Veliaj në Rrogozhinë: Demokratët e thjeshtë ngrohen në diell dhe deputetë bëhen Mediu e Ndoka! Në LSI ka rënë tërmeti (VIDEO)

Drejtuesi politik i PS-së për qarkun e Tiranës, Erion Veliaj, ishte në një bisedë me strukturat socialiste në Gosë të Rrogozhinës. Në fjalën e tij Veliaj tha se pasi opozita e ka humbur busullën.

 “LSI-ja është shpërbërë si kokoshi në një thelë. PD-ja e ka humbur fare busullën. Të jesh sot me PD-në duhet të ndihesh njeriu më i fyer në botë sepse ti si demokrat pret dhe shikon që Fatmir Mediu i Gërdecit caktohet kandidat për deputet apo Nard Ndoka me Dash Shehin. Pra, të jesh sot me PD-në duhet të jesh njeriu më i fyer nga partia jote sepse vendet t’i zënë këta që deri dje bëheshin meme - po kandidojnë të gjitha memet e rrjeteve, karikaturat e Instagramit, kurse demokrati i thjeshtë rri e ngrohet në diell, se ai do e marrë vesh i fundit”, u shpreh Veliaj.

Ai u shpreh se edhe LSI-ja me PDIU e kanë humbur moralin, pasi ngatërrojnë kauzat patriotike me pazare politike.

“Ankohen për përmbytjet, por një protestë e PD-së në Tiranë shkatërron më shumë dhe bën më shumë dëme financiare se përmbytja. Një djegie e tyre në Tiranë kushton më shumë se ngrica dhe të gjitha aksidentet që mund të ndodhin prej ngricave. Kur të bie tërmeti në parti, siç i ka rënë LSI-së, kur të zë ngrica dhe të kaplon dimri moral siç ka mbuluar PD-në, dhe kur ngatërron kauzat patriotike me pazaret politike, siç i ka ndodhur PDIU-së, ky po që është problem”, tha ndër të tjera Erion Veliaj.

K.T./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet