POP 5

Lajmet më të lexuara të 5 minutave të fundit

Sociale

Urdhri, provimet e lirimit në 23 dhe
27 qershor, testi: 2 orë e 30 minuta

Ministria e Arsimit ka bërë publike datat e provimeve të lirimit për shkollat 9- vjeçare. Sipas udhëzimit dhe rregullores së firmosur nga ministrja Nikolla të gjithë nxënësit do t’i nënshtrohen provimit të gjuhës shqipe në datën 23 qershor dhe të matematikës në 27 qershor. Testimi në shkollat publike për 2 orë e 30 minuta.
TIRANE- Ministria e Arsimit ka bërë publike datat e provimeve të lirimit për shkollat 9- vjeçare. Sipas udhëzimit dhe rregullores së firmosur nga ministrja Nikolla të gjithë nxënësit do t’i nënshtrohen provimit të gjuhës shqipe në datën 23 qershor dhe të matematikës në 27 qershor. Provimet e lirimit do të fillojnë në orën 10 dhe zgjasin 2 orë e 30 minuta. Ndërkohë për nxënësit e pakicave kombëtare që i përkasin atyre greke dhe maqedonase, udhëzimi i MAS parashikon që provimi të zhvillohet në lëndën gjuhë amtare në datën 20 qershor.

Administratorët
Sa i përket kushteve dhe kritereve qe duhet të zbatojnë nxënësit dhe administratorët gjatë provimit, MAS ka përgatitur një tjetër rregullore. Sipas kësaj të fundit, administratorët e provimeve nuk duhet të jenë mësues të shkollës, si dhe nuk duhet të jetë mësues i lëndës përkatëse të provimit. Një tjetër rregull i përcaktuar është se administratorët nuk duhet të mbajnë asnjë mjet komunikimi gjatë kohës kur zhvillohet provimi, si dhe drejton çdo nxënës, duke mos lejuar lëvizjen e tyre.
Por edhe nxënësit nuk duhet të kenë mjete komunikimi, përveç atyre të kërkuara siç është stilolapsi, certifikata personale apo pasaporta. Një tjetër pikë e rëndësishme e rregullores është se administratori nuk duhet të lejojë kopjimin, si dhe të diskutojë mbi përmbajtjen e testit të provimit. Po kështu gjatë kohës së provimit nuk lejohet asnjë person i paautorizuar të hyjë në këto ambiente, dhe në raste kur ndodh ndonjë parregullsi janë administratorët ata që i raportojnë.

Nxënësit
sa i përket mjediset ku do të vendosen nxënësit ato duhet të jenë në shkollë publike dhe ambienti të mos ketë më pak se 20 nxënës. Në rregullore është përcaktuar që largësia ndërmjet nxënësve të jetë jo më pak se 120 cm dhe sipërfaqja që nxënësi ka në dispozicion për të shkruar, është të paktën 40 cm x 60 cm. Po kështu në mjediset ku zhvillohet provimi, nuk duhet të ketë postera, tabela ose materiale të tjera që kanë lidhje me lëndën që jepet provim.

Sa i përket vlerësimit të përgjigjeve të nxënës pas përfundimit të provimit, ai do të jetë me pikë më pas ato do të ekuivalentohen në notë. Vlerësimi i çdo përgjigjeje të dhënë nga nxënësi për kërkesën përkatëse, do të mbështetet në skemën e vlerësimit të përgatitur nga AKP e cila është e njëjtë për çdo nxënës. Nxënësit të cilët nuk rezultojnë kalues në fazën e parë të provimeve të lirimit, ata kanë të drejtë të japin të dy provimet në sesionin e dytë.

Shkrimi u publikua sot (11.04.2014) në gazetën Shqiptarja.com (print)

Redaksia Online
(d.a/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Polonia akuzon Rusinë se po planifikon akte terroriste kundër linjave ajrore në mbarë botën

Polonia akuzon Rusinë se po planifikon akte terroriste kundër linjave ajrore në mbarë botën

15 Janar, 22:30