POP 5

Lajmet më të lexuara të 5 minutave të fundit

Kronikë

Ndërrojnë jetë 13 qytetarë nga COVID në vend, shënohen 1184 raste të reja! Java e tretë e shkurtit mbyllet me 111 vdekje

13 persona nuk i kanë mbijetuar dot infeksionit me Covid-19 në vend, ndërsa kanë hunbur jetën. Java e tretë e muajit shkurt përmbyllet me 111 viktima, duke vënë në këtë mënyrë rekord të ri në numër vdekjesh. Krahasuar me javën e parë të shkurtit, rastet e fataliteteve gati janë dyfishuar.

Sërish shifra të larta janë shënuar për shkak të COVID-19 në vend.

Ministria e Shëndetësisë raporton se në 24 orët e fundit kanë ndërruar jetë 13 persona: 8 qytetarë nga Tirana, 2 qytetar nga Elbasani, 1 qytetar nga Gramshi, 1 qytetar nga Berati, 1 qytetar nga Lushnja, të moshave 48-81 vjeç.

Ndërkohë që janë shënuar 1184 raste të reja, nga 4013 testime të kryera në gjithë vendin.

Ministria njofton se aktualisht në spitalet COVID në Tiranë dhe në dy spitale rajonale po trajtohen 632 pacientë, 40 në terapi intensive nga të cilët 14  pacientë janë të intubuar.

Gjatë ditës së sotme janë kryer 822 vaksinime antiCovid dhe që nga fillimi i vaksinimit janë kryer 5791 vaksina antivCOVID.

Në 24 orët e fundit janë shëruar 796 qytetarë, duke e çuar numrin e të shëruarve 63,329 që nga fillimi i epidemisë.

Ministria e Shëndetësisë dhe Mbrojtjes Sociale ju bën apel qytetarëve të gjithë qytetarëve të zbatojnë rregullat për parandalimin e COVID19, vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjenën vetjake dhe vetëizolohuni kur dyshoni se jeni të prekur nga Covid19.

Rastet pozitive të konfirmuara janë identifikuar në këto bashki:

482 raste në Tiranë, 72 në Vlorë, 68 në Durrës, 57 në Kuçovë, 55 në Elbasan, 34 në Sarandë, 33 në Kavajë, 31 në Mirditë, 30 në Lushnje, nga 29 raste në Shkodër, Gjirokastër, 28 në Fier, 22 në Tepelenë, nga 19 raste në Krujë, Gjirokastër, nga 15 raste në Lezhë, Malësi e Madhe, 14 në Përmet, nga 13 raste në Kurbin, Bulqizë, 9 në Peqin, nga 8 raste në Korçë, Delvinë, nga 7 raste në Berat, Mat, Pogradec, nga 6 raste në Kamëz, Gramsh, nga 5 raste në Devoll, Libohovë, nga 4 raste në Rrogozhinë, Ura Vajgurore, Prrenjas, Vorë, 3 në Patos, nga 2 raste në Pukë, Tropojë, Divjakë, Dibër, Kolonjë, Shijak, Cerrik, nga 1 rast në Has, Vau i Dejës, Belsh, Skrapar, Poliçan.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në linjën e gjelbër 0800 40 40 për të mësuar mjekun tuaj të familjes dhe për të kontaktuar me të. Telefononi në numri unik 127 të Urgjencës Kombëtare për çdo emergjencë.

