Burime për A1 Report konfirmojnë se kanë paraqitur dorëheqjen pothuaj të gjithë drejtuesit e enteve në bashki, duke nisur nga drejtori i përgjithshëm Shkëlqim Barushi, ai i Artit dhe Kulturës Arben Skënderi. Po ashtu mësohet se ka paraqitur dorëheqjen drejtori i përgjithshëm i Planifikimit dhe Menaxhimit të Shërbimeve Taulant Zeneli, drejtoresha e Transportit Nereida Hoxha, drejtori i përgjithshëm i Projekteve Strategjike dhe Investimeve të Huaja Henrik Hysenbegasi, Florian Pustina, drejtori i Planifikimit dhe Zhvillimit të Territorit, drejtoresha e Burimeve Njerëzore Lindita Dedgjoni, Kujtim Ymeri nga drejtoria e Financës, Pëllumb Seferi drejtori i çerdheve, Alma Marku drejtoresha e Marrëdhënieve me publikun dhe drejtoresha e Informacionit në bashki.
Po ashtu konfirmohet se këta drejtorë pasi kanë paraqitur dorëheqjen vijojnë të jenë në detyrë deri në zëvendësimin e tyre me emrat e rinj të kryebashkiakut Veliaj.
Ndërkaq burime nga stafi i bashkisë së re të Tiranës konfirmojnë se kanë filluar emërimet e para. Zoti Veliaj ka emëruar drejtor të përgjithshëm të Tatimeve Arli Naskën dhe me largimin e Florenc Hoxhës nga Inspektorati Ndërtimor , kryebashkiaku Veliaj ka emëruar në krye të këtij institucioni Skerdi Drenovën.
Ora 18:39 Veliaj emëron në krye të Policisë së Bashkisë Tiranë, Ermal Kapllani
Ermal Kapllani do të jetë Drejtori i ri i Policisë Bashkiake të Tiranës. Kryetari i Bashkisë së Tiranës, Erion Veliaj, ka zyrtarizuar sot edhe emërimin e një tjetër drejtuesi të rëndësishëm në krye të një institucioni të cilin gjatë fushatës elektorale pati premtuar se do t’i ndryshonte imazhin.
Kapllani ka mbaruar Akademinë e Lartë të Policisë në vitin 2000 me rezultate të shkëlqyera dhe prej 15 vitesh është drejtues i spikatur në Policinë e Shtetit, ku ka mbajtur detyra të rëndësishme. Së fundi, ai ka mbajtur pozicionin e Zëvendësdrejtorit të Policisë së Qarkut Korçë dhe aktualisht punon në Drejtorinë e Përgjithshme të Policisë së Shtetit.
Paraqesin dorëheqjen
Shkëlqim Barushi
Drejtor i përgjithshëm
Arben Skënderi
Drejtoria e artit dhe kulturës
Taulant Zeneli
Drejtoria e planifikimit të shërbimeve
Nereida Hoxha
Drejtoresha e transporteve
Henrik Hysenbegasi
Drejtor i Projekteve Strategjike dhe Investimeve të Huaja
Florian Pustina
Drejtor i Planifikimit dhe Zhvillimit të Territorit
Lindita Dedëgjoni
Drejtoria e burimeve njerëzore
Kujtim Ymeri
Drejtoria e Financës
Alma Marku
Drejtoria e marrëdhënieve me publikun
Pëllumb Seferi
Drejtor i Çerdheve
Veliaj emëron
Arli Naska – Drejtor i Përgjithshëm i Tatimeve
Skerdi Drenova – Drejtues i INUV
Redaksia Online
(o.b/ Shqiptarja.com)