TIRANE - Vendimi për dënimin me 3.4 vite burg të ish-ministrit të Brendshëm Saimir Tahiri dhe ish-vartësit të tij Jaeld Çela, që dikur mbante postin e drejtorit të policisë në Vlorë, duket se ka gjetur mbështetje në një vendim të marrë nga gjykata e Vlorës, për ish-policin e krimit ekonomik në Vlorë Renaldo Avdulaj. Ky ish-zyrtar i policisë së Vlorës që rezulton të jetë dhe kunati i Gjergji Kohilës, ashtu si Jaeld Çela dhe Sokol Bode, dalin në përgjimet telefonike të dosjes “Treblova”. Avdulaj përmendet nga trafikantët dhe kultivuesit e drogës, madje sipas bisedave të tyre rezulton se ai ka një parcelë të mbjellë me drogë në zonën e Treblovës, dhe se për këtë parcelë kujdesen punëtorët e Taulant Haxhiraj. Të pandehur e kësaj dosje dhe më konkretisht Taulant Haxhiraj, Shkëlqim Koçiaj, Xhovalin Bako dhe Marjus Bajrami janë dënuar nga gjykata e krimeve të rëndë me një vendim në total prej 29 vite burgim. Së bashku me ta ishte marrë i pandehur dhe punonjësi i policisë së Vlorës Renaldo Avdulaj, për të cilin gjykata e Krimeve të Rënda gjatë seancës paraprake vendosi ta veçojë çështjen e tij, duke e shkëputur nga grupi kriminal dhe dërguar dosjen në Vlorë, për akuzën e “Shpërdorimit të detyrës”, duke ja lënë kompetencën për ta gjykuar gjykatës së Vlorës.
Me gjykim të shkurtuar ky efektiv i policisë së Vlorës, kunat i Gjergji Kohilës është dënuar në mungesë me 5 vite burgim për akuzën e “Shpërdorimit të detyrës”, pasi nuk provohej implikimi direkt i tij në këtë grup kriminal. Por me gjykim të shkurtuar ky dënim për Avdulaj është reduktuar në 4 vite burgim, duke e kaluar në shërbim prove. Momentalisht ky dënim është apeluar në gjykatën e Apelit Vlorë,ku Avdulaj kërkon pafajësi. I njëjti vendim siç ndodhi për ish-policin e Vlorës Avdulaj të përmendur në përgjimet e dosjes Treblova, është dhënë dhe dje nga Gjykata e Krimeve të Rënda për ish-ministrin e Brendshëm Saimir Tahiri dhe ish-drejtorin e policisë së Vlorës Jaeld Çela.
Në argumentim, vendimi i Tahirit është një vendim copy-paste, me atë të marrë në Vlorë kundër Renaldo Avdulaj. Veç se ndryshojnë rrethanat e fabulës. Në të dyja rastet ka qenë gjykata e Krimeve të Rënda, që ka kualifikuar akuzat, duke rrëzuar akuzat e tre prokurorëve Vladimir Mara, Dritan Prençi dhe Arenc Çela, dhe përcaktuar më pas akuzën e “Shpërdorimit të detyrës”. Kjo akuzë është “ngjizur” nga gjykata pas dy vite hetimesh shumë të dobëta që ka bërë prokuroria e Krimeve të Rënda. Pesë prokurorë gjatë gjithë kësaj kohe nuk kanë mundur të gjejnë prova apo fakte direkte që të vërtetojnë implikimin e Tahirit në trafikun e drogës. Por dosja ka shkuar në gjykatë vetëm me indicie, duke e arnuar me përgjimet telefonike të tre procedimeve penale. Gjykata e Krimeve të Rënda ka dënuar për “Shpërdorim detyre” Saimir Tahirin për shitjen e makinës tek Artan Habilaj, dhe kontaktet që ai ka pasur me këtë fundit gjatë një vizite në Greqi. Por edhe se kushërinjtë e tij kanë përdorur emrin e tij në bisedat telefonike.
Lajme të tjera
-
21 Janari/ Tahiri paditi Bashën në 2015, Shqiptarja.com publikoi dokumentin e falsifikuar pas urdhërit të Bashës! Si u korrigjua regjistri i Gardës
1 Nëntor, 11:10 -
Hetimet për '21 janarin', Saimir Tahiri në SPAK pyetet edhe për kallëzimin që ka bërë ndaj Bashës: Ngjarje që duhet zbardhur (VIDEO)
1 Nëntor, 09:41 -
SKEDA/ Nga Fatos Nano dhe Safet Zhulali, te Saimir Tahiri, Lefter Koka dhe Ervin Salianji! Ja ministrat dhe deputetët e arrestuar e dënuar nga Drejtësia
26 Shtator, 16:14 -
Saimir Tahiri 2 orë e gjysmë në SPAK, ish-ministri i Brendshëm në hetim pasuror! Në sitë dhe transaksionet e gruas dhe kunatit (VIDEO)
24 Qershor, 12:59
-
Apeli i GJKKO e la në burg, ish-truproja e Tahirit rekurs në Gjykatën e Lartë
8 Dhjetor 2023, 14:37 -
Akuzohet për trafik droge, Apeli i GJKKO konfirmon dënimin për ish-truprojën e Saimir Tahirit
26 Shtator 2023, 10:24 -
Saimir Tahiri, Klement Balili e Safet Bajri bashkë rreth një tryeze në burgun e Kosovës, Drejtoria e Burgjeve: Fotografia u realizua nga personeli! Vuanin dënimin në të njëjtin sektor
4 Gusht 2023, 17:38 -
Kuvendi përballë kërkesës për arrestimin e deputetëve, pas 2012 iu hoq imuniteti i plotë! Precedentët e mëparshëm, nga Mark Frroku e Tom Doshi tek Saimir Tahiri e Alqi Bllako
10 Korrik 2023, 17:04 -
‘Mallkimi’ i Ministrisë së Brendshme, Balla drejtuesi i 6 në 10 vite qeveri ‘Rama’! Bledi Çuçi, i vetmi i shkarkuar! Dorëheqjet e Tahirit, Xhafajt dhe Lleshaj dhe Demiraj i PD në mes
10 Korrik 2023, 10:59 -
U lirua nga gjykata, Saimir Tahiri vijon dënimin në shtëpi! E kontrollon Shërbimi i Provës
6 Qershor 2023, 12:06 -
Çfarë paralajmëron Tahiri pas lirisë: Do kërkoj të drejtën
3 Qershor 2023, 12:37 -
Yuri Kim reagon për lirimin e Saimir Tahirit: Zhgënjyese që vijon privilegjimi në sistemin e drejtësisë! Pasoja për ata që ndihmojnë ‘miqtë e fuqishëm’
2 Qershor 2023, 18:51
