ITALI- “Ku është Xhesika”- Kështu e nisi rrëfimin rrëqethës, shqiptari 45-vjeçar Taulant Malaj që kreu një krim monstruoz në familje. Ai vrau vajzën e tij të mitur në tentativë për të vrarë gruan e tij, plagosi këtë të fundit si dhe masakroi për vdekje me teh çelësi italianin, Massimo De Santis, fqinjin e tij në Itali të cilin e akuzonte se kishte një lidhje intime me gruan e tij.
45-vjeçari, Taulant Malaj e nis rrëfimin duke kërkuar vajzën e tij, me gjasë duke bërë sikur nuk mban mend se çfarë ka bërë, ndonëse pas aktit të rëndë ai filmoi gjithë skenën e përgjakur të krimit.
Sipas rrëfimit, ditët e fundit ata kishin pasur një debat në familje, sërish për tradhtinë e pretenduar të gruas, pas së cilës Malaj tha se donte të ndahej. Megjithatë, gruaja e tij e bindi të qëndronte në shtëpi. Duket se Malaj – ende sipas rrëfimit të tij – e kishte zbuluar disa herë gruan e tij me kalimin e kohës në katin e tretë të pallatit ku banonte gjoja i dashuri. Gjithsesi të dielën do të kishte ndodhur diçka tjetërl
“Gruaja ime pranoi se ajo kishte një lidhje me Massimo. Më kishte kërkuar falje për këtë marrëdhënie, por unë doja të ndahesha.”- tha ai.
Gjithsesi të dielën do të kishte ndodhur diçka tjetër, gjithmonë sipas rrëfimit të 45-vjeçarit. Ndërsa burri dhe gruaja ishin në shtrat, sipas tij, Tefta filloi të bisedonte me dikë. Burri, i dyshimtë, do të kishte parë telefonin e gruas dhe do të kishte zbuluar se ajo po bisedonte me fqinjin, Massimon. Pas pak ai doli nga shtëpia dhe priti që Massimo të kthehej në shtëpi nga lokali.
Sapo burri hyri në derë, e goditi me thikë për vdekje. Madje, Malaj i tha prokurorit – raportojnë avokatët – se “kishte vrarë Massimon fillimisht”, më pas u ngjit në shtëpi ku filloi të godiste me thikë gruan dhe më pas vajzën e tij, e cila po përpiqej të mbronte nënën e saj.
“Në atë moment, i verbuar nga inati – raportojnë mbrojtësit e burrit – ai nuk e kuptoi se ishte përballë vajzës së tij dhe filloi ta godiste”. Dy avokatët flasin për “një lidhje të fortë mes autorit të rrëfyer dhe fëmijëve të tij”, 16-vjeçarit dhe një djali 5-vjeçar.
Massimo De Santis, sipas asaj që u rindërtua nga karabinierët, u vra me rreth njëzet goditje të bëra nga shqiptari me një teh çelësi. Ai u qëllua në gjoks, bark dhe kokë: nuk kishte shpëtim për të. Jessica vdiq rrugës për në spital, ndërsa nëna e saj ishte shtruar në spital në Foggia. Gjendja e tij nuk është e rëndë. Ka qenë gruaja e tij, Tefta që ka ngritur alarmin duke telefonuar në 118 e cila nga ana e saj ka telefonuar 112. Me të mbërritur në vend karabinierët ndaluan shqiptarin ende të gjakosur. Në hyrje të pallatit ndodhej trupi i pajetë i tregtarit, ndërsa brenda një shtëpie gruaja e cila kishte telefonuar në 118, me plagë me thikë, pranë trupit të vajzës së saj, në gjendje të pavetëdijshme. Shqiptari ka xhiruar me celularin e tij një video menjëherë pas atentatit, duke filmuar fillimisht trupin e pajetë të burrit dhe më pas ka filmuar vajzën e tij që po vdes dhe gruan e tij në gjendje gjysmë të ndërgjegjshme. Videoja i është dërguar nga burri një bashkatdhetari me banim në Italinë veriore i cili ka lajmëruar menjëherë policinë lokale dhe me shumë gjasa ua ka dërguar pamjet edhe personave të tjerë të identifikuar, të cilët nga ana e tyre kanë bërë të ditur videon nëpërmjet internetit.
