Vdekja e drejtoreshës së shkollës në Durrës, inxhineri elektrik në Report Tv: Fikni automatin kur bëni dush! Në treg mungojnë specialistët, duhen marrë masa urgjente

Duke marrë shkasë nga ngjarja e trishtë ku Ornela Gjeçi ka ndërruar për shkak të kontaktit me energjinë elektrike teksa po bënte dush, inxhineri elektrik Azmer Duleviç ka apeluar në studion e Report Tv qytetarët të kenë kujdes.

Edhe pse duket si tematikë me rëndësi të vogël, në thelb rreziku është shumë i madh. Inxhineri elektrik, Azmer Duleviç ka folur sot në Sot Live në Shqipëri me gazetarin e Report Tv, Nertil Agalliu ku u shpreh se duhen marrë masa shumë serioze. Ai u shpreh se çdo qytetar duhet të shohin nëse janë të pajisur me instalime mbrojtëse që në gjuhë teknike quhen ‘salvavitta’.

 “Nuk është për herë të parë dhe ne duhet të marrim masa. Kjo vjen nga mungesa e kushteve teknike pra mbrojtjese. Shumica e banesave fatkeqësisht nuk kanë pajisje mbrojtje dhe qytetarët  as nuk e dinë që duhet t’i kenë.

Pra nuk kanë “salva vitta” që është kjo pajisje që mbron kur preket rryma me ujin. Duet ta ketë butonin 5, nëse nuk e ka nuk jemi të mbrojtur. Shumë ndërtesa, pallate dhe ndërtesa të reja nuk i kanë bërë standardet elektrike sipas normave që duhet. Duhet të shohin banesat e tyre a i kanë këto. Për të qenë i siguruar duhet të jetë kjo pajisje por jo vetëm.”- tha ai.

Inxhinieri ngriti shqetësimin se edhe punonjësit janë të pakualifikuar.  

‘Kemi punonjës të pakualifikuar, që kanë zanat me të vjedhur. Duhen njerëz të aftë për këto punë dhe prandaj jemi në këto situate. Duhet të ketë kualifikim të këtyre gjërave. Vendet fqinje kanë shumë vite që s’i kanë këto probleme.’- vijoi ai.

Më tej, ai këshilloi të gjithë qytetarët që është më mirë që të fiket automati gjatë kohës kur laheni, kështu do të jeni 100% të sigurt.

‘Unë kam një këshillë. Kur jeni duke bërë dush ta fikni ose të hiqni spinën nga priza. Duhet të identifikohet automati sepse bojleri ka peshën elektrike më të madhe. T’i mund ta heqësh spinën nga priza por uleni automatin që të jeni të mbrojtur 100%.’- përfundoi ai.

Teksa po lahej në dush, drejtoresha Ornela Gjeçi humbi jetën një ditë më parë pasi ra në kontakt me energjinë elektrike. Bashkëshorti i saj e dërgoi me urgjencë në spitalin e Durrësit, por 45-vjeçarja nuk arriti të mbijetojë dot. Ajo humbi jetën në banesën e prindërve të saj në Maminas, ku jetonte me bashkëshortin edhe fëmijën e tyre të vetëm. Bashkëshorti i saj është pjesë e Forcave të Armatosura dhe shërben në Policinë Kufitare të Durrësit. Ndërkohë, Ornela Gjeçi jepte në shkollën ‘Rrubjekë’ lëndën e Historisë.

Për fat të keq kjo nuk është hera e parë që një person ka humbur jetën si pasojë e kontaktit me korrentit. Rasti më i fundit ka qenë në Fushë-Arrëz ku humbën jetën nëna me 2 vajzat. 

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • minushe: 23/03/2023 13:30

    po ule automatin sdo kesh drita fare....nuk mjafton vetem heqja e prizes se dushit??

    Përgjigju
    • fisnik cila: 24/03/2023 11:01

      ska nevoj te ulet automati nese ka salvavit paneli qendror i automateve, nese boljeri esht me spin dhe jo i lidhur direkt ne automat, atehere po, duhet hequr nga priza sa her ben dush per efekt sigurie

    • Petrit: 23/03/2023 14:53

      Jo jo, duhet bere dush ne terr.Sepse drite=korent.

  • Sondazhi i ditës:

    Kuvendi kërkon që Greqia të heqë ligjin e luftës, si e vlerësoni?



×

Lajmi i fundit

‘Si ka mundësi që Nuredin Dumani kryen aktivitet nga burgu?’ Salianji: Ligji i ri për 'Policinë' presion për t’i përdorur për zgjedhjet

‘Si ka mundësi që Nuredin Dumani kryen aktivitet nga burgu?’ Salianji: Ligji i ri për 'Policinë' presion për t’i përdorur për zgjedhjet