që të sillemi me votuesit si mbretër kur në fakt duhet të jemi shërbëtor i tij.

Nuk jam produkt i politikës dhe kurrsesi nuk mund të rri pa ngritur zërin kur mendoj se diçka është jo korrekte dhe në dëm të shoqërisë. Një shprehje e popullit thotë: "Nëse nuk ta dëgjojnë fjalën atje ku je,  është më mirë të largohesh". Vazhdoj të jem pjesë e Lëvizjes Socialiste për Integrim", shkruan Xhafa në reagimin e tij.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

VIDEO/ Atentati në Vlorë, policia lëviz automjetin e djegur të autorëve

VIDEO/ Atentati në Vlorë, policia lëviz automjetin e djegur të autorëve

18 Dhjetor, 23:33