E mitura humbi jetën nga duart e babait të saj, Taulant Malaj, teksa u fut për të mbrojtur nënën Tefta Malaj të cilën i ati iu sul duke e qëlluar me thikë. 45-vjeçari shqiptar vrau në hyrjen e pallatit 51-vjeçarin italian Massimo De Santis pasi dyshonte se ai dhe gruaja e tij kishin një lidhje intime. Më pas ngjitet në shtëpi për t’i kërkuar llogari gruas 39 vjeçe duke e sulmuar me thikë dhe lënë të plagosur. Gjatë goditjeve me thikë mes të cilave u fut vajza, e bënë Taluant Malaj vrasës të vajzës së tij.
Krimin rrëqethës bukëpjekësi shqiptar e filmoi me celular dhe e publikoi në What’s up ku në videon 62 sekonda shfaqet duke thënë: 'E shihni këtë këtu, ai është italian”, njeriu me të cilin besoj që gruaja ka një lidhje. Tashmë një herë e kam falur gruan, është i dyti, e kam prerë, i kam vrarë të tre, edhe vajzën, shiko këtu”
Më pas, duke bërtitur, autori pyet se ku është “fëmija”, djali i vogël dhe thotë: “Nuk kam mbaruar akoma”.
Tefta Malaj e plagosur ka arritur të njoftojë policinë, duke parandaluar të tjera viktima. Kryebashkiaku Emilio Di Pumpo bën thirrje që video e krimit të rëndë të mos shpërndahet në rrjete sociale duke kërkuar respekt për viktimat. Tefta Malaj është e shtruar në gjendje shoku në një spital në Foggia ndërsa djalin 5 vjeçar autoritetet ia besuan përkohësisht dajave të tij.
Hetuesit kanë marrë në pyetje të afërm të çiftit shqiptar, ndërsa nga provat e para kemi të bëjmë me një krim pasioni pas dyshimeve të Taulant Malaj për një lidhje të gruas së tij me italianin De Santis. ndërsa për fqinjët e çiftit Malajt kishte thjesht një obsesion që nuk kishte asnjë bazë në realitet.
Tefta, Taulant dhe Jeessica Malaj
Vëllai i Massimo De Santis, italianit i cili u vra nga 43-vjeçari shqiptar Taulant Malaj, thotë se vëllai i tij nuk kishte asnjë lidhje me Teftën, gruan e 43-vjeçarit.
‘Nuk kishte asnjë lidhje fare me vëllain tim, as nuk e takonte zonjën! As në lokal kur ajo erdhi me shoqet e saj për të ngrënë mëngjes, pasi i çoi fëmijët në shkollë, nuk janë parë! Massimo ishte ende enë gjumë, sepse ai bënte gjithçka në lokal, nga pastiçeri e deri te sporteli'- tha Gianluca De Santis, vëllai i 51-vjeçarit të vrarë.
Gianluca përjashton çdo lloj lidhjeje mes vëllait të tij dhe 39-vjeçares Tefta.
"Massimo jetoi në atë godinë për 43 vjet me nënën tonë, e cila tani është 80 vjeç dhe e ve! Marrëdhëniet me atë familje - nënvizon ai - ishin të shkëlqyera, marrëdhënie normale mes fqinjëve, ata përshëndeteshin dhe respektonin njëri-tjetrin". Edhe me Taulantin: “E pa dhe e përshëndeti, asnjëherë sherr, asgjë”, kujton Gianluca.
“Nuk pashë asgjë. Më ishin errur sytë dhe kisha djallin në tru”. Kështu u rrëfye Taulant Malaj, 45-vjeçari që vrau vajzën e tij 16-vjeçare dhe fqinjin me të cilin dyshonte se e tradhtonte gruaja.
Kur karabinierët e arrestuan, ishte ende me rrobat e krimit, të lyera me gjak dhe kishte lënë thikën e kuzhinës brenda makinës. Në gjendje konfuze, pyeste: “Si është Xhesika, a është mirë?”