COVID-19 – Statistika (21 Shkurt 2021)

Raste të reja ditore         1184

Të shëruar në 24 orë      796

Të shtruar në spitale      632

Humbje jete në 24 orë   13

Testime ditore                4013

Testime totale           440,490

Raste pozitive            100,246

Raste të shëruara        63,329

Raste Aktive               35,251

Humbje jete                1,666

Shpërndarja gjeografike e rasteve aktive sipas qarqeve:

Tiranë   21449

Fier        2888

Durrës                  1833

Vlorë                     1816

Shkodër               1466

Elbasan                1087

Lezhë   1031

Berat                    1017

Korçë   966

Gjirokastër 938

Dibër    382

Kukës   378

Rendit zhvillimet sipas orarit:
Ora 17:45
Rritet numri i viktimave nga COVID në vend, java e tretë e shkurtit mbyllet me 111 vdekje

1613812804_Infektivi3.gif

13 persona kanë humbur jetën këtë të diel si pasojë e COVID-19. Ministria e Shëndetësisë njofton se në 24 orët e fundit janë regjistruar 1184 raste të reja pozitive, nga 4013 testime në të gjithë vendin. Raporti i të shëruarve vijon të jetë më i ulët se i infeksioneve, ndërsa bëhet me dije se këtë të diel janë shëruar vetëm 796 persona.

Java që sapo është mbyllur ka regjistruar një bilanc negative përsa i përket numrit të përgjithshëm të vdekejeve si pasojë e virusit korona. Nga e hëna e 15 shkurtit deri në këtë të diel janë regjistruar në total 111 viktima të moshave të ndryshme që nuk mundën t’i mbijetonin virusit. Dita e premte ka shënuar edhe rekordin e vdekjeve, me 19 të tilla. Kjo javë që sapo është mbyllur, edhe në numrin e përgjithshëm të humbjeve të jetëve rezulton të jetë më vdekjeprurësja, e krahasuar me dy javët e para të muajit shkurt.

Nga data 1 deri në datën 7 shkurt janë regjistruar  66 humbje jete, ndërsa në javën e dytë, përkatësisht në datat 8 deri në 14 shkurt janë regjistruar në total 83 fatalitete. Siç mund të vërehet edhe përmes shifrave, numri i vdekjeve sa vjen dhe rritet, sidomos referuar shtimit me 28 vdekje më shumë në javën e tretë të shkurtit, të krahasuar me javën e dytë.

Në javët e fundit ka patur fatalitete të vdekjeve sidomos edhe në moshat më të reja. Ekspertët janë të mendimit se kjo ka ardhur si pasojë e varianteve të reja të virusit që dyshohet se ka ardhur në vendin tonë dhe qarkullon nëpër popullatë.

M.Q./Shqiptarja.com

Ora 12:29
109 raste pozitive me COVID në Fier brenda 24 orëve, policia ‘zbret’ në terren, gjobiten dhjetëra qytetar për mos mbajtje maske

1613907079_fierr.jpg

Fieri ka shënuar një ditë më parë 109 raste pozitiv me koronavirus ndërkohë që 18 raste janë regjistruar në Mallakastër duke thyer kështu rekord infektimesh të ndodhura ndonjëherë.

Në ditën e sotme për shkak të kësaj situate ka pasur edhe një reagim të fortë nga policia e Fierit e cila ka dalë me patrulla në rrugë jo vetëm duke këshilluar kalimtarët për vendosjen e maskës, por edhe në ndëshkimin e tyre me mase administrative.

Vetëm gjatë orëve të para të kësaj të diele policia Fier ka penalizuar me gjoba 58 kalimtare. Çdo ditë në Fier vendosen mesatarisht -30-40 gjoba për mungesë të maskës ndërkohë që sot policia është treguar më e ashpër duke parë edhe papërgjegjshmerinë e qytetarëve dhe sidomos të rinjëve në zbatimin e vendimit për vendosje të maskës

Një ditë më parë Fieri ka shënuar numër të lartë infektimesh nga Covid19. Sipas shifrave të fundit nga ISHP numri i infektimeve shkon në total në 2883 raste , ku vetëm në ditën djeshme janë rregjistruar 109 te infektuar ne Fier dhe18 ne Mallakaster si dhe 1 humbje jete ne Mallakaster.

