VENDIMI I PLOTË NË SHQIP/ Ja si e djathta britanike ‘dënoi’ Sali Berishën ‘non grata’ si i korruptuar dhe përfitues nga krimi i organizuar

Në Mbretërinë e Bashkuar do të ketë një rokadë të fortë në qeverisje, me të majtët Laburistë që do të vijnë në pushtet. Pas 14 vitesh në pushtet Konservatorët kanë pësuar një humbje dërrmuese, teksa janë përgjysmuar si në mbështetje popullore, ashtu edhe me mandate në parlament.

Humbja e konservatorëve shikohet si një disfatë e madhe e të djathtëve edhe në Shqipëri, ndërsa PD-ja e Sali Berishës tashmë shikon garën e Donald Trump në Shtetet e Bashkuara të Amerikës si një ‘fije bari’ për t’u kapur për gjoja t’i hequr ‘non grata-n’ në Shtetet e Bashkuara të Amerikës.

Por duhet kujtuar se ishte pikërisht kjo e djathtë në Britaninë e Madhe e cila shpalli Berishën ‘non grata’ në Mbretërinë e Bashkuar, që gjithashtu e mbrojti fort këtë vendim në përballjen ligjore në Komisionin e Posaçëm të Apelimit të Emigracionit në Londër, i cili më 17 qershor la në fuqi vendimin e Homme Office, duke i quajtur të qenësishme të gjitha argumentet për lidhje të qarta me krimin e organizuar, përfitim nga krimi dhe korrupsioni, përfshirje të qarta të Berishës në disa raste korruptive që cenonin deri në sigurinë e Mbretërisë së Bashkuar.

Report Tv sjell të plotë, për herë të parë të përkthyer në shqip, të gjithë vendimin e Komisionit, me të gjitha argumentet dhe si u rrëzuan qëndrimet e avokatëve të Berishës.

(Kliko këtu për të lexuar dokumentin e plotë)

K.T./SI.E./Shqiptarja.com

TAG:
• Berisha non grata nga Britania
• Britania e Madhe
• Berisha ne listen e zeze te SHBA