Djali 5-vjecar i kishte shpëtuar duarve të babait të nevrikosur pasi ishte fshehur prapa divanit dhe në momentin e mbërritjes së karabinierëve, iu besua dajave.
Tefta Malaj është gruaja 39-vjeçare e sulmuar nga bashkëshorti i saj në Torremaggiore, në zonën e Foggia. Ajo arriti të shpëtonte, por vajza 16-vjeçare, e cila u përpoq ta mbronte nuk mundi t’u shpëtojë plagëve të marra. Jessica vdiq nën goditjet e babait të saj.
Por ajo nuk është vajza e parë që pëson këtë fat. Më 11 maj 2021 edhe 19-vjeçari Mirko Farci humbi jetën duke mbrojtur nënën e tij nga agresioni i ish-partneres së tij, Masih Shaid në Tortolì të Sardenjës.
Nëna e tij, Paola Piras , 52 vjeçe e goditur 18 herë me thikë dhunshëm nga burri me të cilin kishte vendosur të shkëputej, shpëtoi për ‘një fije’. Pas 40 ditësh në koma, gjëja e parë që pyeti për Mirkon. Dhe - tregon ajo në një letër drejtuar Corriere della Sera - asaj i thanë se ai nuk ia kishte dalë. Sot Paola Piras i kthehet Teftës duke i thënë: nuk njihemi, por jemi afër për fat të keq.
Paola Piras kishte vendosur gjithashtu të linte të dhunshëm Shaidin, një pakistanez 31-vjeçar. Më 11 maj 2021 në të gdhirë ai kishte hyrë në shtëpi pavarësisht ndalimit për t'u afruar pasi gruaja i kishte shkruar asaj më herët/
"Nëse nuk më lini vetëm, do të telefonoj karabinierët. Më mirë ik nga këtu se më vrave".
Sulmi atë mëngjes kishte zgjuar Mirkon, i cili u hodh në ndihmë të nënës së tij. Nuk mbaj mend asgjë, shkruan ajo sot, por më thanë se kur erdhi ndihma po përkëdhelja djalin tim që tashmë ishte larguar.
Prokurorja Giovanna Morra , gjatë gjykimit, kishte shpjeguar se "Paola Piras u përpoq të ndërmjetësonte me Masih Shaid. Ajo me naivitet mendoi se mund të menaxhonte sjelljen e tij të dhunshme derisa të kalonte çdo kufi të tolerancës njerëzore". Por sot gruaja i drejtohet Teftës duke i kërkuar gjithashtu që të mos dëgjojë akuzat e të tjerëve dhe të mos e mundojë veten me ndjenja faji, duke jetuar mbi të gjitha në emër të fëmijëve që kanë mbetur gjallë: vëllait të vogël të Mirkos dhe Gesicës, e cila është. 5 vjeç dhe që dje i shpëtoi me guxim tërbimit vrastar të të atit.
Një ditë pas ngjarjes tragjike në Itali ku shqiptari Taulant Malaj, vrau vajzën e tij, italianin të cilin e dyshonte si dashnor të gruas si dhe plagosi këtë të fundit, ai ka rrëfyer për masakrën.
Sipas rrëfimit, ditët e fundit ata kishin pasur një debat në familje, sërish për tradhtinë e pretenduar të gruas, pas së cilës Malaj tha se donte të ndahej. Megjithatë, gruaja e tij e bindi të qëndronte në shtëpi. Duket se Malaj – ende sipas rrëfimit të tij – e kishte zbuluar disa herë gruan e tij me kalimin e kohës në katin e tretë të pallatit ku banonte gjoja i dashuri. Gjithsesi të dielën do të kishte ndodhur diçka tjetërl
“Gruaja ime pranoi se ajo kishte një lidhje me Massimo. Më kishte kërkuar falje për këtë marrëdhënie, por unë doja të ndahesha.”- tha ai.
