POP 5

Lajmet më të lexuara të 5 minutave të fundit

Kronikë

U vra në detyrë 2 dekada më parë, familja e dëshmorit Llambi Bardhi: Shteti të mos braktisë! Dënime më të ashpra kujt ngre dorën ndaj policisë

Ish-oficeri i komisariatit të Fierit, Llambi Bardhi, u vra në krye të detyrës dy dekada më parë, ndërsa bashkëshortja rriti me vështirësi fëmijët.  Në 112-vjetorin e policisë së shtetit Report Tv foli me familjarët e tij, të cilët bëjnë thirrje që Qeveria të mos i harrojë ata që dhanë jetën për rendin dhe shtetin ligjor.

Margarita Bardhi prej 19 vitesh merr pjesë në përvjetorin e krijimit të policisë së shtetit, edhe pse asnjë ditë nuk ka qenë pjesë e uniformave blu. Kujtimi i bashkëshortit të saj, ish-oficerit të komisariatit të Fierit, Llambi Bardhi, që u vra në krye të detyrës më 29 korrik 2005 duhet mbajtur me krenari, siç i takon Dëshmorit të Atdheut. Mes lotësh ajo kujton ditën kur i shoqi ra kur në krye të detyrës, teksa ishte duke zgjidhur një konflikt pronësie mes fqinjësh në Libofshë. Llambi Bardhi shkoi t’i sekuestrojë armën e gjahut njërit prej të përfshirëve për të shpëtuar jetë, por u qëllua pabesisht, duke iu shtuar panteonit të të rënëve në krye të detyrës.

“Duket sikur ka ndodhur dje. Djali atë ditë kishte provimin e fundit sepse ishte në Akademinë Ushtarake. Vonoi dhe ne u shqetësuam, i binim telefonit. Telefoni binte po nuk hapej, por gjallë në botë nuk ka shkonte mendja kështu. Sikur televizori kishte një kasetë brenda, sa e shtypi vajza televizorin: Një lajm tragjik, inspektori Llambi Bardhi ka ndërruar jetë, është vrarë. Imagjino, 2 vajzat dhe unë vetëm, u shembëm, ishin në këmbë. Pastaj nuk mbaj mend asgjë sepse u vërsulën të gjithë”, thotë Bashkëshortja Margarita Bardhi.

Tre fëmijët i rriti mes vështirësive por kërkon më shumë vëmendje nga Qeveria, si vlerësim të sakrificës së pamatshme që bashkëshorti i saj bëri për shtetin ligjor.

“Është shumë e dhimbshme sepse nuk ka më respekt të uniformës. Puna e tyre është sa e bukur, por edhe shumë e vështirë, prandaj them që ta ruajnë uniformën e tyre, ta respektojnë”, vijon ajo.

Vëllai Jovani apelon për dënime më të ashpra ndaj autorëve që qëllojnë mbi uniformat blu.

“Drejtësia nuk veproi ashtu siç duhet. E dënoi me 22 vjet burg, një kriminel që vrau njeriun, që vrau policin. Duke dalë një term që është i gabuar sot e kësaj dite, gjykim i shkurtuar, për të shpëtuar nga burgimi i përjetshëm, jo nga vdekja se nuk ka më vdekje”, thotë ai.

Dëshmori i Atdheut, Llambi Bardhi ishte më i vogli i familjes, mbeti jetim që 5 vjeç, rritur mes dashurisë së 6 motrave e vëllezërve më të mëdhenj në moshë. 19 vjeç nisi studimet në shkollën e policisë dhe u emërua tre vjet në Elbasan e më pas në Fier. 5 vite pas vdekjes, Bardhi u shpall “Dëshmor i Atdheut”, ndërsa në 2015-ën, në Varrezat e Dëshmorëve të Atdheut në Fier, u zhvillua një ceremoni madhështore përkujtimore në nder të tij.

K.T./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Zgjedhjet e 11 Majit/ PD zhvillon takime me Diasporën, Topalli, Alizoti, Hoti dhe Sula takojnë emigrantët në tre rajone: Vota juaj na duhet për të rrëzuar Ramën

Zgjedhjet e 11 Majit/ PD zhvillon takime me Diasporën, Topalli, Alizoti, Hoti dhe Sula takojnë emigrantët në tre rajone: Vota juaj na duhet për të rrëzuar Ramën

19 Janar, 17:58