Ajo çka bie ne sy në këto infektimeve është numri i lartë mes pensionisteve dhe të papuneve por ndërkohë pozitiv me Covid kanë rezultuar edhe punonjës institucionesh dhe kompanive private.

Përpos kësaj situate të infektimeve komuniteti Fierak në shumë shërbime apo në institucione të tjera vijojnë të jenë problematike për radhë të gjata dhe mos zbatimi i distancimit fizik.

M.Q./Shqiptarja.com

M.Q./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kristo: 22/02/2021 03:28

    Keqardhje per te prekurit dhe ngushellime per te ndaret nga jeta. Pandemia vijin te pushtoje gjithe shtepite e shqiptareve te ndershem dhe te vuajtur. Por jo te gjithe te prekurit dhe ndaret nga jeta i mori pandemia. Disa edhe mund te ishin shpetuar, me dhjetra a qindra edhe mund te shpetohen ende. Nese nje qeveri e pergjegjshme vepron sic duhet. Per fat te keq satrapi po na mbyt dhe ashtu si deshtak dhe arrogant na mbiu dite e nate si cjap mjekerr gri i zgjebosur. Dhe sa duhet te vdesin? Te vuajne? Apo baret dhe kafet e restorantet nuk i mbyllin dot per pune fushate. Do zoti u shikon ashtu sic duhet se nga ne populli as qe e vini ujin ne zjarr. Plehra.

    Përgjigju
  • vjosa: 21/02/2021 23:23

    MERR vaksine nga rusia ose kina o rama,,se po na vdesin te afermit...asnje vote nuk ke per te marre nga familjet e tyre...

    Përgjigju
  • kalemi: 21/02/2021 23:13

    FAMILIARET E viktimave te hedhin ne gjygj qeverine dhe ministrine e shendetsise,,,TE KERKOJNE 500.000 EURO PER PERSON QE KA NDERRUAR JETE NGA COVIDI,,,,sepse qeveria nuk kane marre masa QE NJEREZIT TE MOS VDESIN NE KETE PANDEMI 1 VJECARE,,,QEVERIA DUHEJ TE SIGURONTE VAKSINEN,,,EDHE NGA RUSIA APO KINA QOFTE,,,RUSIA-BJELLORUSIA--HUNGARIA--BRAZILI-ARGJENTINA KANE FILLUAR TE BEJNE VAKSININE RUSE SPUTNIK,,,,MAQEDONIA KA NISUR VAKSINEN KINEZE...KURSE RAMA ME MINISTRAT E TIJ JANE BERE SI AGJENSI FUNERALE,,NA NUMEROJNE TE VDEKURIT QE PO NA VDESIN KOT NGA KOTESIA E QEVERISE...

    Përgjigju
  • Ramiz: 21/02/2021 22:27

    Lokalet ndikojn shume ne ritje te rasteve, sepse te gjithe rin mbrenda pa mask.studimet tregon qe ne nje hapsir te mbyllur prej 100m2, edhe nje raste te jet pozitiv, nevojten 8 minute per te hapet ne ajer virusi edhe infektohen te gjithe njerzit, akoma me keq eshte kur perdoret erkodicioner. Po mbyllen per 1 muaj lokalet rastet so bihen shume, edhe nuk do humbasin cdo dite mbi 12 veta, eshte gjunah per ne si komb

    Përgjigju
    • fredi: 21/02/2021 23:29

      do ja paguash ti lokaleve qirate, taksat, xhirot, fitimet, stafin sepse keto biznese kane bere plane financiare dhe nese nuk punojne falimentojne. covidi mund te vdesi dike por ekonomia i vdes te gjithe.

  • Eda: 21/02/2021 22:20

    Mbyllja e lokaleve me teper rregull ne transport publik dhe mbyllja e shkollave per disa jave do kishte patjeter ndikim

    Përgjigju
  • Hamzi: 21/02/2021 19:01

    Mbyllni lokalet per nje muaj t'pakten

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57