Gjithsesi të dielën do të kishte ndodhur diçka tjetër, gjithmonë sipas rrëfimit të 45-vjeçarit. Ndërsa burri dhe gruaja ishin në shtrat, sipas tij, Tefta filloi të bisedonte me dikë. Burri, i dyshimtë, do të kishte parë telefonin e gruas dhe do të kishte zbuluar se ajo po bisedonte me fqinjin, Massimon. Pas pak ai doli nga shtëpia dhe priti që Massimo të kthehej në shtëpi nga lokali.
Sapo burri hyri në derë, e goditi me thikë për vdekje. Madje, Malaj i tha prokurorit – raportojnë avokatët – se “kishte vrarë Massimon fillimisht”, më pas u ngjit në shtëpi ku filloi të godiste me thikë gruan dhe më pas vajzën e tij, e cila po përpiqej të mbronte nënën e saj.
“Në atë moment, i verbuar nga inati – raportojnë mbrojtësit e burrit – ai nuk e kuptoi se ishte përballë vajzës së tij dhe filloi ta godiste”. Dy avokatët flasin për “një lidhje të fortë mes autorit të rrëfyer dhe fëmijëve të tij”, 16-vjeçarit dhe një djali 5-vjeçar.
Ai u fsheh pas divanit në dhomën e ndenjes, ndërsa babai i tij goditi për vdekje motrën e tij Xhesikën, e cila ndërhyri për të mbrojtur nënën e saj. Kështu djali 5-vjeçar arriti t'i shpëtonte masakrës. Babai Taulant Malaj, një bukëpjekës 45-vjeçar shqiptar vrau Massimo De Santis, i cili besonte se ishte i dashuri i gruas së tij.
Kur karabinierët hynë në shtëpi, e gjetën fëmijën ende të fshehur, të dridhur dhe të tmerruar. Ata e qetësuan dhe më pas ia besuan xhaxhallarëve të tij. Ushtarakët shprehen të bindur se në momentin e arrestimit babai ishte në kërkim të djalit të tij, detaj që del edhe nga videoja e tmerrshme që vrasësi ka xhiruar pas vrasjes së dyfishtë.
Lajme të tjera
-
Itali/ Zbulohet 'streha e drogës', gjenden 76 kg kokainë, pakot dorëzoheshin me furgon! Mes 2 të arrestuarve 1 shqiptar
24 Nëntor, 08:59 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
Itali/ Grupi i ‘skifterëve’ shqiptarë i ikën policisë me ‘Golf’ të vjedhur, njëri arrestohet dhe 2 arratisen! 32-vjeçari i dënuar me rreth 4 vite burg për grabitje
22 Nëntor, 21:34 -
Itali/ Plagosi me kaçavidë dhe i grabiti 14 mijë euro pensionistit në banesë, arrestohet 34-vjeçari shqiptar! Në kërkim prek Korrikut 2023, e tradhtoi xhaketa
22 Nëntor, 20:59 -
Itali/Kishte fshehur brenda dyshekut mbi 2 kg kokainë, arrestohet 22-vjeçari shqiptar! U denoncua nga banorët, shtëpinë e kishte kthyer në bazë droge
21 Nëntor, 21:49 -
U arrestua për rrahjen dhe grabitjen e një italiani, Gjykata e Katanias liron 28-vjeçarin shqiptar! I skeduar më parë për drogë
21 Nëntor, 21:03 -
Itali/ Përgjimet SKY ECC çmontojnë klanet mafioze Sacra Corona dhe Ndragheta, bashkëpunonin me shqiptarët! 33 arrestime të reja, 97 persona nën hetim (EMRAT)
21 Nëntor, 20:06 -
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35 -
Trafik kokaine dhe heroine në Bellizona, në pranga 35-vjeçari shqiptar dhe zvicerani! Nën hetim edhe 3 shqiptarë të tjerë
20 Nëntor, 20:42 -
Vicenza/ Trafikonin dhe xhironin 3,3 mln euro kokainë në vit, shkatërrohet grupi italo-shqiptar! 11 të arrestuar e 4 në kërkim, hetime dhe në Shqipëri (EMRAT+FOTOT)
20 Nëntor, 19:53 -
Jepnin informacione për inteligjencën ruse, dy persona nën hetim në Milano nga prokuroria antiterrorizëm
20 Nëntor, 18:46
